Ajilanic 6:24 - Quiché Bible

²⁴ ‘Are' ri Ajawaxel chatutewichi'j xukuje' chatuc'uxlaj,

Ajilanic 6:24 Referans Kwoze

1 Tesalonicenses 5:23

Are ri Dios ri cäyo'w jamaril chixo'l, cuban tastalic tak winak chiwe pa ronojel, cuchajij ri iwuxlabal, ri i c'aslibal, xukuje' ri i cuerp rech mata c'u jun quetzelal che ri u petibal ri Kajaw Jesucrist.

Filipenses 4:7

Are c'u ri u jamaril ri Dios, ri nim na chuwäch ronojel no'j, cächajin na ri iwanima' xukuje' ri i ch'obobal pa ri Crist Jesus.

Ri Juds 1:24

Ri Dios ri c'o ronojel u cuinem che i chajixic rech man quixtzak taj, jeri' man ix tz'ajtajinak taj aretak quixutac'aba' chuwäch ri u juluwem ruc' nimalaj quicotemal.

Ri Isaiy 42:6

“In, ri Ajawaxel, xatinsiq'uij rech caban ri colomal, xatinyukej c'u che ri a k'ab, rech catux chaconisan rech colobal ib, in xatintac'aba', quinwaj c'ut chi catux u c'utbal ri nu c'utwächinic ruc' ri nu tinimit, qui chäj ri nimak tak tinimit.

Ri Xuan 17:11

In man quinbeytaj ta chic cho ri uwächulew. Ri e are' quebeytaj na cho ri uwächulew, ri in quinbe uc' la. Suc'alaj nu Tat, chec'olo' la ri e are' pa ri bi' la ri e yo'm la chwe, rech quebux xa' e jun, e jacha' ri uj xa' uj jun.

Salmib 91:11

Cuya' c'u na takanic chque ri e u tako'n aj caj che a chajixic apawije' ta ne ri catbe wi.

Salmib 134:3

¡Ri Ajawaxel, ri xbanow ri caj xukuje' ri ulew, chatutewichi'j ulok pa ri juyub Sion!

Ri Rut 2:4

xopan c'u ri Booz, u petic pa Belen xuya' c'u rutzil qui wäch ri ajk'atolob: “¡Are' ri Ajawaxel chc'ol iwuc'!” “¡Are' ri Ajawaxel chtewichi'n la!” xecha' che.

Salmib 17:8

Chinchajij la jacha' ri qui chajixic ri qui c'u'x ri bak'wäch la, chinch'uku la chquixe' ri e qui mu'jal ri e xic' la

Nabe Samuel 2:9

Ri Are' cuchajij ri qui be ri e jic, are c'u ri itzel tak winak quecäm pa ri k'ekumalil, man c'o ta c'u jun cäch'äcan rumal ri u chuk'ab.

1 Pedro 1:5

C'olom chiwe ix, ri ix chajin rumal ri u cuinem ri Dios rumal ri cojonic, rech quixcolotajic. Ronojel suc'umam ulok rech quixcolotajic, ri Dios cuk'alajisaj na pa ri q'uisbal tak k'ij.

Filipenses 4:23

Ri u tok'ob ri Ajawaxel Jesucrist chc'ol ta pa ri iwanima'. Je chbanok.

Efesios 6:24

Tok'ob chque conojel ri quelok'ok'en ri Kajaw Jesucrist, ruc' jun lok'ok'ebal c'u'x ri man cajalc'at taj.

Salmib 28:9

To'tajisaj la ri tinimit la, Ajawaxel; chetewichi'j la ri e ech la. Chebechajij la jacha' ri cuban jun ajyuk'; ¡cheloquej la bic pa k'ab la amak'el!

Ri Isaiy 27:3

In, ri Ajawaxel, in ri quinchajinic amak'el c'ut quinja'j. Chi pa k'ij chi chak'ab quinchajij rech man c'o ta c'ax curiko.

1 Corintios 14:16

We canimarisaj u k'ij ri Dios xak xuwi ruc' ri awanima', ri jun ri cäto'w ri a ch'awem ri man cuch'ob taj ri cabij, ¿la cubij lo je chbanok che ri a maltioxinic, man cuch'ob ta c'u ri cabij?

Chapletajic 28:15

In c'o awuc'; catinchajij na apawije' ta ne ri catbe wi, kas c'u catintzelej na ulok pa we ulew ri'. Man catinwonoba' ta canok we ta ma ta quinban na awuc' jas ri nu bim chawe.”

Ucab Samuel 7:29

chpet ba', pa anima' la, ri u tewichi'xic ri rija'lil ri pataninel ech la rech cajeki' amak'el chbe k'ij sak chuxe' ri to'banic la. Lal, Ajawaxel, chi'm la u banic, ruc' c'ut ri tewichibal la ri rija'lil ri pataninel ech la tewichital na amak'el chbe k'ij sak.”

Ri Daniel 9:17

Ka Dios chtatabej la ri u ch'awem xukuje' ri e u tok'lenic we pataninel ech la ri'; rumal ri bi' la, Ajawaxel, chila la ruc' lok'ok'ebal c'uxaj ri bisobal ri canajinak wi ri achoch la.