Ajilanic 22:38 - Quiché Bible

³⁸ Ri Balaam xutzelej u bixic che: “In c'o ba' ri', in ulinak che awilic. Man c'o ta c'u nu cuinem che u bixic ri quinwaj pa we ta wi; ri in xak xuwi quinbij ri cubij ri Dios chwe.”

Ajilanic 22:38 Referans Kwoze

E C'ambal tak Tzij 19:21

Ri winak quebuban q'ui tak chomanic, are c'u ri u chomam u banic ri Ajawaxel are cabantajic.

Ajilanic 22:18

Are c'u ri Balaam xutzelej u bixic chque: “Ri Balac pune' ta ne cuya' ta ronojel ri k'an puak xukuje' ri sak puak ri cuch'ij ri nimalaj rachoch, in man cuya' ta c'o ta jas quinbano, mawi nim mawi ch'utin, ri quebuc'ulelaj taj ri e u takanic ri Ajawaxel ri nu Dios.

Ajilanic 23:26

Ri xutzelej c'u u bixic ri Balaam che wa': “¿La ma ta nu bim chic chawe, chi ri in xuwi cuya' quinbano ri quinutak wi ri Ajawaxel?”

Ajilanic 23:16

Ri Ajawaxel xel ulok che u c'ulaxic ri Balaam xuya' c'u chuchi' ri rajawaxic cubij na Xubij chi c'u che: “Chattzelejok jawije' c'o wi ri Balac junam u bixic chabij che ri nu bim chawe.”

Ri Isaiy 47:12

Chatakej qui banic ri itzinic, xukuje' ri q'ui tak k'ijinic ri e a banom ulok pa ri awalc'alal, cawil c'u na we c'o jas qui patan chawe, cawil c'u na we catcuinic cabano chi cäquixe'j quib ri winak chawäch.

Ri Isaiy 46:10

In quinya' u bixic ri q'uisbalil kas pa ri tictajic; kas ojer ulok nu yo'm u bixic ri cäpe na. In quinbij: Ri quinchomaj qui banic quebantaj na in quinban na ronojel ri quinchomaj u banic.

Ri Isaiy 44:25

Ri in man quinya' ta be che chi je cäbantajic ri cäquiya' u bixic ri e qui cawäch tak e k'axal tzij; ri in quinbano chi ri ch'obonelab queconiric. Ri in quinbano chi ri ajno'jab cäquic'ulelaj quib chi ri qui no'j cux na xa conil.

Salmib 76:10

Ri royowal ri winak caq'uextaj che yabal k'ij la, xukuje' ne ri xa jubik' royowal caq'uextaj pa corona la.

Salmib 33:10

Ri Ajawaxel cuyojij ronojel ri qui chomanic ri winak ri e k'ijilal tak diosib,

Ucab Tzijobelil 18:13

Ri Micaiy xutzelej u bixic che: “¡Quinban na ri chi'nic ri kas cäban na pa ri u bi' ri Ajawaxel chi xuwi ri cubij na ri Dios chwe are ri' quinbij na!”

Nabe Ajawinelab 22:14

Ri Micaiy xutzelej u bixic che: “¡Quinban na ri chi'nic ri kas cäban na, quincha' rumal ri Ajawaxel chi xuwi quinbij na ri cubij ri Ajawaxel chwe!”

Ajilanic 24:13

pune' ta ne caya' ronojel ri k'an puak xukuje' ri sak puak ri cuch'ij ri nimalaj awachoch, ri in man quincuin ta chi ma ta chebinimaj tak ri e u takanic ri Ajawaxel mawi quinban jun jasach utz mawi lawalo ri xak ta pa wech wi, chi xuwi c'u quinbij na jachique ri quinutak ri Ajawaxel che u bixic.

Ajilanic 22:37

xubij c'u che: “Xintak a siq'uixic ruc' chuk'ab; ¿jasche man cawaj taj catpetic? ¿La are' pa a c'u'x chi ma ta in ticarel che qui banic q'ui nimarisabal tak a k'ij?”

Ajilanic 22:39

Xbextax c'ut ri Balaam ruc' ri Balac pa Quiriat-huzot,

Ajilanic 22:8

Ri Balaam xubij chque: “Chixcanaj can waral pa we ak'ab ri', quintzelej c'u na u bixic chiwe jachique ri quinutak wi ri Ajawaxel.” Xecanaj c'u can ri nimak tak tatayib aj moabib ruc'.

Nabe Ajawinelab 22:16

Ri Ajawinel xutzelej u bixic che: “¿Joropa' ta mul quinbij na chawe chuxe' ri chi'nic ri kas cäban na, quincha' chi xuwi chak'alajisaj ri kastzij chwe pa ri u bi' ri Ajawaxel?”