1 “Chupam ri nabe k'ij re ri uwuk ic' ri ix quiban jun tastalicalaj mulin ib. Chupam we k'ij ri' man c'o ta jun u wäch chac qui bano, quiya' na u bixic ri k'ij ruc' rok'ibal trompet.
Ri Ajawaxel cuc'ut na rib puwi' ri u tinimit; quebutzokopij tak na ri e u ch'ab e jacha' ta ne cakulja. Ri Dios, ri Ajawaxel, cok'isan na ri trompet cunim c'u na rib chupam ri quiakik' jäb re ri mox ri elebal k'ij.
Pa ri k'ijol ri' cok'isax na ri nimalaj trompet, che qui siq'uixic ri e sachinak pa Asiriy, xukuje' che qui siq'uixic ri e okatam bic pa Ejipt, quepe c'u na che u k'ijilaxic ri Ajawaxel pa Jerusalen, pa ri tastalicalaj juyub.
Kas pa ri nabe k'ij re ri uwuk ic' xquichaplej qui chi'xic tak ri tabal tok'ob ri quechajirisax chuwäch ri Ajawaxel, c'ä majok c'u ne chi chaplex u banic u yaquic ri Rachoch ri Ajawaxel.
Ronojel Israel je u c'amic bic wa' ri caxa re ri u c'ulwächinic ri Ajawaxel xequibano cuc' rakoj chi'aj, re quicotemal xukuje' ruc' rok'ibal tak ruc'a' chij, trompet, quetecak tak k'an ch'ich', tak ri nimalaj arp xukuje' alaj tak arp.
Ri e cojol tabal tok'ob, ri aj levitib, ri e chajil tak oquibal, ri aj bixab, ri winak rech ri tinimit, ri pataninelab tak ri e rech ri rachoch Dios xukuje' ronojel Israel, xejeki' chquipam tak ri qui tinimit.”
Chabana' xukuje' ri nimak'ij rech ri qui molic ri nabe tak u wächinic ri xatic pa ri ulew, xukuje' ri nimak'ij rech ri u yaquic ri u wäch ri ulew rech ri u q'uisbal ri junab, aretak caq'uis qui mulixic conojel ri qui wäch ri a tico'n.
Chiwoc'owisaj ri nimak'ij quech ri wukutak k'ij, ri quech ri nabe tak qui wächinic ri trico, xukuje' ri nimak'ij aretak cäq'uis u yaquic tak ri qui wäch ri tico'n q'uisbal re ri junab.
“Chupam ri nimak'ij quech ri nabe tak wächinic, aretak quechi'x tak che ri Ajawaxel ri c'äj tak re jun c'ac' wächinic, ri u bixic, pa ri nimak'ij quech ri wukutak tak k'ij, quiban xukuje' jun tastalicalaj mulin ib. Chupam ri k'ij ri' man c'o ta jun u wäch jun chac qui bano.
Jacha' che tabal tok'ob ri cächajirisaxic ri cäc'oc'at ruxlab che ri Ajawaxel, qui chi'j na jun c'ojol wacax, jun ama' chij xukuje' wukub alaj ama'ib tak chij re jujun qui junab ri ma ta c'o qui yab.
“Chupam ri olajuj k'ij rech ri uwuk' ic' ri ix quiban na jun tastalicalaj mulin ib. Chupam ri k'ij ri' man c'o ta jun u wäch chac qui bano. Wukub k'ij cäbeytaj ri nimak'ij che u ya'ic u k'ij ri Ajawaxel.
Chupam ri nabe k'ij re ri uwuk ic', ri Esdras ri cojol tabal tok'ob xuc'am ulok ri u wujil ri pixab chquiwäch ri q'uialaj winak ri qui mulin quib, achijab, ixokib xukuje' conojel ri quechoman chic;