Ajilanic 6:20 - Quiché Bible

²⁰ Are c'u ri cojol tabal tok'ob cuban na ri nak'atisabal re yanic chuwäch ri Ajawaxel. Ri uwo u c'u'x ri awaj ri cäbanbex ri nak'atisabal che ri yanic xukuje' ri u ch'o a'aj ri cäya' jacha' che cuchuj che ri Ajawaxel, e jastak ri e tastalic ri e rech ri cojol tabal tok'ob. Aretak c'u cabantaj wa', ri aj nazarey cuya' cäruq'uiaj u wa'l uva.

Ajilanic 6:20 Referans Kwoze

Ri Tzijonel 9:7

¡Jo' ba'! chatakej u tijic ri wa ri catijo; chatquicot che ruq'uiaxic ri u wa'l uva, ri cawuq'uiaj e kajinak c'u chuwäch ri Dios ri e a banoj.

Ajilanic 5:25

Ri cojol tabal tok'ob cuc'am na pa u k'ab ri ixok ri sipanic qui mac quech ri achixomanic rech cuya' chuwäch ri Ajawaxel, cucoj c'ut ri sipanic puwi' ri porobal, c'äte ri'

Ri Xuan 19:30

Aretak xutz'ub ri ch'amalaj u wa'l uva, ri Jesus xubij: “Xtz'akatic.” Xupachba' ri u jolom, xcämic.

Marcos 14:25

Kastzij quinbij chiwe chi man quintij ta chi na we ri u wa'l uva, c'ä pa ri k'ij aretak quintij chi na jumul pa ri rajawibal ri Dios.”

Ri Matey 26:29

Quinbij chiwe, chi man quintij ta chiwe we u wa'l uva ri' c'ä pa ri k'ij aretak quintij chi na ri c'ac' iwuc' jumul chic pa ri rajawibal ri nu Tat.”

Ri Zacariy 10:7

Ri Eprain cux na jacha' ta ne jun ajch'o'j. Ri ranima' cäquicot na jacha' ta ne ruc' u wa'l uva. Aretak c'u cäilic quequicot na ri e ralc'ual. ¡Ri ranima' cäquicot na rumal rech ri Ajawaxel!

Ri Zacariy 9:17

¡Sibalaj utz, sibalaj je'lic cux na ri ulew! Ruc' ri u tz'ebenic ri u trico xukuje' ri u wa'l u uva, ri e kalabom tak xukuje' ri e kalitomab tak catiltit cakan qui k'ab queq'uiy na.

Ri Zacariy 9:15

Ri Ajawaxel ri c'o ronojel u cuinem cuto' na qui wi' ri e rech, ri e are' quequitac'alej na canok tak ri cabaj quech ri aj iquiak' quequibik' c'u na tak ri quequiban qui c'ulel chque; quecuq'uiaj na ri qui quiq'uel jacha' ta ne ruq'uiaxic u wa'l uva, quequinojisaj na quib chque e jacha' ta ne jun nimalaj lak, e jacha' ta ne ri e ruc'a' ri porobal.

Ri Isaiy 35:10

ri e torom rumal ri Ajawaxel queboc c'u na pa Sion cuc' tak bix re quicotemal, ronojel k'ij quequicot na. Cäquirik na utzil xukuje' utzalaj c'aslemal, cäsach na u wäch ri ok'ej xukuje' ri k'oxomal.

Ri Isaiy 25:6

Pa ri juyub Sion, ri Ajawaxel ri c'o ronojel u cuinem, cusuc'umaj na chque conojel ri nimak tak tinimit jun wa'im ri quetijow wi na je'lalaj tak jastak xukuje' u wa'l uva ri k'obisam, rachil je'licalaj tak riquil xukuje' ri kas utzalaj u wa'l uva.

Ajilanic 18:18

At cuya' catcanaj ruc' ri ti'j, junam xukuje' ri uwo u c'u'x ri awaj, ri are sipanic ri nim u banic, xukuje' ruc' ri uwo rachak aj iquiak'ab.

Aj Levitib 23:11

Chucab k'ij re ri k'ij re uxlanem, ri cojol tabal tok'ob cujach chuwäch ri Ajawaxel jacha' sipanic ri nim u banic, rech quec'amar chque.

Aj Levitib 10:15

Ri ra' ri awaj ri cäya' che sipanic, xukuje' ri uwo c'uxaj ri cäya' che sipanic ri nim u k'ij, quec'am na bic chuwäch ri Ajawaxel; queya' chuwäch jacha' sipanic ri nim qui k'ij, querachilaj ri xepo ri queporoxic; are c'u awech wa' amak'el cuc' ri awalc'ual, jacha' ri takanic ri u yo'm ri Ajawaxel.”

Aj Levitib 9:21

E are' tak cuc' ri e uwo c'uxaj, cachil ri a'aj aj iquiak'ab, xuwi xuban ri xban che qui jachic chuwäch ri Ajawaxel, jacha' ri takanic ri u yo'm che ri Moises.

Aj Levitib 7:34

chque c'ut ri qui tabal tok'ob re utzirisan ib ri aj israelib, ri caquiban chwe nu c'amom ri uwo c'uxaj jacha' sipanic ri nim u k'ij xukuje' ri ra' ri awaj ri tasom, e nu yo'm c'u che ri cojol tabal tok'ob ri Aaron, xukuje' chque ri e rija'lil are wa' ri cäya' chque amak'el ri quesax chque ri qui sipanic ri aj israelib.

Aj Levitib 7:31

Ri xepo cäporox rumal ri cojol tabal tok'ob puwi' ri porobal, are c'u ri uwo c'uxaj cäcanaj che ri Aaron xukuje' chque ri e rija'lil.

Aj Levitib 7:30

Cuc' ri kas e u k'ab cuc'am ulok chuwäch ri Ajawaxel ri sipanic ri cäporoxic: ri xepo ri c'o che ri uwo c'uxaj; ri kas uwo c'uxaj che u banic chuwäch ri Ajawaxel jas ri nak'atal u banic che u jachic.

Aj Levitib 7:32

Ri ca' ri awaj ri re ri quiquiak'ab ri queya' che tabal tok'ob re utzirisan ib queya' che ri cojol tabal tok'ob jacha' che cuchuj.

Ajilanic 6:21

Are' pixab wa' che ri cuban chi'nic che u tasic rib che u ternexic ri Ajawaxel jacha' che aj nazarey, e are tak c'u sipanic wa' ri rajawaxic quebel u ya', man coc ta c'u pa ajilabal apachique jun jasach chic ri cacuin ta che u chi'xic. Rajawaxic cutz'akatisaj ri chi'm, je c'u chubana' wa'.”