Ajilanic 3:6 - Quiché Bible

⁶ “Chebasiq'uij ri e aj ramak' ri Levi, chquijacha' c'u quib chuxe' ri u takanic ri cojol tabal tok'ob ri Aaron chepatanin c'u che.

Ajilanic 3:6 Referans Kwoze

Ri Malaquiy 2:4

Jeri' quiwetamaj na chi in in yowinak we takomal ri' chiwe rech co cäc'oji' ri nu c'ulwächinic ruc' ri Levi.” Are cabin ri Ajawaxel ri c'o ronojel u cuinem.

U Camulixic ri Pixab 10:8

Chi' aretak ri Ajawaxel xebucha' ri ramak' ri Levi che u c'amic bic ri caxa re ri u c'ulwächinic, rech quec'oji' chuwäch ri Ajawaxel che u ya'ic k'ijilanic, cäquiya' c'u ri tewichibal pa ri u bi', jacha' ri qui takem u banic camic.

Ajilanic 2:33

Je c'ut jacha' ri takanic ri u yo'm ri Ajawaxel che ri Moises, ri aj levitib man xebajilax ta pa ri ajilanic.

Ajilanic 2:17

Ri aj levitib e are' ri quetaken na quecanaj c'u chquixo'l ri caj k'at kajebal, cacuc'aj c'u bic ri Lic'om Rachoch Dios re ri rikoj ib. Ri cajk'at mulaj caquitakela' na quib, pa ri qui cholajil ri qui kajic chuxe' c'ut ri kas quetal.

Ajilanic 3:5

Ri Ajawaxel xutzijobej Moises xubij c'u che:

Nabe Tzijobelil 23:32

Xukuje' jachom pa qui k'ab ri u chajixic ri Lic'om Rachoch Dios re rikoj ib ruc' ri Dios xukuje' ri k'ijilabal, quepatanij chupam ri rachoch Dios junam cuc' ri cachalal ri junam camak', ri e rija'lil ri Aaron.

Ucab Tzijobelil 29:11

Are c'u ri camic, nu c'ojol tak mik'il iwib; ix u cha'om c'ut ri Ajawaxel rech amak'el ix c'o chuwäch quixpatanin c'u che, rech c'u quichi'j c'oc' k'ol chuwäch.”

Ri Esdras 6:18

Xequicoj c'ut ri e cojol tabal tok'ob pa tak ri qui chac ri takalic, xukuje' c'u tak ri aj levitib pa tak ri qui chac, che u ya'ic ri k'ijilanic che ri Dios pa Jerusalen, jacha' ri tz'ibatal chupam ri u wuj ri Moises.

Ajilanic 18:21

Chque ri aj levitib quinya' wi jacha' che quechbal ri lajujil ri rajawaxic caquic'am ulok ri aj israelib ri caquesaj che ri qui ch'äcoj, che u tojic ri patanijic ri caquiban pa ri Lic'om Rachoch Dios re rikoj ib.

Nabe Tzijobelil 6:33

Ri e c'o chila' e cachil tak ri e qui c'ojol e are': ri rija'lil ri Coat ri ajbix Heman, u c'ojol ri Joel u c'ojol ri Samuel,

Nabe Tzijobelil 15:2

Xuya' c'u takanic: “Mawi jun, we man aj Levi, catelen ta bic ri u caxa ri Ajawaxel, are c'ut ri Ajawaxel e chowinak rech e are' quetelen ri u caxa ri Ajawaxel xukuje' rech amak'el e c'o chuwäch che ri u patanixic.”

Nabe Tzijobelil 23:28

xecanaj c'u can chuxe' ri qui takanic ri e cojol tabal tok'ob, ri e rija'lil ri Aaron, che qui banic tak ri patan chupam ri rachoch Dios, e are' quejosk'in tak ri e u wäch tak ri ja ri alaj tak ja xukuje' ri qui josk'ixic tak ri tastalic tak jastak, xukuje' ri niq'uiaj patan chic chupam ri rachoch Dios.