Ajilanic 25:5 - Quiché Bible

⁵ Ri Moises xuya' takanic chque ri qui k'atal tak tzij ri aj israelib: “Chijujunal ix rajawaxic quebicämisaj tak ri achijab re ri iwamak' ri xquiya' quib xejurux bic che u k'ijilaxic ri Baal-peor.”

Ajilanic 25:5 Referans Kwoze

Nabe Ajawinelab 18:40

Xubij c'ut ri Eliy chque: “¡Chebichapa' tak ri e k'axal u tzij ri Baal! ¡C'o jun manimajic!” Xechap cumal ri winak, ri Eliy xebuc'am bic chuchi' ri alaj nima' Sison, chila' c'u xuk'at wi qui kul.

Elem 18:21

Chebacha' achijab chquixo'l ri winak ri c'o qui no'j, ri cäquina' quib chuwäch ri Dios, ri ch'ajch'oj canima', achijab ri man quequitzucuj taj chäcoj ruc' subunic, chaya' takanic pa qui k'ab paquiwi' jujun mil winak, jujun sient, cawinak lajuj, xukuje' lajujitak.

U Camulixic ri Pixab 13:15

Quebik'ok'ej c'u na ri winak che ch'ich' ri e c'o chupam ri tinimit xukuje' conojel ri cawaj, quisach na u wäch ronojel ri c'o chupam ri tinimit.

U Camulixic ri Pixab 13:13

chi e c'o winak ri man queniman ta che ri Dios, cäquisach c'u qui c'u'x ri winak ri e c'o pa ri tinimit, quequitakchi'j che qui k'ijilaxic niq'uiaj diosib chic ri man etamatal ta qui wäch,

U Camulixic ri Pixab 13:9

xane' chacämisaj. At ri nabe ri cayac ri a k'ab che u ch'ayic, c'äte ri' cäquitakej na u banic que ri winak, re ri tinimit.

U Camulixic ri Pixab 13:6

We ne ri kas awachalal, o ri a c'ojol, o ri a mia'l, o ri awixokil ri a lok', o ri awachil ri sibalaj at utz ruc', cucoj a c'u'x chi c'uyal che' qui k'ijilaxic jule' tak diosib chic ri man aweta'm ta qui wäch, mawi xquetamaj qui wäch ri e a mam,

Elem 22:20

Ri quebuya' tabal tak tok'ob chquiwäch jule' diosib chic ri xuwi ya'tal qui ya'ic chuwäch ri Ajawaxel, cäcämisaxic.

Ajilanic 25:3

je c'u ri' xquiya' quib xejurux che u k'ijilaxic ri Baal-peor. Xoyowar c'ut ri Ajawaxel chrij ri Israel,

Ri Josue 22:17

¿La ma ta pa sibalaj nim ri macaj re ri Peor, ri c'ä uj u tz'ajom camic ri xukuje' rumal rech xecäm tinimit winak rech ri u tinimit ri Ajawaxel?