Ajilanic 30:13 - Quiché Bible

¹³ Ri achajilaxel ya'tal che cujiquiba' u banic o cuk'il u banic apachique chi'nic o ri kas chi'nic ri cäban na ri chokinak wi ri rixokil xukuje' cätakchi'xic che man cäwa' taj.

Ajilanic 30:13 Referans Kwoze

1 Corintios 11:3

Quinwaj c'ut quiwetamaj chi ri Crist are' ri qui jolom ri achijab chquijujunal, ri achi are' u jolom ri rixokil, ri Dios c'ut are' u jolom ri Crist.

1 Corintios 11:9

Xukuje' man xban ta ri achi rumal rech ri ixok, xane' are ri ixok xban u mac rech ri achi.

Ri Isaiy 58:5

¿La are pa i c'u'x chi ri man u tijic ta wa'im ri cäkaj chnuwäch are ri u c'axc'obisaxic iwib, ri u pachbaxic ri i jolom jacha' jun xic'ay, qui k'oyoba' c'u iwib i cojom wakwoj tak atz'iak puwi' ri chaj? ¿La are c'u wa' ri quibij ‘man u tijic ta wa'im’ che xukuje' ‘utzalaj k'ij che ri Ajawaxel’?

Salmib 35:13

Aretak c'u queyawajic, in quebenbisoj, quincoj atz'iak re bis, man quinwa' taj, quintakej c'u ch'awem ruc' Dios pa wanima'.

Ri Esdras 8:21

Xinya' c'u u bixic chi man quewa' ta na jujun k'ij chunakaj ri nima' Ahab, che u k'alajisaxic chi uj macuninak chuwäch ri ka Dios, che c'u u tz'onoxic che chi colom chujuc'ama' bic xukuje' ri e kachalaxic xukuje' ri jastak ke.

Ajilanic 29:7

“Chupam ri ulajuj k'ij re ri kas uwuk ic', xukuje' ix quiban jun tastalicalaj mulin ib. Man quixwa' ta pa we k'ij ri', man c'o ta jun u wäch chac qui bano.

Aj Levitib 23:32

Cux na jun k'ij re uxlanem chiwe, ri quicoj na che man u tijic ta wa, quichaplej na pa ri benak k'ij re ri k'ij ubelej rajilabal ri ic', c'ä pa ri benak tak k'ij rech ri jun k'ij chic.”

Aj Levitib 23:27

Kas pa ri lajuj rajilabal we uwuk ic' ri' are K'ij wa' re Sachbal Mac, quiban jun tastalicalaj mulin ib, quicoj c'ut we k'ij ri che ri man u tijic ta wa xukuje' quichi'j sipanic ri queporoxic che u ya'ic u k'ij ri Ajawaxel.

Aj Levitib 16:29

Jun pixab wa' chiwe ri quitakej u banic: pa ri lajuj rajilabal ri uwuk ic', rajawaxic man quixwa' taj, xukuje' man c'o ta jun chac quibano, mawi ri man e i winakil taj ri e jekel chixo'l.

1 Corintios 7:5

Miya' can ri u rikic iwib we man i chomam ix quieb. We ne quichomaj quiya' na can joropa' k'ij ri u rikic iwib rech quiban ch'awem ruc' Dios. Chirika' chi c'u iwib, rech man quixutakchi'j ta ri Satanas che mac, we man quixcuinic quik'il iwib.

Ajilanic 30:12

We c'u ri rachajil, aretak coc pa u jolom, cubij chi man queban taj, man ya'tal ta chi che chi quebutz'akatisaj are' c'ut ri rachajil xbin che chi man quebuban taj. Ri Ajawaxel man cucoj ta u chuk'ab che chi quebutz'akatisaj.

Ajilanic 30:14

We ri are' man c'o ta jas cuban che u k'ilic, we c'u coc'ow jun xukuje' jun k'ij chic, rumal rech chi man c'o ta jas cubij quebujiquiba' conojel tak ri chi'nic o ri e u yo'm wi tak u tzij chi quebubano.