Ajilanic 31:3 - Quiché Bible

³ Xubij c'ut ri Moises che ri tinimit: “Jujun tak chiwe chebiwika' iwib che u banic ri ch'o'j, chbicämisaj c'ut ri aj madianib che u ya'ic rajil q'uexel chque pa ri u bi' ri Ajawaxel.

Ajilanic 31:3 Referans Kwoze

Aj Levitib 26:25

Quinc'am na ulok cämical piwi', che u c'äjisaxic i wäch u mac rech chi man i tz'akatisam taj ri nu c'ulwächinic; we c'u quitzucuj u to'ic iwib pa tak ri i tinimit, ri in quintak na ulok yabil chixo'l, quixkaj c'u na pa u k'ab ri c'ulel.

Ri Jeremiy 46:10

Are wa' ri u k'ij ri Ajawaxel ri c'o ronojel u cuinem, ri k'ij ri cuya' rajil u q'uexelal chque ri e u c'ulel. Ri ch'ich' re ch'o'j casocon na c'ä cak'abar na rumal ri quic'. Are c'u ri Ajawaxel ri c'o ronojel u cuinem cuban na jun cämisanic pa ri ulew re ri iquiak'ab, chunakaj ri Euprats.

Ucab Ajawinelab 10:30

Ri Ajawaxel xubij che ri Jehu: “Utz c'u ya' ri e a banom chnuwäch xukuje' tak ri e a banoj ri e a banom e suc' chnuwäch, a banom c'u che ri rija'lil ri Acab ronojel ri nu chomam u banic, ri e awachalaxic quet'uyi' na puwi' ri tem re ajawibal ri c'o pa Israel c'ä chucaj ri ija'lil.”

Ucab Ajawinelab 9:7

At catq'uisow na tzij paquiwi' conojel ri rija'lil ri Acab, ri awajaw, je c'u caban wa' che u ya'ic rajil u q'uexel ri qui quiq'uel ri e k'axal nu tzij xukuje' conojel ri quech ri e pataninel tak wech, ri xa jamix rumal ri Jezabel.

K'atal tak Tzij 5:23

Are' c'u ri aj cajalaj u tako'n ri Ajawaxel xuya' u bixic: ‘¡Chakaj jun cowilaj c'okobal puwi' ri Meroz xukuje' paquiwi' ri e u winak!’ Man xebopan ta c'ut jacha' ri c'o qui chuk'ab che ri to'banic aj Ajawaxel.

K'atal tak Tzij 5:2

“Iwonojel chiya' u k'ij ri Ajawaxel, c'ä e c'o c'u achijab pa Israel ri cäcaj cäquiban ch'o'j; c'ä e c'o na achijab pa ri tinimit ri quenimanic aretak quesiq'uix che u banic ri ch'o'j.

Ajilanic 25:13

rumal c'u rech wa' quinjächo, che are' xukuje' pa qui k'ab ri e rija'lil, chi quebux cojol tak tabal tok'ob re amak'el, rumal rech chi xachixom chwe je c'u ri' xurik ri sachbal macaj chque ri aj israelib.”

Ajilanic 25:11

“Ri Pinees banowinak chi coc'ow ri woyowal chquij ri aj israelib, rumal rech chi ri are' c'o junam achixomanic ruc' je jas ri c'o wuc' in chque. Rumal ri' man nu na yo'm ta wib chi in u c'amom ta bic ri achixomanic man xinq'uis ta c'u u sachixic qui wäch.

Elem 17:16

xubij c'ut: “¡Ri retal ri Ajawaxel pa ri k'abaj! ¡Ri Ajawaxel c'o pa ch'o'j cuc' ri aj amalesib pa ronojel ri qui c'aslemal!”

Ri Jeremiy 50:28

(Winak ri xebanimaj ulok pa Babilon xebopan pa Sion caquitzijoj tak ri xuban ri Ajawaxel ri ka Dios chi u yo'm ri rajil u q'uexelal che ri Babilon rumal ri xuban are' che retzelaxic ri rachoch Dios.)

Ajilanic 31:4

Chquijujunal tak ri amak' rajawaxic quebutak u bic jun mil achijab che u banic ch'o'j.”