Ajilanic 32:14 - Quiché Bible

¹⁴ Are c'u ri ix camic ri ix qui c'ojolaxelab ri tataxelab aj maquib, quiwaj u banic ri xquiban ri e i tat, che u walijisaxic chi jumul ri royowal ri Ajawaxel chrij ri Israel.

Ajilanic 32:14 Referans Kwoze

Ri Lucax 11:48

Kastzij ri ix ix k'alajisal quech ri qui chac ri i mam, xa' junam i chomanic cuc'. Ri e are' xequicämisaj ri k'axal tak tzij, ri ix c'ut quebiyac qui wi' ri qui mukubal.

Ri Ezequiel 20:21

Xukuje' c'ut ri calc'ual wa' xquiwalijisaj quib chwij. Man xequinimaj ta ri nu pixab, mawi xequitz'akatisaj qui banic tak ri nu pixab, xcawasij tak ri nu k'ij rech uxlanem. Xinchomaj u kasaxic ri woyowal paquiwi' xinsachisaj ta c'u qui wäch chila' pa ri chaki'j uwo sak, che u jamarisaxic ri woyowal,

Ri Isaiy 57:4

¿Jachin ri quitze'j u wäch? ¿Jachin che quiban wi i palaj re etzelam wächaj? ¿Jachin che quiwesaj wi iwak'? Ri ix ix ral ri macaj, winak banal tak tzij;

Ri Isaiy 1:4

¡Tok'ob i wäch winak ajmaquib, tinimit nojinak che etzelal, calc'ual itzel tak winak, alc'ualxelab ri e etzelatajinak! Inajtajisam iwib che ri Ajawaxel, i yo'm can ri Tastalicalaj u Dios ri Israel, i xutum canok.

Salmib 78:57

je xquibano jas ri xequiban ri qui mam, xquixutuj canok, man xebin ta jic chuwäch; ¡xejech'obic jacha' jun subunelalaj q'uiakbal ch'ab!

Ri Job 14:4

Man c'o ta jun cacuinic cäresaj ch'ajch'ojil che ri tz'ilol.

Ri Nehemiy 13:18

Are jewa' ri xquiban ri e i mam, rumal c'u ri' ri ka Dios xebuc'am ulok q'ui tak quiäkasakil pakawi' xukuje' puwi' we tinimit ri'. ¿La are ta c'u qui waj quitakej chic u yaquic royowal ri ka Dios chrij ri Israel rumal ri retzelaxic ri k'ij re uxlanem?”

Ri Esdras 10:10

Are c'u ri cojol tabal tok'ob ri Esdras xtaq'ui'c xubij c'u chque: “Ix ix macuninak u mac rech chi xixc'uli' cuc' ixokib ri man e i winakil taj, i nimatajisam c'ut ri u mac ri Israel.

Chapletajic 8:21

Aretak xopan ri c'oc'alaj ruxlab ri tabal tok'ob chuwäch ri Ajawaxel, xubij: “Mawi jumul quinc'okoj ta chic ri ulew u mac rech ri winak, kas c'u pa ri rac'alal ulok ri winak xuwi cuchomaj ri man utz taj. Xukuje' mawi jumul quinsach chic qui wäch conojel ri awaj, jas ri nu banom.”

Chapletajic 5:3

Ri Adan jun sient ruc' juwinak lajuj (130) u junab aretak xalax ri u c'ojol ri sibalaj junam cäca'y ruc', ri xucoj Set che u bi'.

Ajilanic 32:15

We ri ix man quiwaj ta quitakej ri Ajawaxel, ri are' cuban na chi ri aj israelib quecanaj chi na can q'ui k'ijol chupam ri chaki'j uwo sak, ix c'u ri' ri quixmacubenic chi cäsachisax na qui wäch.”

U Camulixic ri Pixab 9:24

¡Kas aretak wetamam ulok i wäch, ri ix ix c'ulelaninak ulok che ri Ajawaxel!

Ucab Tzijobelil 28:13

xquibij c'u chque: “Mebic'am ulok ri winak waral ri e i yutum ulok, cuban c'u na wa' chke chi cujux na ajchak'maquib chuwäch ri Ajawaxel, ri cätajin qui ban ix chke chi xa' cätajin qui nimatajisaj ri ka mac ri uj macuninak wi, ri sibalaj e oc'owinak chi u wi', cäpe c'u na nimalaj royowal ri Ajawaxel puwi' ri Israel.”