Ajilanic 27:2 - Quiché Bible

² We job alitomab ri' cachalal tak quib xebe chuchi' ri oquibal chupam ri Lic'om Rachoch Dios re rikoj ib che u tzijobexic ri Moises xukuje' ri Eleazar cojol tabal tok'ob, xukuje' ri e c'amal tak be re ri tinimit, xquibij c'u chque:

Ajilanic 27:2 Referans Kwoze

Ajilanic 9:6

E c'o c'u jujun achijab ri e tz'ilobitajinak rumal rech chi xquichap jun cäminak, rumal ri' man xuya' ta xquiban ri nimak'ij re ri Oc'owem pa ri k'ij ri'. Xebe c'u wa' che rilic ri Moises xukuje' ri Aaron kas pa ri k'ij ri',

Ajilanic 27:1

E c'o c'u job alitomab cachalal tak quib, ri je qui bi' wa' Maal, Noa, Hogla, Milca xukuje' Tirs. E u mia'l c'ut ri Zelopehad, kas e rija'lil ri Heper, ri Galaad, ri Maquir, ri Manases xukuje' ri Jose.

Ajilanic 27:3

“Ri ka tat xcäm chupam ri chaki'j uwo sak ri are' man are ta jun cuc' ri xquimulij quib ruc' ri Core ri xuwalijisaj rib che u c'ulelaxic ri Ajawaxel. Xcäm rumal ri kas u mac man c'o ta c'u e u c'ojol ri xebuya' ta canok.

Ajilanic 27:21

Ri Josue cutac'aba' c'u na rib chuwäch ri Eleazar ri cojol tabal tok'ob, are c'u ri Eleazar cätz'onon na chwe pa ri u bi' rumal ri Urim. Ri Josue are' ri cäyo'w na ri takanic chque ri aj israelib, che ronojel ri caquiban na.”

Ajilanic 36:1

Ri e c'amal tak be que jujun ja tak winak chque ri e rachalaxic ri Galaad, kas e rija'lil ri Maquir, ri Manases xukuje' ri Jose, xebe che u bixic che ri Moises xukuje' chque ri e c'amal tak qui be jujun tak ja winak aj israelib, xebechok c'u chque:

Ri Esdras 7:5

ri Abisu, ri Pinees, ri Eleazar xukuje' ri Aaron, ri nabe cojol tabal tok'ob.