Ajilanic 26:64 - Quiché Bible

⁶⁴ Chquixo'l ri e are' mawi ta ne xa ta jun c'o ta chque aretak ri Moises xukuje' ri Aaron xquiban ri ajilanic chupam ri chaki'j uwo sak re Sinai,

Ajilanic 26:64 Referans Kwoze

Hebreos 3:17

¿Jachin tak chquij xc'oji' wi ri royowal ri Dios pa cawinak junab? Are' chquij ri xemacunic, ri are' xecäm can pa ri chaki'j uwo sak.

1 Corintios 10:5

E q'ui c'u chque ri man xquiban ta ri cäkaj chuwäch ri Dios. Rumal ri' xecäm can pa ri chaki'j uwo sak.

Ajilanic 14:29

Conojel ri c'o chic juwinak qui junab ri xtz'ibax qui bi' pa ri ajilanic ri lawalo e ch'awinak chwij, quecäm na, queroki' c'u can chupam we chaki'j uwo sak ri'.

Ajilanic 14:32

Are tak quixcämic quixroki' na canok chupam tak we chaki'j uwo sak ri',

Ajilanic 26:63

Are wa' ri xel wi ri cajilabal ri aj israelib ri xban rumal ri Moises xukuje' ri Eleazar ri cojol tabal tok'ob, pa tak ri lianic re Moab, chunakaj ri Jordan chuwäch ri Jerico.

Ajilanic 27:3

“Ri ka tat xcäm chupam ri chaki'j uwo sak ri are' man are ta jun cuc' ri xquimulij quib ruc' ri Core ri xuwalijisaj rib che u c'ulelaxic ri Ajawaxel. Xcäm rumal ri kas u mac man c'o ta c'u e u c'ojol ri xebuya' ta canok.

Ri Josue 5:4

Rumal rech chi conojel ri achijab ri e utz chi che u banic ch'o'j aretak xebel ulok pa Ejipt e cäminak chi can pa tak ri be pa ri chaki'j uwo sak.