Ajilanic 29:6 - Quiché Bible

⁶ c'o chi c'u wi na ri' ri tabal tok'ob ri cächajirisaxic re chi ic' xukuje' ri tabal tok'ob ri cächajirisax k'ij chk'ij, querachilaj ri e rach tak sipanic quech c'äj xukuje' ri rech ri u wa'l uva, jacha' ri takanic ri u yo'm ri Dios. Wa' cux na jun sipanic ri cäc'oc'at ruxlab porom che u ya'ic u k'ij ri Ajawaxel.”

Ajilanic 29:6 Referans Kwoze

Ri Esdras 3:4

Xukuje' xcoc'owisaj ri nimak'ij quech tak ri Cäbal, jacha' ri cubij ri pixab ri tz'ibatalic, ronojel k'ij quequichi'j tak ri tabal tok'ob ri cächajirisaxic ri nak'atisam qui banic, je xquiyao jas ri ajilabal ri takal qui ya'ic ronojel k'ij,

Ajilanic 29:21

Queban c'u wi na ri sipanic tak quech c'äj xukuje' ri e quech ri u wa'l uva cajunamataj cuc' ri cajilabal ri c'ojol tak wacax, ri ama'ib tak chij xukuje' ri alaj ama'ib tak chij, jacha' ri takanic ri u yo'm ri Dios.

Ajilanic 29:18

Queban c'u wi na ri sipanic tak quech c'äj xukuje' ri e quech u wa'l uva cäjunamataj cuc' ri cajilabal ri c'ojol tak wacax, ri ama'ib tak chij xukuje' alaj ama'ib tak chij, jacha' ri takanic ri u yo'm ri Dios.

Ajilanic 15:24

We ri sachinakil man xnabex ta are' c'u banowinak ronojel ri tinimit, ronojel ri tinimit cuchi'j na jun c'ojol ama' wacax chwe jacha' tabal tok'ob ri cachajirisaxic ri cac'oc'at ruxlab, cärachilaj ri rach tak sipanic que c'äj xukuje' ri re u wa'l uva, jacha' ri takanic ri u yo'm ri Dios; qui chi'j chi c'u na jun ama' quisic' chwe jacha' che tabal tok'ob che u josk'ixic ri macaj.

Ajilanic 9:14

Ri man e i winakil ta ri e jekel chixo'l rajawaxic cäquiban ri nimak'ij re ri Oc'owem che u ya'ic nu k'ij je jas ronojel ri cholajil ri nu yo'm. Ri kas e junam nak'atisabal quebajwataj che ri man i winakil ta jacha' xukuje' che ri aj tinimit.”

Aj Levitib 6:9

“Chebaya' we pixab ri' che ri Aaron xukuje' chque ri e u c'ojol, che ri caban che ri tabal tok'ob ri cächajirisaxic: ri awaj ri pilom caya' can puwi' ri k'ak' ri c'o puwi' ri porobal ronojel ri jun ak'ab, rech cujarisaj ri k'ak'.

Ajilanic 28:27

Quichi'j na che ri Ajawaxel, jacha' che tabal tok'ob ri cachajirisaxic ri cäc'oc'at ruxlab, quieb c'ojol wacax, jun ama' chij xukuje' wukub alaj ama'ib tak chij re jujun qui junab.

Ajilanic 29:5

Caquichi'j c'u na xukuje' jun q'uisic' jacha' che tabal tok'ob che u rikic ri cuyubal qui mac,

Ajilanic 7:13

Ri u sipanic are jun liq'uilic lak re sak puak ri cäpajan oxib (3) libra ruc' wajxakib (8) onz xukuje' jun nimalaj lak re sak puak ri cäpajan cajlajuj (14) onz (je' jas ri pajbalil aj k'atbal tzij rech ri k'ijilabal), qui cabichal e nojinak che utzalaj c'äj, ri yok'om aseit ruc', che ri sipanic quech tak c'äj;

Ajilanic 15:4

ri cäc'amow ulok ri sipanic rajawaxic cutik quiejeb libra ruc' niq'uiaj coc'alaj c'äj ri cäyok' jun litro aseit ruc'.