Ajilanic 32:33 - Quiché Bible

³³ Jeri' chque ri amak' tak re Gad re Ruben, xukuje' ri pa niq'uiaj che ri ramak' ri Manases, ri Moises xebuya' chque ri ulew re Sehon, ajawinel aj amoreyib, xukuje' ri rech ri Og, ajawinel re Basan, xerachilaj ri tinimit tak ri e u tz'akatil xukuje' tak ri ulew ri e c'o chrij.

Ajilanic 32:33 Referans Kwoze

Ri Josue 12:6

Ri Moises xukuje' tak ri aj israelib xech'äcow tak we ajawinelab ri', xuya' c'ut ri Moises ri culew che ri ramak' ri Ruben xukuje' che ri ramak' ri Gad xukuje' che pa niq'uiaj che ri ramak' ri Manases.

Ri Josue 22:4

Camic chi ri are' u tz'akatisam ri u chi'nic e c'o chi c'ut ri e iwachalal pa jamaril, chixtzelej pa tak ri i cäbal ri lic'om xukuje' pa tak ri ulew ri xujach ri Moises ri pataninel rech ri Ajawaxel chiwe pa ri elebal k'ij che ri nima' Jordan.

U Camulixic ri Pixab 29:8

xkaban c'u kech che ri culew, xkajach c'u che quechbal ri amak' tak re Ruben, re Gad xukuje' che ri pa niq'uiaj re ri Manases.

Nabe Tzijobelil 26:32

junam coc' tak ri rachalaxic, e cowilaj tak achijab, ri e quieb mil wukub sient (2,700) c'amal tak qui be ri jujun tak ja winak. Ri ajawinel David xebucoj paquiwi' tak ri amak' aj Ruben xukuje' aj Gad xukuje' ri pa niq'uiaj che ri ramak' Manases, pa conojel ri jastak rech ri Dios o ri jastak rech ri ajawinel.

Nabe Tzijobelil 12:31

Che ri pa niq'uiaj che ri ramak' ri Manases, wajxaklajuj mil (18,000) achijab xetak bic che u cojic ri David che ajawinel.

Nabe Tzijobelil 5:18

Ri e rija'lil ri Ruben xukuje' ri rech ri Gad, xukuje' ri pa niq'uiaj che ri ramak' ri Manases, e cowilaj tak ajch'ojab, ri e c'o qui quetecak tak ch'ich', xukuje' qui ch'ich' tak re ch'o'j xukuje' qui q'uiakbal ch'ab, ri sibalaj utz qui tijoxic banom che u banic ch'o'j. E cawinak quiejeb mil wukub sient oxc'al (44,760) achijab ri e ya'tal che u banic ch'o'j.

Ajilanic 34:14

e quieb amak' c'ut ruc' pa niq'uiaj, ri u bixic, ri ramak' ri Ruben xukuje' ri ramak' ri Gad xukuje' ri pa niq'uiaj rech ri Manases, xc'amtaj ri culew ri ya'tal chque ri jujun tak ja winak, pa ri elebal k'ij che ri Jordan, ri c'o chuwäch ri Jerico.”

Ajilanic 32:1

Ri e amak', ri re ri Ruben xukuje' ri re ri Gad sibalaj e q'ui ri qui wacax e c'olic. Aretak xquilo chi ri e rulew ri Jazer xukuje' ri re Galaad sibalaj e utz che qui pok'isaxic wacax,

Ajilanic 32:32

Cujk'ax na ka wikom kib cujoc chupam ri ulew Canaan cakanimaj ri Ajawaxel, cacanaj c'u na ri ulew pa ka k'ab ri c'o pa ri elebal k'ij che ri Jordan jacha' che kechbal.”

Ri Josue 12:1

E are' tak ajawinelab wa' ri xequich'äc ri aj israelib pa ri elebal k'ij che ri Jordan, xukuje' pa tak ri ulew ri xequich'äc kas pa ri nima' Arnon quetakal c'ä pa ri juyub Hermon, rachil ronojel ri ulew ri c'o pa ri elebal k'ij che ri u beya' ri Jordan:

Ri Josue 14:3

Ri Moises u jachom chi can ulew ch'käp che ri Jordan chque ri amak' Ruben ri Gad xukuje' che ri pa niq'uiaj che ri ramak' ri Manases; are' c'u ri chque ri aj levitib man xuya' ta culew.

Ri Josue 22:7

Che ri jun pa niq'uiaj ri ramak' ri Manases, ri Moises e u yo'm can culew pa ri rulew ri Basan. Ri jun pa niq'uiaj chic ri ramak' ri Manases ri Josue xuya' culew chquixo'l tak ri aj israelib pa ri u kajebal k'ij che ri Jordan, chque tak ri e nabe xebutewichi'j xebutako chi chetzelejok.

Nabe Samuel 13:7

E q'ui chque xek'ax ch'akap che ri Jordan, xebe pa Gad xukuje' pa Galaad; are c'u ri Saul xcanaj na can pa Jilgal, conojel c'u ri rajch'ojab ruc' xe'n ib e teren chrij.