Ajilanic 22:23 - Quiché Bible

²³ Aretak ri ati't bur xrilo chi ri u tako'n ri Ajawaxel c'o pa u niq'uiajil ri be ruc'am jun ch'ich' re ch'o'j pa u k'ab, xujalach'uj ri u be xbe pa tak ri k'ayes; xch'ay c'u rumal ri Balaam che u tzelexic pa ri be.

Ajilanic 22:23 Referans Kwoze

Ri Juds 1:11

¡C'ax que! rumal rech chi pa ri u be ri Cain e benak wi. E sachinak. Rumal ri u rayixic puak xquiban que jas ri sachinakil ri Balaam. Cäsach c'u qui wäch jas ri Core', ri xuc'ulelaj ri takanic, man xunimaj taj.

2 Pedro 2:16

Xyaj c'ut rumal rech chi man xniman taj. Jun bur, ri man cach'aw taj, xch'awic je ta ne jun winak, are xk'atin ri conalaj u chomanic ri k'axal tzij.

Hechos 22:9

Ri e c'o wuc' xquil ri sakilal, xquixe'j quib. Man xquita' ta c'ut ri ch'abal ri xinuch'abej.

Ri Daniel 10:7

Xuwi ri in xincuinic xinwil ri c'utwächinic, ri achijab ri e c'o wuc' man c'o ta jas xquilo, xemajtaj c'u rumal ri xe'n ib xebanimaj c'ut xebe qui c'ula' tak quib.

Ri Jeremiy 8:7

Ri siguenya ri cabin cho ri caj reta'm c'u ne jampa' rajawaxic catzelejic. Ri palomax ri xipicar xukuje' ri chiochi queta'm jampa' rajawaxic quebe pa jun c'olbal chic. Are c'u ri at, nu tinimit, man e a weta'm taj ri e nu pixab.

Nabe Tzijobelil 21:16

Xca'y c'u apan ri David, xril apan ri u tako'n ri Ajawaxel chi c'o chuxo'l ri caj ruc' ri ulew, ruc'am jun ch'ich' re ch'o'j ch'anal pa u k'ab, ri are' cätajin cuc'ut ri Jerusalen. Are' c'u ri David xukuje' ri nimak tak tatayib, e qui cojom wakwoj tak atz'iak, xquimejela' quib cho ri ulew c'ä xquiya' na ri qui palaj cho ri ulew,

Ucab Ajawinelab 6:17

Xuban c'u ch'awem ri Elisey ruc' ri Ajawaxel, xubij che: “Quinbochi'n che la, Ajawaxel, chi chejaka' la ri u bak'wäch rech carilo.” Ri Ajawaxel xebujak ri u bak'wäch ri pataninel, we pataninel ri' xrilo chi ri c'ache'laj nojinak chque aj quiejab xukuje' tak carwaj e re k'ak' ri e c'o chrij ri Elisey.

Ajilanic 22:22

Ri Balaam benak quiejeninak chrij ri ati't u bur, achilatal c'u cumal quieb pataninelab. Are c'u ri Dios xpe royowal che rumal rech chi xbec, are c'u ri u tako'n ri Ajawaxel xuya' rib pa ri u be che u tz'apixic ri u be.

Ajilanic 22:24

Xutac'aba' chi c'u rib ri u tako'n ri Ajawaxel pa jun c'olbal ri latz', ri coc'ow ri be chquixo'l tak ri uva ri e tico'n e c'o c'u nutum tak abaj pa tak u xcut.

Ri Josue 5:13

Jun k'ij, c'o apan ri Josue chunakaj ri Jerico, xrilo chi c'o jun achi' chuwäch ri c'o jun ch'ich' re ch'o'j pa u k'ab. Ri Josue xkeb ruc' xuc'ot c'u u chi': “¿La at kachil o at cachil ri ka c'ulel?”