Ajilanic 27:18 - Quiché Bible

¹⁸ Ri Ajawaxel xutzelej c'u u bixic che ri Moises: “Ri Josue (u c'ojol ri Nun) are jun achi re uxlabal. Chamajij chebaya' ri ak'ab puwi' ri u jolom.

Ajilanic 27:18 Referans Kwoze

U Camulixic ri Pixab 34:9

Ri Josue (u c'ojol ri Nun), xuc'am ri u no'j pa u k'ab ri Moises, ri Moises xuya' can ri u k'ab puwi' ri Josue; jeri' ri aj israelib xeniman che, je xquibano jas ri takanic ri u yo'm ri Ajawaxel che ri Moises.

Ajilanic 27:23

Ri Moises xebuya' ri u k'ab puwi' ri u jolom xuya' c'u ri ekle'n che, jacha' ri takanic ri u yo'm ri Ajawaxel che.

Chapletajic 41:38

Xubij c'u ri ajawinel chque: “¿Jawije' ta cäkarik wi jun achi ri junam ta ruc' wa', ri c'o ri ruxlabal ri Dios ruc'?”

U Camulixic ri Pixab 31:23

Ri Ajawaxel xuya' we takanic ri' che ri Josue, (ri u tat ri Josue are' ri Nun): “Chc'ol a chuk'ab xukuje' muban quieb a c'u'x, at c'ut catbanow na chi queboc ri aj israelib pa ri ulew ri nu bim chi quinya' chque, are c'u ri in quinc'oji' na pa a xcut.”

Hechos 19:6

ri Pawl xuya' ri u k'ab paquiwi', te c'u ri' xpe ri Ruxlabal ri Dios paquiwi'. Xetzijon pa jule' tak ch'abal chic, xequik'axej tzij chque ri winak ri xya' chque rumal ri Dios.

K'atal tak Tzij 3:10

Ri ruxlabal ri Ajawaxel xpe puwi' ri Otoniel, xuc'am c'u qui be ri aj israelib, xebe pa ri ch'o'j, ri Ajawaxel xuya' che chi xch'äcan puwi' ri Cusan-risataim.

U Camulixic ri Pixab 3:28

Chabij che ri Josue jas ri rajawaxic cubano; chaya' u chuk'ab, chaya' chajin anima' che, are c'u cäc'amow na qui be ri tinimit, are cäjachow na ri ulew che quechbal ri cawila' na camic.’

Ri Xuan 3:34

Are' c'ut ri takom ulok rumal ri Dios, ri e u tzij ri Dios quebutzijoj; man cupaj ta c'ut ri Uxlabaxel ri cuyao.

Ri Daniel 5:14

Xbix chwe chi ri ruxlabal ri Dios c'o awuc', chi c'o jun sakalaj a chomanic, xukuje' chi sibalaj c'o awetamanic xukuje' a no'j.

K'atal tak Tzij 11:29

Ri ruxlabal ri Ajawaxel xpe puwi' ri Jepte, xubinibej c'u ri Galaad xukuje' ri Manases, xoc'ow pa Mizpa aj Galaad, xbe che u ch'äquic ri culew ri aj amonib.

Hebreos 6:2

ri tijonic chrij tak ri kajem pa tak ri ja', ri nak'atisabal ib che quich'ajic k'abaj, ri quic'astajic ri cäminakib xukuje' ri q'uisbal k'atan tzij.

1 Timoteo 5:22

Aretak caya' ri a k'ab puwi' jun ri coc che c'amal qui be ri cojonelab, maban wa' xak ruc' aninakil. Maban awe ri mac ri cuban jun chic. Chabana' ronojel rech ch'ajch'oj ri a c'aslemal.

1 Timoteo 4:14

Chatoc il che ri xsipax chawe rumal ri Dios. Are yo'm chawe rumal ri u tzij ri Dios ri xk'axex chawe aretak ri tatayib ri quetakan chque ri cojonelab xquiya' qui k'ab pawi'.

Hechos 13:3

Aretak c'ut, bantajinak chic ri ch'awem ruc' Dios xukuje' bantajinak chic ri man u tijowic ta wa, xequiya' ri qui k'ab paquiwi', xequijach bic.

Hechos 6:6

Xequic'am c'u bic chquiwäch ri takomxenlab. Xquiban ch'awem ruc' Dios, xquiya' ri qui k'ab paquiwi'.

Hechos 6:3

Chebitzucuj ba wukub achijab chixo'l, kachalal, ri k'alaj chi e nojinak che ri Uxlabaxel, xukuje' c'o qui no'j, rech quekacoj pa we chac ri'.

Nabe Samuel 16:18

Jun c'ut chque xubij: “In wilom chi jun chque ri u c'ojol ri Isayi, ri aj Belen, sibalaj reta'm cäk'ojomanic; xak c'u u tz'akat chic, chi jun cowilaj ajch'o'j, sibalaj cuchomaj na ri cubij; sibalaj je'lic ri u ca'yebal c'o c'ut ri u to'banic ri Ajawaxel ruc'.”

Ajilanic 13:16

E are' qui bi' wa' ri achijab ri xebutak bic ri Moises che retamaxic u wäch ri ulew. Ri Osey (u c'ojol ri Nun) xuq'uex ri u bi' xucoj c'u Josue che u bi'.

Ajilanic 13:8

ri Osey re ri ramak' ri Eprain (ri u tat ri Osey are' ri Nun);

Ajilanic 11:17

In quinkaj na bic quinch'aw c'u na awuc' chila', quinc'am c'u na niq'uiaj ri uxlabal ri c'o awuc' quinya' c'u na chque rech catquito' che u c'amic bic we tinimit ri'. Jeri' man xak ta a tuquiel catc'ojic.

Elem 17:9

Xubij c'u ri Moises che ri Josue: “Chebacha' bic jujun achijab, jät jatech'ojin cuc' ri aj amalesib. Are c'u ri in quinetac'al ulok c'ä puwi' ri juyub, quinwuc'aj ri ch'ämiy aj Dios pa nu k'ab.”

U Camulixic ri Pixab 1:37

U mac c'u iwech ix, ri Ajawaxel xpe royowal chwe in, xubij c'u chwe: ‘Xukuje' ri at man catoc ta pa ri ulew.

U Camulixic ri Pixab 31:3

Are c'u ri Ajawaxel ri i Dios cänabej na chiwäch, conojel c'u ri nimak tak tinimit ri quebirik pa ri i be cusach na qui wäch, rech quiwechbej tak ri culew. Ri Josue are cänabej na chiwäch che c'amal i be, jas ri u bim ri Ajawaxel.

U Camulixic ri Pixab 3:21

Xinya' c'u we takanic ri' che ri Josue: ‘Cuc' ri e a bak'wäch awilom ronojel ri xuban ri Ajawaxel ri a Dios chque ri quieb ajawinel; junam cabana' na chque conojel ri ajawibal jawije' ri catoc'ow wi na.

U Camulixic ri Pixab 31:14

Xubij chi c'u ri Ajawaxel che ri Moises: “Chatampe', nakaj chic c'o wi ri a cämical; chasiq'uij ba ri Josue, ix quieb chixoc pa ri Lic'om Rachoch Dios re rikoj ib rech quebenya' ri nu takanic che.” Ri Moises rachil ri Josue e quieb xeboc pa ri Lic'om Rachoch Dios re rikoj ib.

Ri Josue 1:17

Amak'el cujniman na chawe, jacha' ri xkaban nabe xujniman che ri Moises. Xuwi wa' cakatz'onoj chi chatachilax rumal ri Ajawaxel ri a Dios jacha' ri xuban che rachilaxic ri Moises.