Ajilanic 21:29 - Quiché Bible

²⁹ ¡Tok'ob a wäch, Moab! ¡At tzakinak, u tinimit ri dios Quemos! Are' yowinak be chi ri e awachijab quebel bic quebanimajic, chi ri e awixokil quekaj pa u k'ab ri ajawinel Sehon.

Ajilanic 21:29 Referans Kwoze

Ri Jeremiy 48:46

¡Tok'ob a wäch Moab! ¡U tinimit ri Quemos, a c'ulmam ri tzakmajic! ¡Ri e a c'ojol xukuje' ri e a mia'l quec'am na bic pa jun ulew chic!

Ucab Ajawinelab 23:13

Ri ajawinel xukuje' xebuc'äjij tak ri k'ijilabal ri quek'ijilax wi diosib ri e c'o pa ri elebal k'ij che ri Jerusalen, pa ri u mox ri elebal k'ij che ri u Juyubal u Che'al Aseitun, ri e u yacom can ri Salomon, ajawinel re Israel, che ri Astarte, ixok dios ri quetzelax u wäch quech ri aj sidonib; che ri Quemos, dios ri quetzelex u wäch quech ri aj Moab, xukuje' che ri Milcom, ri dios ri quetzelex u wäch quech ri aj amonib.

K'atal tak Tzij 11:24

We ri Quemos ri a dios, cuya' jun jasach chawe rech cawechbej, caban awech ri' che, ¿la ma ta kastzij? Xukuje' ri uj cäkaban kech che ri u yo'm ri Ajawaxel chke.

Ri Jeremiy 48:7

Moab, at a cuban a c'u'x chrij ri a chuk'ab xukuje' chquij tak ri e a k'inomal, xukuje' c'u ri at catmajix na. Ri a dios Quemos cac'am na bic pa jun ulew chic, e rachil tak ri e u cojol tak tabal u tok'ob xukuje' ri winak ri nimak qui k'ij.

Nabe Ajawinelab 11:33

Rumal rech chi in u xutum ri Salomon, u chaplem c'u u k'ijilaxic ri Astarte, ixok qui dios ri sidonib; ri Quemos, qui dios ri aj moabib; xukuje' ri Milcom qui dios ri aj amonib. Ri e u banoj man utz ta quebenwilo, man u tz'akatisam ta qui banic tak ri e nu pixab xukuje' tak ri e nu takanic jacha' ri xuban ri David, ri u tat,

Nabe Ajawinelab 11:7

Pa tak ri k'ijol ri', ri Salomon xuyac pa ri juyub ri c'o pa ri elebal k'ij che ri Jerusalen, jun k'ijilabal che ri Quemos, jun itzelalaj qui dios ri aj Moab, xukuje' che ri Moloc jun itzelalaj qui dios ri aj amonib.

Ri Jeremiy 48:13

Are c'u ri Moab cuch'ob na rib chi xa xäsub rumal ri u dios Quemos, jacha' ri xuban ri Israel chi xa xäsub rumal ri Betel, ri u jiquiban u c'u'x chrij.

Ri Isaiy 16:2

Ri aj Moab e c'o pa ri k'axbal re Arnon jeri' quepe alaj tak chicop ri e c'o qui xic' ri e xibim, ri quebanimaj bic pa ri qui soc.

Ri Isaiy 15:5

Ri wanima' cutz'onoj chi quet'oy ri aj Moab ri winak quebanimajic, quebe c'ä pa Zoar, c'ä pa Eglat-selisiy. Quebok'ic quepaki' cho ri tac'atic juyub re Luhit pa ri be re Horonaim cäquirak qui chi' rumal ri c'axc'ol ri cätajin cäquiriko.

Ajilanic 24:17

Quinwil apan ri petinak, c'o ri quinwil apanok ri c'o chinaj: jun ch'imil ri quebel che ri Jacob, jun ajawinel ri cäwalij pa Israel. Cuxak'alej na ri u jolom ri Moab, quebuxak'alej na ri e rija'lil ri Set.

Ri Jeremiy 48:45

E c'o jujun quebanimajic rumal chi man c'o ta chi qui chuk'ab, quequitzucuj u to'ic quib pa ri u mujal ri Esbon; are c'u ri Esbon, ri u tinimit ri ajawinel Sehon, canicow pa k'ak' culic' c'u rib ri k'ak' quebukawisaj c'u tak ri e u juyub ri Moab, we tinimit ri' ri yojinel.