Ajilanic 8:17 - Quiché Bible

¹⁷ rumal rech chi e wech conojel ri e qui nabeal ri aj israelib, je xukuje' ri e nabe tak cal ri e cawaj. Aretak xinbano chi xecäm conojel ri e qui nabeal conojel ri aj ejiptib, xebentas c'u can chwe ri e nabeal tak qui c'ojol ri aj israelib.

Ajilanic 8:17 Referans Kwoze

Elem 13:2

“Chebijacha' conojel ri nabeal tak alabom chwe, rumal rech chi conojel ri alabom ri qui nabeal ri aj israelib e wech xukuje' conojel ri nabe tak cal ri cawaj.”

Ri Lucax 2:23

Je xquiban wa' rumal rech chi chupam ri u pixab ri Ajawaxel tz'ibatal wi: “Ronojel nabeal ala cäjach pa u k'ab ri Ajawaxel.”

Santiago 1:18

Ri are' xuchomaj jas cuban na, xuya' ka c'aslemal rumal ri tzij re kastzij, rech cujux jujun nabe tak qui wächinic ri jastak ri e banom rumal.

Hebreos 11:28

Rumal ri cojonic, ri Moises xuban ri nimak'ij re Oc'owem xukuje' xuchiquicha' ri quic', rech ri tako'n aj caj ri quebucämisaj ri e nabeal man copan ta cuc' ri aj israelib.

Hebreos 10:29

¡E ta c'u lo ri jun ri cäretzelaj u wäch ri u C'ojol ri Dios, man nim ta cäril wi ri quic' ri xbanow tastalic winak che are', are ri quic' re ri u c'ulwächinic ri Dios cuc' ri winak, o cuyok' ri Uxlabaxel ri cäbanow tok'ob chke, sibalaj c'ax na ri c'äjisabal u wäch ri jun ri jewa' cubano!

Ri Xuan 17:19

Rumal quech ri e are' nu tasom wib chbil wib, rech xukuje' ri e are' quetastaj rumal ri kastzij.

Ri Xuan 10:36

we ri Tataxel xinutaso in, xinutak ulok cho we uwächulew ri', ¿Jas c'u che quinitzujuj chi quinban wib chi in Dios rumal rech ri xinbij chi in u C'ojol ri Dios?

Ri Ezequiel 20:12

Xukuje' xinya' quetamaxic tak ri e nu k'ij re uxlanem chque, ri rajawaxic are' jun etal rech ri c'ulwächinic ri nu banom cuc' xukuje' jun natabal chi ri in, ri Ajawaxel, e nu tasom chwe.

Salmib 135:8

Are' ri xesocow che cämical ri nabeal ri c'o pa jun ja winak pa Ejipt, xukuje' ri e nabe tak cal ri cawaj.

Salmib 105:36

¡Xuc'am ulok cämical puwi' ri Ejipt, xebucämisaj conojel ri qui nabeal ri aj ejiptib!

Salmib 78:51

¡xubano' chi xcäm kas pa Ejipt ri nabeal c'ojolaxel re conojel ri jujun tak ja winak pa Ejipt!

Ajilanic 3:13

rumal rech chi chwe in ya'tal wi ronojel ala nabeal. Aretak xinban chque ri nabeal tak qui c'ojol ri aj ejiptib, chi xecämic xeben to'tajisaj can chwe ri e nabeal tak qui c'ojol ri aj israelib xukuje' ri nabe tak cal ri cawaj. Rumal ri', e wech. In ri' ri Ajawaxel.”

Aj Levitib 27:26

Are c'u ri nabe tak cal ri awaj e rech ri Ajawaxel rumal rech chi e are wa' ri e nabeal, man c'o ta jun cutas ta che chbil rib. We jun alaj ama' wacax o jun alaj ama' chij, rech ri Ajawaxel.

Elem 29:44

Quintas na ri Lic'om Rachoch Dios re rikoj ib, xukuje' ri porobal, xukuje' quitas na ri Aaron e rachil ri e u c'ojol e jacha' che e cojol tabal tok'ob ri e wech.

Elem 12:29

Niq'uiaj ak'ab ri Ajawaxel xebucämisaj ri e nabeal tak c'ojolaxelab ri e aj ejiptib, are jun ri u nabeal ri ajawinel ri cät'uyi puwi' ri tem re ajawibal xukuje' ri u nabeal ri c'o pa che', xukuje' ri e qui nabeal tak ri awaj.

Ajilanic 8:18

Che c'u ri qui q'uexwäch ri e are' xebenc'am ri aj levitib.