Ajilanic 34:5 - Quiché Bible

⁵ quel pa Asmon cätaken c'ä ruc' ri alaj nima' ri cac'ulbatin ruc' ri Ejipt, queq'uis u tza'm c'ä chuchi' ri plo ri Mediteran.

Ajilanic 34:5 Referans Kwoze

Ri Josue 15:4

ri cataken c'ä pa Asmon, rech quel pa ri nima' re Ejipt queq'uis c'ä chuchi' ri Plo Mediteran. Are' c'ulbatil wa' pa ri u mox elebal k'ij.

Chapletajic 15:18

Kas pa ri k'ij ri' ri Ajawaxel xuban jun c'ulwächinic ruc' ri Abram: “We ulew ri' quinya' na chque ri e awija'lil cächapletaj ulok chuchi' ri nima' re Ejipt copan c'ä chuchi' ri nimalaj nima' Euprats.

Ri Isaiy 27:12

Pa ri k'ij ri' cuc'ut na rib ri Ajawaxel cächapletaj ulok chuchi' ri Euprats c'ä chuchi' ri nima' aj Ejipt, je cubano jacha' aretak cämulix ri trico, are c'u ri ix, aj israelib, quixmol na chijujunal.

Nabe Ajawinelab 8:65

C'o jun k'ij, aretak ri Salomon xukuje' ronojel ri Israel, jun sibalaj q'uialaj winak ri e elinak ulok c'ä pa ri oquibal pa Hamat xukuje' c'ä jela' ruc' ri alaj nima' re Ejipt, xcoc'owisaj ri nimak'ij que tak ri Cäbal che u ya'ic u k'ij ri Ajawaxel ri ka Dios, xquiban chi c'u jun nimak'ij re wukub k'ij; xtz'akat c'u cajlajuj (14) k'ij, nimak'ij chi ronojel.

Ri Josue 15:47

Ri tinimit re Asdod e rachil tak ri e u tinimit xukuje' ri e u k'ab tak u tinimit, xukuje' ri tinimit re Gaz e rachil tak ri e u tinimit xukuje' ri e u k'ab tak u tinimit, quetakal c'ä chuchi' ri nima' re Ejipt, xukuje' chuchi' ri Plo Mediteran.

Ri Ezequiel 47:19

Ri e c'ulbatil aj u mox elebal k'ij quechaptaj bic ruc' ri Tamar, coc'ow chupam ri u c'ache'laj ri Merib-cades xukuje' coc'ow chupam ri alaj u nima' ri Ejipt, c'ä copan na chuchi' ri Plo ri Mediteran.

Ri Daniel 11:45

quebujekeba' c'u ri kajebal aj ajawinel chuxo'l ri plo ruc' ri tastalic juyub re ri je'lical. Chila' c'ut copan wi na ri k'ijol re ri u cämical, man c'o ta c'u jachin jun cäto'wic.’ ”