Ajilanic 21:33 - Quiché Bible

³³ Xetzelej c'ut xebe chi che u suq'uil ri Basan, are' c'u ri Og, ajawinel re Basan, xel ulok e rachil ri rajch'ojab che u banic ch'o'j cuc' ri aj israelib pa Edrey.

Ajilanic 21:33 Referans Kwoze

Ri Josue 13:12

carachilaj ri xtakan wi ri Og, ajawinel pa Basan, ri xajawin pa Astarot xukuje' Edrey, are' c'u wa' ri q'uisbal quech ri repaimib, ri xebuch'äc ri Moises ri xerokataj bic pa jun c'olbal chic.

U Camulixic ri Pixab 29:7

Aretak xujul pa we ulew ri', xel ulok ri Sehon chkij che u banic ch'o'j kuc', ri ajawinel re Ezbon, xukuje' ri Og, ri ajawinel re Basan, xujcuin c'u che qui ch'äquic,

Ri Amos 4:1

Chebitatabej tak wa': je'lalaj tak ixokib je ri quixpe ri e chomak tak ati'tab wacax re Basan pa ri juyub re Samar, ixokib ri quequiban c'ax chque tak ri mebayib quebic'axc'obisaj c'ut ri e c'o tak qui rajawaxic, ri quequitak ri cachajilal chi chequic'ama' ulok u wa'l uva rech cacuq'uiaj.

Ri Ezequiel 39:18

quequitij na ri qui ti'jal tak ri ajch'ojab xukuje' que cuq'uiaj qui quiq'uel k'atal tak tzij rech ri uwächulew, e je ta ne ri e quech ama' tak chij, alaj tak chij, q'uisic' o k'obisam tak alaj tak wacax aj Basan.

Ri Ezequiel 27:6

ri e a ch'iquimibal bakit ri e petinak pa Basan xebanbex quech; ri u pa tak u xcut ri a jucub q'uisis xbanbex quech ri xec'am ulok pa tak ri tak'aj aj Chipr ri e ch'epel pa tak marpil.

Ri Isaiy 33:9

Ri ulew u cojom k'ek' atz'iak, cabison c'ut, ri Libano bach'uyirinak elinak u q'uixbal, ri beya' aj Saron uxinak jun chaki'j uwo sak, ri Basan xukuje' ri juyub Carmel e toltobinak.

Salmib 68:15

Ri juyub re Basan sibalaj e nimak tak juyub. Sibalaj naj e elinak ri qui wi' chicaj.

Salmib 22:12

Ri qui banom qui c'ulel chwe qui sutim wij e jacha' ta ne' ama'ib tak wacax, e jacha' c'analaj tak wacax re Basan.

Ri Josue 13:30

Are' xquitaklebej ronojel ri rech can ri Og nabe, ajawinel pa Basan, ri u bixic ronojel ri Basan, kas pa Mahanaim, xerachilaj ri oxc'al (60) tinimit ri e rech can ri Jair,

Ri Josue 12:4

Ri Og, ajawinel re Basan, jun chque ri q'uisbal aj repaib, ri xc'oji' pa Astarot xukuje' pa Edrey.

Ri Josue 9:10

xukuje' ri xuban chque ri quieb cajawinel ri e aj amoreyib ch'käp che ri Jordan, che ri Sehon che ri Ezbon xukuje' che ri Og ri c'o pa Basan, ri xc'oji' pa Astarot.

U Camulixic ri Pixab 32:14

xya' qui leche cumal ri qui wacax xukuje' xya' qui quexu, xequitij ri alaj ama'ib tak chij ri e chomak na, ama'ib tak chij re Basan xukuje' ama'ib tak q'uisic'; xquiwe'j ri trico ri sibalaj utz na, xcuq'uiaj c'u u wa'l uva, ri u quiq'uel ri uva.

U Camulixic ri Pixab 4:47

Ri aj israelib xeboc che rechbexic ri culew xukuje' ri rulew ri Og ri ajawinel ri c'o pa Basan, e quieb ajawinel wa' aj amoreyib ri e jekel pa elebal k'ij che ri Jordan.

Ajilanic 32:33

Jeri' chque ri amak' tak re Gad re Ruben, xukuje' ri pa niq'uiaj che ri ramak' ri Manases, ri Moises xebuya' chque ri ulew re Sehon, ajawinel aj amoreyib, xukuje' ri rech ri Og, ajawinel re Basan, xerachilaj ri tinimit tak ri e u tz'akatil xukuje' tak ri ulew ri e c'o chrij.

Salmib 68:22

Ri Ajawaxel u bim: “Quinban na chawe chi cattzelej ulok caya' can ri Basan; quinban na chawe chi cattzelej ulok caya' can ri choalaj plo,

Salmib 135:11

Ri Sehon, cajawinel ri aj amoreyib; ri Og, cajawinel ri Basan, xukuje' conojel ri ajawinelab re Canaan;

Salmib 136:20

Xukuje' ri Og, ajawinel re Basan, junalic c'ut ri u lok'ok'ebal c'u'x.

U Camulixic ri Pixab 2:30

Are c'u ri ajawinel Sehon man xraj ta chi cujoc'ow pa ri rulew, rumal rech chi ri Ajawaxel ri i Dios ix, xubano chi cuk'il rib che ri koc'owem, rech cujach pa i k'ab ix, c'ä jacha' c'u ne ri u banom camic.