Ajilanic 9:14 - Quiché Bible

¹⁴ Ri man e i winakil ta ri e jekel chixo'l rajawaxic cäquiban ri nimak'ij re ri Oc'owem che u ya'ic nu k'ij je jas ronojel ri cholajil ri nu yo'm. Ri kas e junam nak'atisabal quebajwataj che ri man i winakil ta jacha' xukuje' che ri aj tinimit.”

Ajilanic 9:14 Referans Kwoze

Aj Levitib 24:22

Xa jun pixab quicoj che ri man i winakil taj xukuje' che ri i winakil rumal rech chi in ri' ri Ajawaxel ri i Dios.”

U Camulixic ri Pixab 31:12

Rajawaxic chi conojel ri tinimit cäquimulij na quib, chi achijab chi ixokib, ri ac'alab xukuje' ri man e i winakil ta ri e jekel pa ri e i tinimit tak, rech cäquita' ri u siq'uixic ri pixab xukuje' cäquetamaj u nimaxic ri Ajawaxel ri i Dios, cäquitakej c'u u banic ri cubij ri pixab.

U Camulixic ri Pixab 29:11

ri ac'alab, ri ixokib xukuje' ri man e i winakil ta ri e jekel chixo'l, xukuje' ne ri banal tak si', ri c'amal tak ja',

Aj Levitib 25:15

Joropa' junab craj na ri tzokopitajem, are junab wa' catlok'om che ri awajil a tz'akat, joropa' junab ri u wächinic ri ulew are wa' cuc'ayij wi chawe.

Aj Levitib 22:25

Mawi mebic'am we awaj tak ri' pa qui k'ab ri man e i winakil taj, che u chi'xic jacha' ta ne che k'obibal che ri i Dios, e awaj wa' ri c'o qui yab, man quec'amar ta wa' chque.”

Aj Levitib 19:10

Mamololej qui wäch ri juwi' tak uva, mawi mebasic' ri tzaknak chuxe'; chebaya' can chque ri mebayib, xukuje' chque ri man awinakil taj. In ri' ri Ajawaxel, ri i Dios.

Elem 12:43

Ri Ajawaxel xubij che ri Moises rachilam ri Aaron: “Are wa' ri pixab che ri Oc'owem: Mawi jun winak ri man i winakil taj ya'talic cutij ta re ri awaj ri cäpilic,

Elem 12:47

Are ja wa' cäquiban conojel ri aj israelib.

Ajilanic 15:15

Xak junam cholajil cajwataj chiwe ix xukuje' chque ri man e i winakil taj; are jun pixab ri cajeki'c, ri caquiban ri tataxelab xukuje' alc'ualaxelab.

Ajilanic 15:16

Junam pixab xukuje' junam cholajil c'o chiwe ix xukuje' chque ri man i winakil taj.”

Ri Esdras 6:21

Ri aj israelib ri xquiya' can ri Babilon ri xetzelej ulok, xquitij quech ri ulabal ri catij pa ri Oc'owem, junam cuc' conojel ri qui k'ilom chi quib che qui banic ri e itzelalaj qui nak'atisabal ri winak ri e aj chila'; xquijunaj c'u quib cuc' che u k'ijilaxic ri Ajawaxel, ri u Dios ri Israel.