Ajilanic 23:5 - Quiché Bible

⁵ Ri Ajawaxel xuya' c'ut chuchi' ri Balaam ri rajawaxic cubij na, xubij c'u che: “Chattzelejok jawije' c'o wi ri Balac junam u bixic chabij che ri nu bim chawe.”

Ajilanic 23:5 Referans Kwoze

Ri Jeremiy 1:9

Xuyuk c'ut ri Ajawaxel ri u k'ab, xunak ri nu chi' xubij c'u chwe:

U Camulixic ri Pixab 18:18

Ri in quinwalijisaj na jun k'axal tzij chquixo'l jacha' ri at, jun ri kas qui winakil, cubij c'u chque ri quintak che u bixic, chucamulij c'u u bixic ri quintak wi.

Ri Isaiy 59:21

Ri Ajawaxel cubij: “In quinban jun c'ulwächinic iwuc', kas quinban c'u na ri quinbij chi ri nu cuinem xukuje' ri no'jibal ri nu yo'm chiwe, mawi jubik' cäquitas ta quib chiwe mawi chque ri e iwalc'ual chbe k'ij sak.”

Ri Isaiy 51:16

xinlic' ri caj xukuje' xinjekeba' ri ulew. In xinya' ri nu tzij pa a chi' xatinchajij c'ut ruc' ri u to'banic ri nu k'ab. In xinbij che ri Sion: ‘Ri at at nu tinimit.’ ”

Ajilanic 23:16

Ri Ajawaxel xel ulok che u c'ulaxic ri Balaam xuya' c'u chuchi' ri rajawaxic cubij na Xubij chi c'u che: “Chattzelejok jawije' c'o wi ri Balac junam u bixic chabij che ri nu bim chawe.”

Ri Xuan 11:51

Man xubij ta wa' pa re wi. Xane' xuk'axej ri u tzij ri Dios chque, chi ri Jesus cäcäm na che u q'uexwäch ri nim tinimit. Jewa' xubij rumal rech chi are' qui nimal ri cojol tak tabal tok'ob pa ri junab ri'.

Ri Lucax 12:12

Are c'u ri Ruxlabal ri Dios pa ri jok'otaj ri' cuya' na pa i chi' jas ri rajawaxic quibij na.”

E C'ambal tak Tzij 16:9

Che ri winak caya' wi ri qui banic ri chomanic, ri Ajawaxel are' cäc'amow u be ri e u xo'l tak rakan.

E C'ambal tak Tzij 16:1

Ri e chomanic e rech ri winak; ri q'uisbal u tza'm tzij ruc' ri Ajawaxel c'o wi.

Ajilanic 22:35

Are c'u ri u tako'n ri Ajawaxel xutzelej u bixic che: “Cuya' catbe cuc' we achijab ri', xuwi c'u cabij na ri quinbij chawe.”

Ajilanic 22:20

Chak'ab, xuc'ut rib ri Dios chuwäch ri Balaam xubij c'u che: “We e petinak we achijab ri' che a c'amic bic, chatwalijok jät c'u cuc', are c'u caban na xak xuwi ri quinbij chawe.”

Elem 4:15

Chattzijon ruc', chak'alajisaj chuwäch ri awachalal ronojel ri rajawaxic ri cubij na, ri in, pa wech wi, quinc'oji' na ruc' xukuje' awuc' at aretak quixch'awic, quinbij na chiwe ri quibano.

Ajilanic 23:4

Ri Balaam xbe tza'm jun juyub ri to'l, ri xuc'ut wi rib ri Dios chuwäch. Ri Balaam xubij che: “E nu wocom wukub porobal, paquiwi' c'ut chquijujunal nu chi'm jun c'ojol wacax xukuje' jun ama' chij.”

Ajilanic 23:6

Xtzelej ri Balaam xurika' c'ut ri Balac tac'al chuxcut ri tabal tok'ob, achilatal cumal ri c'amal tak be aj moabib.