Ajilanic 23:21 - Quiché Bible

²¹ Man c'o ta jachin jun rilom ta subunic mawi etzelal pa Israel, ri u tinimit ri Jacob. Ri Ajawaxel ri u Dios c'o cuc', ri e are' caquiya' u k'ij jacha' jun ajawinel.

Ajilanic 23:21 Referans Kwoze

Salmib 23:4

Pune' ta quinoc'ow chupam ri siwan ri sibalaj k'eku'm na, man quinxe'j ta wi wib che ri quieb cubij panuwi'. Lal c'u ne c'o wuc', Ajawaxel; ri k'ebu't la xukuje' ri ch'amiy la caquiya' na nu chuk'ab.

Ri Matey 1:23

“Ri k'apoj ali cux na yawab winak. Cäril na u wäch jun ral ala. Cucoj na Emanuel che u bi'.” Ri tzij Emanuel je quel cubij wa': “Ri Dios c'o kuc'.”

Ri Jeremiy 50:20

In, ri Ajawaxel, quinjiquiba' u bixic: Pa ri k'ijol ri', ri Israel xukuje' ri Juda man e c'o ta chic chak'maquil chquij, xukuje' macaj, rumal rech chi quinsach na qui mac ri quebenc'asba' canok.”

Ri Isaiy 38:17

Chilampe' la, che u q'uexwäch ri c'axc'ol, camic c'o jamaril wuc'. Ri lal xto' la ri nu c'aslemal chuwäch ri jul re sachbal wächaj, rumal rech chi e cuyum c'u la conojel ri nu mac.

Salmib 46:11

¡Ri Ajawaxel ri c'o ronojel u cuinem, are' c'o kuc'! ¡Ri u Dios ri Jacob are to'l kech!

Ri Isaiy 33:22

Ri colob ri taninem quech ri che' ri c'o pa qui niq'uiajil ri jucub quet'okpinic, man culic' ta rib ri atz'iak ri cäc'amow qui be. Quekatokij na q'ui tak k'inomal chque ri c'ulel, xukuje' ne ri moy curik na re ri jastak, ri man tz'akat ta cakan qui k'ab cäquitokij na que. Are' c'ut ri Ajawaxel are ka k'atal tzij, are cujpixbenic, xukuje' are' kajawinel, are' cujcolow na.

Ri Isaiy 8:10

Chebibana' i chomanic, queyojix c'u na; chi chomaj u banic ri quiwaj, man cabantaj ta c'u na ri quiwaj, rumal c'u rech chi c'o ri Dios kuc'.

Ri Isaiy 1:18

Ri Ajawaxel cubij: “Tisaj kachomaj we jasach ri'. Pune' ta ne sibalaj quiäk rokroj ri i mac, quinban na che jacha' ri sak tew; pune' ta junam ruc' jun atz'iak ri rubum pa corinto quinban na sak che jacha' ri sakalaj rismal chij.

Romanos 6:14

Jeri' man cätakan ta chi c'u ri mac piwi'. Man ix c'o ta chi c'u chuxe' ri pixab, xane' chuxe' ri tok'ob.

Ri Isaiy 41:10

Man caxe'j ta awib, in c'o c'u ne awuc' maxibij awib, in c'ut in a Dios. In quinyo'w a chuk'ab, in catinto', catintok'ej ruc' ri colomalaj nu k'ab.

Salmib 118:15

Pa tak ri cachoch ri e jic winak e c'o quicotemal tak bix re ch'äcanic: “Ri u cuinem ri Ajawaxel xyo'w ri ch'äcanic.

Salmib 97:1

¡Chquicot ronojel ri uwächulew! ¡Chequicot ri ch'akatak tak ulew ri man e ajilatal taj ri e c'o chupam ri plo! ¡Ri Ajawaxel are' Ajawinel!

U Camulixic ri Pixab 33:5

xc'oji' c'u ajawinel pa Jesurun aretak xquimulij quib ri c'amal tak be re ri tinimit, aretak xquimulij tak quib tak ri camak' ri aj Israel.”

Ri Ezequiel 48:35

Ri nimalaj tapia quetan na chi ronojel quieb legua u rabic, are' c'u ri u bi' ri tinimit ri cätakex u bixic: ‘Ri Ajawaxel C'o Waral’.”

Salmib 103:12

Ri ka mac u najtajisam chke, jacha' u najtajisam ri elebal k'ij ruc' ri u kajebal k'ij.

Salmib 46:7

¡Ri Ajawaxel ri c'o ronojel u cuinem are' c'o kuc'! ¡Ri u Dios ri Jacob are' ka panibal!

Salmib 32:5

Xink'alajisaj c'ut ri nu mac chwäch la xukuje' ri wetzelal man c'o ta xinc'u' che; xpe pa wanima' qui k'alajisaxic ri e nu mac chwäch la, are c'u ri lal, Ajawaxel, xecuy la.

Salmib 32:2

Utz re ri winak ri man c'o ta itzel chomanic pa ranima', ri man cätzujux ta rumal ri Ajawaxel chi c'o u mac.

Ucab Tzijobelil 13:12

Kas ba' chixoc il, chi, ri benak chkawäch uj are benak ri Dios xukuje' ri e u cojol tabal tok'ob, xukuje' chi ri trompet xak queyem caquiya' ri cok'ebal che u chaplexic ri ch'o'j iwuc'. Rumal c'u ri' israelib, mixch'ojin che u c'ulelaxic ri Ajawaxel, ri qui Dios ri e i mam man c'u quixch'äcan ta na.”

K'atal tak Tzij 6:13

Ri Jedeon xutzelej u bixic che: “Cuyu' la nu mac, tat, we c'o ri Ajawaxel kuc', ¿jasche je cätajin cäkac'ulmaj wa'? ¿Jawije' c'o wi conojel tak ri mayibal ri xquitzijoj can ri e ka mam chke, xquibij c'u chke chi are ri Ajawaxel xujesan ulok pa Ejipt? Ri Ajawaxel camic uj u xutum canok, uj u jachom pa qui k'ab ri aj madianib.”

Elem 34:9

“¡Ajawaxel! ¡Ajawaxel! We kastzij chi in lok' chwäch la, chujachilaj la bic. We winak ri' kastzij sibalaj e tac, xa ba' sacha' la ri ka mac, ri ketzelal, chujc'ama' che tinimit la.”

Elem 13:21

Ri Ajawaxel xnabej chquiwäch pa k'ij pa jutac'aj sutz' che u c'amic qui be, chak'ab xnabej chquiwäch pa jutac'aj k'ak' che u c'utic ri qui be. Rumal c'u ri' xecuinic xebin chak'ab, xukuje' pa k'ij.

2 Corintios 6:16

Man c'o ta ri cajunamataj ta wi ri rachoch Dios cuc' tak ri diosib. Rumal rech chi ri uj uj rachoch ri c'aslic Dios, jacha' ri kas u bim ri are': “Quinjeki' na xukuje' quinbin na chquixo'l ri e are': ri in quinux na qui Dios e are' c'ut ri e are' quebux na nu tinimit.”

2 Corintios 5:19

Ri u bixic wa' chi, pa ri Crist, ri Dios cätajin querutzirisaj ri ajmaquib ruc' are', man querajilaj ta c'ut ri e qui mac ri winak; are c'u ri chke uj xutz'onoj tok'ob chi chkaya' retamaxic we etamanic ri'.

2 Corintios 2:14

Maltiox ba' che ri Dios, chi amak'el cujuc'am bic pa ri ch'äcanic pa ri Crist Jesus chi rumal c'u kech cuya' retamaxic ri u tijonic ri cäjabun, pa conojel c'olbal jacha' jun c'oc'alaj uxlab.

Romanos 8:1

Camic c'ut, man c'o ta chi jun c'äjisabal qui wäch ri winak ri e c'o pa ri Crist Jesus.

Ri Isaiy 12:6

Chebiya' rakoj tak chi'aj re quicotemal ri ix jekel pa Sion, rumal rech chi ri Tastalicalaj u Dios ri Israel c'o pa i niq'uiajil ruc' ronojel ri u nimalil.”

Elem 3:12

Xubij ri Dios che ri Moises: “Jät, quinc'oji' c'u awuc', are etal wa' chi kas in catintak bic: aretak awesam chi ulok ri nu tinimit pa Ejipt, iwonojel quinik'ijilaj na pa we juyub ri'.”

Ajilanic 14:18

ri banom la. Lal bim la chi man chanim ta coyowar la, chi sibalaj nim ri lok'ok'ebal c'u'x la chi cäsach la macaj che ri etzelal xukuje' ri man nimanic taj, pune' c'u ne man cäya' ta la can ri ajchak'mac chi ma ta cäc'äjisaj la u wäch, xane' cäc'äjisaj la u wäch ri quetzelal ri tataxelab paquiwi' ri alc'ualaxelab, ri i' takmam, ri xiquin tak mam xukuje' ri e calc'ual ri xiquin tak mam.

Ajilanic 14:19

Rumal c'u rech chi ri lok'ok'ebal c'u'x la sibalaj nim, sacha' la u mac we tinimit ri' che ri retzelal ri u banom, e coch'om c'u ya' la ulok kas pa Ejipt c'ä pa we c'olbal ri'.”

U Camulixic ri Pixab 9:24

¡Kas aretak wetamam ulok i wäch, ri ix ix c'ulelaninak ulok che ri Ajawaxel!

U Camulixic ri Pixab 31:23

Ri Ajawaxel xuya' we takanic ri' che ri Josue, (ri u tat ri Josue are' ri Nun): “Chc'ol a chuk'ab xukuje' muban quieb a c'u'x, at c'ut catbanow na chi queboc ri aj israelib pa ri ulew ri nu bim chi quinya' chque, are c'u ri in quinc'oji' na pa a xcut.”

U Camulixic ri Pixab 32:5

E itzel tak winak xukuje' e lawalo, ri e yok'oninak che ri Dios, ri man takal ta chque chi quebux ralc'ual:

Aj Levitib 9:24

Xel ulok k'ak' chuwäch ri Ajawaxel, xuporoj ri awaj ri poroxic rij, xukuje' tak ri xepo ri c'o puwi' ri porobal. Aretak xquil conojel ri aj israelib xquirak qui chi' ruc' quicotemal, xquimej quib c'ä xquiya' na ri qui palaj cho ri ulew.

Ajilanic 9:22

We c'u ri sutz' cäbeytaj quieb k'ij quieb ic' o jun junab, ri aj israelib quecanaj pa ri qui c'olbal man caquitakej ta binem. Xuwi c'u cawalij ri sutz', ri e are' caquitakej qui be.

Ajilanic 16:3

Conojel c'ut e are' xquimulij quib, xquic'ulelaj ri Moises rachil ri Aaron, xquibij c'u chque: “¡Chubana' wa' ri nimal ri quixc'amowic! Ronojel ri tinimit tastajinak rumal ri Dios, c'o c'ut ri Ajawaxel kuc' konojel. ¿Jasche qui walijisaj iwib ix jacha' k'atal tzij ri nim u banic puwi' ri u tinimit ri Ajawaxel?”

Nabe Samuel 25:28

cuyu' ba' la ri u mac we pataninel ech la ri'. Kastzij ri Ajawaxel cacanajisax la rumal xukuje' tak ri e ija'lil la pa ri takanic, cätajin c'u ya' catij k'ij la che u banic ri u rayibal ri Ajawaxel, pa ronojel c'u ri c'aslemal la man cataklebej ta na la jun etzelal.

Salmib 99:2

Ri Ajawaxel nim u k'ij puwi' ri juyub Sion; ri Ajawaxel c'o paquiwi' conojel tak ri tinimit.

Salmib 135:21

¡Tewichital ri Ajawaxel pa Sion, ri jekel pa Jerusalen! ¡Chyo'k u k'ij ri Ajawaxel!

Ri Isaiy 33:21

Chi' cuc'ut wi na ri u juluwem ri Ajawaxel chkaxo'l. Are jun c'olbal ri e c'o wi tak nima' ri quebinic ri sibalaj e nimak qui wäch, man c'u quequiramij ta ri c'ulel, pune' quequicoj ri qui jucub ri quequich'icmij xukuje' ri qui jucub ri e c'o qui chuk'ab.

Ri Joel 2:27

are c'u ri ix, aj israelib, rajawaxic u ch'obic iwumal chi ri in, ri Ajawaxel, in c'o iwuc', chi in c'ut ri i Dios man c'o ta chi c'u jachin ta jun chic c'olic. ¡Mawi jumul cacanaj ta chi can ri nu tinimit nojinak ta che q'uixbal!”