Ajilanic 3:7 - Quiché Bible

⁷ Quec'oji' c'u che u patanixic ri Aaron xukuje' ronojel ri tinimit, chuwäch ri Lic'om Rachoch Dios re rikoj ib, pa qui k'ab c'u cacanaj wi ri patanijic chupam ri k'ijilabal.

Ajilanic 3:7 Referans Kwoze

Ajilanic 1:50

Ri aj levitib rajawaxic e are' quebacojo rech quepatanij chupam ri k'ijilabal rech ri c'ulwächinic, e are' ri quek'axen ri k'ijilabal e rachil tak ri e u chaconisan, xukuje' ronojel ri cajwataj che ri u patanixic. Xukuje' rajawaxic chi chrij ri k'ijilabal quekaj wi.

Ajilanic 8:15

Cäbantaj c'u na wa', c'äte ri' caquichap patanijic chupam ri Lic'om Rachoch Dios re rikoj ib. Rajawaxic quebach'ajch'ojirisaj quebel a jacha' c'u chnuwäch jacha' che jun sipanic ri nim u banic,

Ajilanic 8:11

Ri Aaron cuban na ri nimak'ij chnuwäch in ri nak'atisabal che ri qui jachic ri aj levitib cumal ri aj israelib, jeri' ri aj levitib quetastaj can che ri nu patanixic.

Nabe Tzijobelil 26:26

Ri Selomit xukuje' tak ri e rachalal pa qui k'ab xjach wi ri e c'olotal wi ri k'inomal ri e tastalic tak jastak ri e u tasom ri David, ri e c'amal tak qui be ri jujun tak ja winak, mil tak ajch'ojab ri e c'amal tak qui be ri jujun tak sient ajch'ojab xukuje' ri c'amal tak qui be ri ajch'ojab ri qui tasom che ri Ajawaxel.

Nabe Tzijobelil 26:22

ri e u c'ojol ri Jehiel, Zetam, xukuje' ri Joel ri rachalal e are' chajinelab che ri k'inomal ri c'o chupam ri rachoch Dios.

Nabe Tzijobelil 26:20

E c'o chi c'u niq'uiaj aj levitib e cojom che qui chajixic ri e u k'inomal ri rachoch Dios xukuje' ri e c'olom wi ri tastalic tak sipanic.

Ajilanic 31:30

Ri pa niq'uiaj ri xya' chque ri niq'uiaj aj israelib chic, ri winak, ri wacax tak, xukuje' tak ri chij, o chque conojel ri awaj, cawesaj jun chque ri cawinak lajuj (50) quebaya' c'u chque ri aj levitib ri quebanow ri patanijic chupam ri quink'ijilax wi.”

Ajilanic 3:32

Ri c'amal qui be ri aj levitib ri nim na u k'ij are' ri Eleazar, pu k'ab c'u jachom wi ri quilixic ri quechajin ri k'ijilabal, (ri u tat ri Eleazar are' ri cojol tabal tok'ob Aaron).

Aj Levitib 8:35

Quixcanaj ba' can wukub k'ij, chi pa k'ij, chi chak'ab chuchi' ri Lic'om Rachoch Dios re rikoj ib. Nim chiwila' wi ri takanic ri u yo'm ri Ajawaxel rech man quixcäm taj; je c'u takanic wa' yo'm chwe.”

Ajilanic 3:8

Xukuje' quequichajij ri e u chaconisan ri Lic'om Rachoch Dios re rikoj ib, e c'o c'u che ri qui patanixic ri aj israelib pa conojel ri patanijic chupam ri k'ijilabal.

Ajilanic 1:53

E are' c'u tak ri aj levitib, chrij ri k'ijilabal re ri c'ulwächinic quekaj wi, e are' c'u quechajinic, rech man cäpe ta royowal ri Ajawaxel chquij ri aj israelib.”