Ajilanic 33:4 - Quiché Bible

⁴ ri aj ejiptib cätajin quequimukla' tak conojel ri e nabeal tak qui c'ojol, are c'u xbanow ri Ajawaxel chi xecämic, rumal c'u wa' u k'atom tzij paquiwi' tak ri e qui diosib.

Ajilanic 33:4 Referans Kwoze

Elem 12:12

Pa ri ak'ab ri' quinoc'ow na pa ronojel ri Ejipt, quebencämisaj na ri qui nabeal ri aj ejiptib ri e c'o pa tak ri cachoch, xukuje' ri e qui nabeal ri awaj, quinban na ri takal u banic chque conojel ri diosib re Ejipt. In ri Ajawaxel, ri nu yo'm u bixic.

Ri Isaiy 19:1

Cäya' u bixic ri cuc'ulmaj na ri Ejipt: Chiwilampe' ri Ajawaxel: copan pa Ejipt u c'atal rumal jun sutz' ri aninak cäbinic. Chuwäch ri are' quebirbob ri e u diosib ri Ejipt chuwäch, conojel ri aj Ejipt cäquixe'j quib.

Ri Soponiy 2:11

Ri Ajawaxel cux na xibibal chque. Cusachisaj na qui wäch conojel ri e u diosib ri ulew, cäk'ijilax c'u na ri are pa ronojel c'olbal, xukuje' ne cumal ri winak ri e c'o chquipam ri ch'akatak tak ulew ri e c'o tak chupam ri plo.

Elem 18:11

xukuje' chupam ri c'ax ri xquiban chiwe. Camic weta'm chic chi ri Ajawaxel are c'o na u k'ij chquiwäch conojel ri diosib.”

Salmib 105:36

¡Xuc'am ulok cämical puwi' ri Ejipt, xebucämisaj conojel ri qui nabeal ri aj ejiptib!

Ajilanic 3:13

rumal rech chi chwe in ya'tal wi ronojel ala nabeal. Aretak xinban chque ri nabeal tak qui c'ojol ri aj ejiptib, chi xecämic xeben to'tajisaj can chwe ri e nabeal tak qui c'ojol ri aj israelib xukuje' ri nabe tak cal ri cawaj. Rumal ri', e wech. In ri' ri Ajawaxel.”