Ajilanic 33:52 - Quiché Bible

⁵² chebiwesaj bic conojel ri winak ri e c'o chupam ri ulew, chebipaxij conojel tak ri wächbal ri e c'o cuc' re abaj re porom ch'ich', chebikasaj conojel tak ri e qui k'ijilabal ri e c'o paquiwi' tak ri juyub.

Ajilanic 33:52 Referans Kwoze

Aj Levitib 26:1

“Mebiban tak i diosib mawi tak wächbal; mebiwalajisaj tastalicalaj tak abaj ri quetzoq'uic; mebimej tak iwib chquiwäch, in c'u ri' ri Ajawaxel ri i Dios.

Elem 23:24

Matakej u banic awech ri caquiban we tinimit ri'. Matxuqui chquiwäch tak ri e qui diosib, mawi mebak'ijilaj; xane' chasacha' qui wäch ri qui diosib xukuje' tak ri tastalic tak abaj.

K'atal tak Tzij 2:2

xuwi ta ne we man quiban jun c'ulwächinic cuc' ri e aj chila', xane' chebisacha' qui wäch tak ri e qui porobal ri quek'ijilan wi.’ Are c'u ri ix man xixniman ta chwe: ¿Jasche c'ut je xiban wa'?

Ri Josue 23:7

Man quiyuj ta iwib cuc' ri jule' tak winak chic ri c'ä e jekel waral chixo'l. Man quebik'ijilaj ta ri e qui diosib, mawi mebinimaj mawi ne mebinataj man quebinataj ta ri qui bi' tak we diosib ri', mawi miban jun chi'nic ri kas cäban na pa ri qui bi'.

U Camulixic ri Pixab 33:29

Utz awech at Israel, ¿Jachin ta ri cujunamaj rib awuc'? Kas are' ri Ajawaxel at to'tajisanic; are' catc'uxlanic, catuto' c'ut, ¡are' ri a ch'ich' re ch'o'j ch'äcanel! Ri e a c'ulel cäquijach na quib pa ak'ab, ri at caxak'alej na ri nimal ri quec'amowic.”

U Camulixic ri Pixab 31:5

Aretak c'u ri Ajawaxel cubano chi quekaj we nimak tak tinimit ri' pa i k'ab rajawaxic je quiban chque jas ri takanic ri nu yo'm chiwe.

Ri Josue 9:7

Ri aj israelib xquitzelej u bixic chque ri aj hebeyib: “Ix cäraj ne xa jewa' quixel wi, nakaj chke; ¿jas ta che cakaban jun c'ulwächinic iwuc'?”

Ri Josue 11:15

Ri Ajawaxel xebuya' ri u takanic che ri Moises, are' chi c'u ri Moises xebuya' che ri Josue, ri xebutz'akatisaj conojel, man c'o ta c'u jun ri ma ta xutz'akatisaj.

Nabe Ajawinelab 11:7

Pa tak ri k'ijol ri', ri Salomon xuyac pa ri juyub ri c'o pa ri elebal k'ij che ri Jerusalen, jun k'ijilabal che ri Quemos, jun itzelalaj qui dios ri aj Moab, xukuje' che ri Moloc jun itzelalaj qui dios ri aj amonib.