Ajilanic 30:7 - Quiché Bible

⁷ cac'ulextax c'ut, aretak c'u coc pa u jolom ri rachajil, man cuk'il ta c'u che u banic, ya'tal che chi cutz'akatisaj u banic ri xuchi'j o ri u yo'm u tzij che u banic.

Ajilanic 30:7 Referans Kwoze

Ajilanic 30:6

We c'u are' jun ixok ri u banom chi'nic che ri Ajawaxel o u yo'm u tzij che u banic jun jasach ri man xuchomaj ta na,

Ajilanic 30:8

We c'u ri rachajil, aretak coc pa u jolom, cuk'il che qui banic, man ya'tal ta chi c'u ri' che chi cutz'akatisaj qui banic ri xebuchi'j xukuje' ri u yo'm u tzij che qui banic ri man xebuchomaj ta na. Ri Ajawaxel man cucoj ta na u chuk'ab che chi quebutz'atisaj qui banic.

Nabe Samuel 1:23

Ri Elcan ri rachajil, xutzelej u bixic che: “Chabana' ba' jachique ri utz ri cawilo. Chatcanaj canok c'ä cawesaj na ri ac'al puwi' ri tu'. Chutz'akatisaj c'ut ri Ajawaxel ri a chi'm.” Rumal c'u ri' xcanaj can ri Na' xuq'uiyisaj ri ral c'ä xresaj na puwi' ri tu'.

Ri Jeremiy 44:19

Ri ixokib xquitik u bixic: “Ri uj quekaban can lej nabe ri quequiq'uexwächij ri Ajawinel Ixok re ri Caj, quekachi'j c'u c'oc' k'ol che xukuje' tak sipanic re u wa'l uva, ronojel c'u wa' xquiya' c'u qui tzij tak ri kachajilal che u banic ronojel wa. Cakatakej c'u na u banic.”

Chapletajic 3:16

Xubij c'u ri Dios che ri ixok: “Quinbano chi cänimataj ri a k'oxomal aretak cäc'oji' ri awal, ruc' k'oxom cawil qui wäch ri e awal. Pune' cärik ri k'oxomal, lok' ri' ri awachajil chawäch, cätakan c'u na ri awachajil pawi'.”

Nabe Samuel 1:11

xuban c'u we chi'nic ri' che: “Ajawaxel ri c'o ronojel u cuinem: we ta quel c'u'x la che ri c'axc'olil ri c'o wi we pataninel ech la ri', quinnataj ta c'u che la, cäya' ta c'u la jun wal ala, in quinjach na che patanixic la, che c'u ri retal we tastajic ri' man cäsocax ta ri u wi' conojel ri k'ij ri cac'asi'c.”

Romanos 7:2

Jun ixok ri c'o rachajil, aretak c'ä c'asal ri rachajil, cubij ri pixab chi ri ixok rajawaxic cäc'oji' ruc'. We c'u cäcäm bic ri rachajil, ri ixok cätzokopitajic quel chuxe' ri pixab ri ximowinak ruc' ri rachajil.