Ajilanic 34:19 - Quiché Bible

¹⁹ Ri achijab ri rajawaxic quebisiq'uij e are' tak wa': Che ri rech ri ramak' ri Juda: ri Caleb (ri u tat ri Caleb are' ri Jepon).

Ajilanic 34:19 Referans Kwoze

Ajilanic 26:65

are c'u ri Ajawaxel xyo'w u bixic chque chi quecäm na canok chupam ri chaki'j uwo sak. Xak xuwi c'u ri Caleb rachil ri Josue xeto'taj canok, mawi ta ne jun xcanaj ta can chque. (Ri u tat ri Caleb are' ri Jepon, ri u tat ri Josue are' ri Nun.)

Ajilanic 13:30

Are c'u ri Caleb xquitz'apij u pa qui chi' ri winak ri e c'o chuwäch ri Moises, xubij c'ut: “¡Cujbe ba' che u ch'äquic we ulew ri'! ¡Uj cujcuin na che u ch'äquic!”

U Camulixic ri Pixab 33:7

Xubij c'ut ri cuc'ulmaj na ri Juda: “Ajawaxel, tatabej la ri u ch'abal ri Juda: bana' la chi curik rib ruc' ri u tinimit. Chäto' la ruc' ri cuinem la, chato' la pa qui k'ab ri e u c'ulel.”

Ajilanic 14:38

Chque conojel wa', xuwi ri Josue rachil ri Caleb xec'asi' canok.

Ajilanic 14:30

Xuwi coc ri Caleb rachil ri Josue, man c'o ta jun chiwe coc ta na pa ri ulew ri ruc' ronojel wanima' xinchi'j chiwe chi quixinjekeba' wi na.

Ajilanic 14:24

Xuwi ri pataninel wech Caleb c'o jun ruxlabal ri jalanic nimaninak c'u chwe ruc' jiquil. Rumal c'u rech wa' ri are' quinya' che chi coc chupam ri ulew ri xbe che retamaxic u wäch, xukuje' ri e rija'lil quejeki' na chila'.

Ajilanic 14:6

are c'u ri Josue xukuje' ri Caleb, ri xepe can che retamaxic u wäch ri ulew, xquijis ri catz'iak che u c'utic ri k'oxomal

Chapletajic 29:35

Xc'oji' chic jun ral ala ri Lea, xucoj Juda che u bi', xubij c'ut: “Camic quinya' u k'ij ri Ajawaxel.” Man e c'o ta chi c'u ral xec'ojic.

Ajilanic 13:6

ri Caleb re ri ramak' ri Juda (ri u tat ri Caleb are' ri Jepon);

Ajilanic 34:18

Chisiq'uij xukuje' jun c'amal be re jujun amak', che u jachic ri ulew.

U Camulixic ri Pixab 1:36

Xuwi c'u ri Caleb (u c'ojol ri Jepon) man je ta quinban che, ri are' caril c'u na che c'u ri are' xukuje' chque ri e rija'lil quinya' wi na ri ulew jawije' ri cäquiya' wi ri cakan, rumal rech chi xuterenej ri Ajawaxel ruc' ronojel jiquil.’

Salmib 60:7

Ri Galaad xukuje' ri Manases e wech; ri Eprain are to'bal nu jolom; ri Juda are nu ch'ämiy re takanic;

Chapletajic 35:22

Xurika' jun k'ij aretak c'o ri Israel pa we c'olbal ri', xpe ri Ruben xk'oyi' ruc' ri Bil jun chi ixok ri man kas ta rixokil ri u tat. Aretak xretamaj ri u tat, sibalaj xpe royowal. Ri e u c'ojol ri Jacob e cablajuj (12).

Chapletajic 35:23

Ri xebuc'ojolaj ruc' ri Lea are' ri Ruben, ri u nabeal; ri Simeon, ri Levi, ri Juda, ri Isacar xukuje' ri Zabulon.

Ajilanic 13:4

e are' tak c'u wa': ri Samu re ri ramak' ri Ruben (ri u tat ri Samu are' ri Zacur);