Ajilanic 4:15 - Quiché Bible

¹⁵ Aretak ri Aaron e rachil tak ri e u c'ojol qui q'uisom chic qui pisic conojel ri tastalicalaj tak jastak, e suc'umatal chi c'ut che u takexic ri qui be, cuya' quepe ri e rija'lil ri Coat che qui telexic bic tak we jastak ri'. Mäquinak c'u jun tastalicalaj jasach ruc' ri qui k'ab, rech man quecäm taj. Conojel c'ut we jastak ri' ri e rech ri Lic'om Rachoch Dios re rikoj ib e are' tak wa' ri rajawaxic quequitelej bic ri e rija'lil ri Coat.

Ajilanic 4:15 Referans Kwoze

Ajilanic 7:9

Are c'u ri chque ri e rija'lil ri Coat man xebuya' ta caret chque mawi tak wacax, rumal rech chi ri tastalicalaj tak jastak ri quecuc'aj na, rajawaxic puwi' tak qui teleb quecuc'aj wi u bic.

U Camulixic ri Pixab 31:9

Xutz'ibaj c'ut ri Moises we pixab ri' chuwäch jun wuj, xujach c'u chque ri e cojol tabal tok'ob e aj levitib ri quetelen bic ri caxa ri c'o wi ri u c'ulwächinic ri Ajawaxel, xukuje' chque conojel ri nimak tak tatayib re Israel,

Ajilanic 10:21

E benak chi c'ut ri e rija'lil ri Coat, ri e uc'aninak tak ri tastalicalaj tak chaconisan. Aretak c'u quebopanic, quequirika' chi ri k'ijilabal woctajinak chi apanok.

Nabe Tzijobelil 15:2

Xuya' c'u takanic: “Mawi jun, we man aj Levi, catelen ta bic ri u caxa ri Ajawaxel, are c'ut ri Ajawaxel e chowinak rech e are' quetelen ri u caxa ri Ajawaxel xukuje' rech amak'el e c'o chuwäch che ri u patanixic.”

Nabe Samuel 6:19

Ri Ajawaxel xebucämisaj jujun aj Bet-sems rumal rech chi xeca'y chupam ri caxa. Xebucämisaj oxc'al lajuj (70) achijab, ri aj tinimit sibalaj xcok'ej qui wäch ri xecäm rumal ri Ajawaxel.

Nabe Tzijobelil 15:15

Je c'u xquiban wa' che u c'amic ulok xequicoj ba'lul che u telexic ulok, xquiya' paquiwi' tak ri qui teleb, je jas ri takanic ri xuya' ri Moises rumal ri u takanic ri Ajawaxel.

Ucab Samuel 6:13

aretak c'ut ri e uc'aninak ri u caxa ri Ajawaxel qui yo'm chic wakib u xo'l cakan, ri David xupil jun ama' wacax xukuje' jun ama' chij che tabal tok'ob.

Ri Josue 4:10

Ri e cojol tabal tok'ob ri e uc'aninak bic ri caxa ri c'o wi ri c'ulwächinic xecanaj pa u niq'uiajil ri Jordan aretak ri aj israelib cätajin quequiban conojel ri jastak ri xetak che qui banic rumal ri Ajawaxel rumal ri Josue. Ri winak xeboc'ow aninak,

Ajilanic 3:38

Pa ri elebal k'ij, chuwäch ri k'ijilabal churawäch ri Lic'om Rachoch Dios re rikoj ib, quekaj wi ri Moises ri Aaron xukuje' ri e u c'ojol ri Aaron, e are' c'u quechajin ri k'ijilabal che qui q'uexwäch ri aj israelib. We c'o jachin jun cäpatanijic jacha' jun cojol tabal tok'ob ri man cojol ta tabal tok'ob, cäc'okox che cämical.

Ajilanic 1:51

Aretak c'u cajwataj u k'axexic, e are' queturuwic xukuje' e are' quewocowic aretak quekaj pa tak ri c'olbal. Ronojel winak ri man ya'tal ta chque quekeb che ri k'ijilabal, cac'okox na che cämical.

Elem 19:12

Chebacojo' c'ulbat chuxe' ri juyub rech man queboc'ow ta ri winak, chabij chque chi nim chquila' wi ri juyub, mepaki puwi' ri juyub mawi menakajin pa tak u xcut, apachin c'ut ri cänakajin che, cac'okox che cämical.

Elem 27:7

Ri telebal rajawaxic quejut pa tak ri u xiquin, cäcanaj c'u pa ri quieb u xcut ri porobal, rech cuya' cätelexic.

Aj Levitib 16:13

Cujopij ri k'ol puwi' ri k'ak' chuwäch ri Ajawaxel, are c'u ri u sibal ri c'oc'alaj k'ol cuch'uk ri u wi' ri tz'apibal ri c'o puwi' ri caxa' ri c'olotal wi ri pixab, we jewa' cuban ri Aaron man cäcäm taj.

Ajilanic 1:50

Ri aj levitib rajawaxic e are' quebacojo rech quepatanij chupam ri k'ijilabal rech ri c'ulwächinic, e are' ri quek'axen ri k'ijilabal e rachil tak ri e u chaconisan, xukuje' ronojel ri cajwataj che ri u patanixic. Xukuje' rajawaxic chi chrij ri k'ijilabal quekaj wi.

Ajilanic 4:14

Puwi' quebiya' wi ronojel ri cacoj pa ri patanijic re ri k'ijilanic puwi' ri porobal: ri queya' wi rachak tak k'ak', ri e ch'ipibal tak ti'j, ri e paq'uebal, ri nimak tak lak; conojel c'u ne ri e u chaconisan ri porobal. Che c'u ronojel wa' qui coj na jun ch'ukubal que je'licalaj tak tz'um xukuje' tak ri balul che u telexic bic.

Ajilanic 4:19

Rech man cäc'äjisax ta qui wäch ruc' ri cämical rumal ri qui chapic ri tastalicalaj tak jastak, quibana' ba' ri quinbij: Ri Aaron xukuje' ri e u c'ojol e are' quebin na chque chquijujunal ri caquiban na xukuje' ri c'utum chuwäch chi cutelej bic.

Ajilanic 4:20

Jeri' ri e are' man c'o ta jok'otaj queboc ta che qui ca'yexic ri tastalicalaj tak jastak mawi c'u ne quecäm ta na.”

Ajilanic 18:3

Ri e are' e c'o che ri a patanixic xukuje' che u patanixic ri Lic'om Rachoch Dios, man c'u quenakajin ta chque tak ri chaconisan rech ri k'ijilabal mawi che ri porobal; we c'u man je caquibano, quecäm na ri e are' xukuje' c'u ri ix.

Ucab Samuel 15:24

Xukuje' benak ri Sadoc chquixo'l conojel ri aj levitib ri e u c'aninak bic ri caxa ri c'o wi ri u c'ulwächinic ri Dios, ri xquiya' can chunakaj ri Abiatar c'a xebel na ulok conojel ri winak pa ri tinimit.

Nabe Tzijobelil 23:26

Rumal ri' ri e aj levitib man caquik'axela' ta chic ri u Lic'om Rachoch ri Ajawaxel pa jalan tak c'olbal mawi ri jastak ri quecoj che ri k'ijilanic.”

Elem 19:21

xubij c'u ri Ajawaxel che ri Moises: “Chatkaj bic, chabij chque ri winak chi mäquixalk'atij ri c'ulbat, mawi maquitzucuj rilic nu wäch, e q'ui c'u ne ri metzak chque chi que cämic.

Nabe Ajawinelab 8:3

Xebopan conojel ri nimak tak tatayib re Israel, xukuje' ri e cojol tabal tok'ob xquiwalijisaj ri caxa