Ajilanic 36:2 - Quiché Bible

² “Ri Ajawaxel xuya' takanic chi at, Moises, cajach na ri ulew rumal taklebenic chquiwäch ri aj israelib ri caquitakej na chquijujunal, xukuje' xatutako chi ri ulew ri ya'tal che ri Zelopehad, ri xukuje' kachalal, chi chaya' chque ri e u mia'l.

Ajilanic 36:2 Referans Kwoze

Ajilanic 33:54

Rajawaxic c'ut quijach pa taklebenic chquixo'l tak ri ija'lil que conojel ri amak'; chque ri ija'lil ri sibalaj e q'ui caya' na jun ulew chque ri nim na, chque ri man kas ta e q'ui jun ulew ri man kas ta nim; chquijujunal ri ija'lil cäquic'am na ri cuc'ut ri taklebenic chque.

Ri Job 42:15

Man e c'o ta pa ronojel ri uwächulew ixokib ri sibalaj ta e je'lic e jacha' ri u mia'l ri Job. Ri qui tat xebuban chque chi quebux echbenelab chque tak ri u k'inomal cachil tak ri qui xibal.

Ri Josue 13:6

Quebenwesaj bic ri sidonib chquiwäch ri aj israelib xukuje' ri e c'o pa tak ri c'ache'laj, kas ruc' ri Libano c'ä pa Misrepot-maim. Ri at are' chatoc il che ri jachanic chajacha' c'ut ri ulew pa qui k'ab ri aj israelib je jacha' ri takanic ri nu yo'm chawe.

Ajilanic 36:3

We c'u ri e are' quec'ule cuc' alabom ri e rech jun amak' chic aj israel, ri ulew ri cäyataj chque man u tz'akatil ta chic ri ka amak' cak'ax na pa u k'ab ri qui amak' ri quec'ule wi. Jeri' cächapletaj na resaxic jubik' che ri xya'taj chke rumal taklebenic.