Ajilanic 5:7 - Quiché Bible

⁷ rajawaxic c'ut cucoj rib chupam. Cuya' c'u na che ri winak ri rajil u q'uexel ri banoj c'ax, cutoj c'u na ri banoj c'ax, ri rajil ri c'ax ri u banom cuya' c'u na jun u ro'il puwi'.

Ajilanic 5:7 Referans Kwoze

Aj Levitib 5:5

Jachin ri quetamatajic chi macuninak pa jun chque we jastak ri', rajawaxic cuk'alajisaj ri macaj ri u banom;

Ri Josue 7:19

Xubij c'ut ri Josue che ri Acan: “Nu c'ojol, chaya' u k'ij xukuje' chak'ijilaj ri Ajawaxel ri xukuje' u Dios ri Israel, chabij ba' chwe jas ri a banom. ¡Mach'uk chnuwäch!”

Aj Levitib 26:40

Pune' ri ix quicoj na iwib chupam ri iwetzelal, xukuje' ri quetzelal ri e i mam, xukuje' ri man qui jiquil taj xukuje' ri qui c'ulelanic chwe,

Ri Lucax 19:8

Xtaq'ui' c'u ri Zaquey, xubij che ri Ajawaxel: “Chilampe' la, Wajaw, pa niq'uiaj chque ri jastak we quinya' chque ri mebayib. We c'o c'u weläk'am chque ri winak, quincajmulij na u tzelexic chque.”

E C'ambal tak Tzij 28:13

Jachin ri quebusach u tza'm ri macaj man utz ta quel na; are' c'u ri quebuk'alajisaj cutanaba' c'u qui banic, cäsach na u mac.

Salmib 32:5

Xink'alajisaj c'ut ri nu mac chwäch la xukuje' ri wetzelal man c'o ta xinc'u' che; xpe pa wanima' qui k'alajisaxic ri e nu mac chwäch la, are c'u ri lal, Ajawaxel, xecuy la.

Aj Levitib 7:7

Ri tabal tok'ob ri u mac rech ri chak'maquil xak junam ruc' ri tabal tok'ob ri u mac rech ri macunic, e are tak c'ut ri pixab xak e junam chque qui cabichal: ri chi'm cux na rech ri cojol tabal tok'ob ri cäpatanij che u rikic ri sachbal macaj.

Aj Levitib 5:15

“Ri winak ri camacunic ri man ruc' taj ri u rayibal cux c'u ajchak'mac re ri quit'orixic ri tastalic tak jastak rech ri Ajawaxel, rajawaxic cäresaj chquixo'l ri u tzobaj jun ama' chij ri man c'o ta jun u yab, jacha' tabal tok'ob u mac rech ri macaj, cuc'am c'u bic che ri Ajawaxel. Ri rajil ri ama' chij rajawaxic u chomaxic joropa' sak puak cäreklej je jacha' ri pajbal ri c'o chupam ri k'ijilabal.

Aj Levitib 5:16

Ri winak ri' cutoj na ri u t'orim chque ri tastalic tak jastak cuya' chi na jun u ro'il, ri cujach pa u k'ab ri cojol tabal tok'ob. Rumal c'u ri chij ri cäpil che cuyubal mac, ri cojol tabal tok'ob curik ri sachbal mac che ri u mac we winak ri', cäcuyutaj c'u ri u mac.

Aj Levitib 26:41

xukuje' c'u ri in quixinc'ulelaj na quixinc'am c'u bic pa ri culew ri e i c'ulel; c'ä chi' c'ut cäquimach' na ri canima' ri quebuk'ijilaj tak diosib, caquitoj c'u na ri qui mac.

Ajilanic 5:8

We c'u ri winak ri cäban wi ri banoj c'ax cäminak chic man c'o ta c'u jun rachalaxic ri' nakaj ta che ri caya' ta wi ri rajil u q'uexel, cacanaj na can wa' che ri Ajawaxel che u to'ic ri cojol tabal tok'ob, c'o chi c'u na ri' ri ama' chij ri rajawaxic cuchi'j na ri cojol tabal tok'ob, che u rikic ri sachbal mac che u josk'ixic ri u mac we winak ri'.