Ajilanic 32:13 - Quiché Bible

¹³ Ri Ajawaxel xpe royowal chque ri aj israelib xuban c'u chque chi xebinicat chi na cawinak junab chupam ri chaki'j uwo sak, c'ä man c'o ta jun xc'asi' ta can chque ri xquiyac royowal cumal ri itzel tak qui banoj.

Ajilanic 32:13 Referans Kwoze

1 Corintios 10:5

E q'ui c'u chque ri man xquiban ta ri cäkaj chuwäch ri Dios. Rumal ri' xecäm can pa ri chaki'j uwo sak.

Salmib 78:33

Rumal ri' ri Dios xuq'uis tzij puwi' ri qui c'aslemal e je ta ne xa jun uxlabic, pa u niq'uiajil jun xibin ib xibibal.

Ajilanic 14:32

Are tak quixcämic quixroki' na canok chupam tak we chaki'j uwo sak ri',

U Camulixic ri Pixab 2:7

Ri Ajawaxel ri i Dios ix u tewichi'm pa ronojel ri i banom, cawinak junab c'ut c'olinak iwuc'. Ix u chajin pa ronojel ri i binem pa we nimalaj chaki'j uwo sak ri', man c'o ta c'u xajwataj chiwe.

Salmib 107:4

Quebinicatic e sachinak chupam ri chaki'j uwo sak ri nojinak che sanyeb, man cäquirik ta ri be ri cäbe ta pa jun tinimit ri quejeki' ta wi;

Elem 16:35

Ri aj israelib cawinak (40) junab xquitij ri jaswa' c'ä xebopan na pa ri u c'ulbatil ri ulew Canaan.

K'atal tak Tzij 2:14

rumal ri' ri Ajawaxel xoyowar chquij ri aj israelib, xubano chi ri eläk'omab xequeläk'aj ri jastak quech, xukuje' xech'äc cumal ri e qui c'ulel ri e c'o chquinakaj man xecuin taj xquito' ta quib pa qui k'ab.

K'atal tak Tzij 2:20

Rumal ri' ri Ajawaxel xpe royowal chquij ri aj israelib, xubij c'ut: “We winak ri' xquipaxij ri c'ulwächinic ri xinban cuc' ri e qui mam, man cäcaj taj queniman chwe.

Salmib 95:10

Cawinak (40) junab xinoyowar cuc' we winak ri', xinbij c'ut: ‘We winak ri' sibalaj quinajtajisam quib chwij ¡man quequinimaj ta ri e nu takomal!’

Ri Amos 2:9

Are c'u ri in, che u jakic ri be chiwäch, xinsachisaj qui wäch ri aj amoreyib; xinsachisaj qui wäch chi nimalaj conojel, pune' sibalaj e jutak tac'aj e jacha' ri chacalte' e co e jacha' ri bakit.

Ri Amos 2:10

Are c'u ri ix xixinwesaj ulok pa Ejipt, cawinak junab c'ut xinc'am i be pa ri chaki'j uwo sak che u ya'ic ri culew chiwe.