Ajilanic 21:16 - Quiché Bible

¹⁶ Xquiya' can ri nima' Arnon xetaken c'ä pa Beer. Chila' c'o wi ri c'ua' ri xubij wi ri Ajawaxel che ri Moises: “Chamulij ri tinimit quinya' c'u na qui ja'.”

Ajilanic 21:16 Referans Kwoze

Ajilanic 20:8

“Chac'ama' ri ch'amiy, ruc' c'ut ri u to'banic ri Aaron ri awachalal, chebamulij ri winak. Aninak, chquiwäch conojel, chataka' ri nimalaj abaj chi chuya' i ja', cawil c'u na chi che ri nimalaj abaj capichc'on wi na ulok ri ja', rech cacuq'uiaj ri winak xukuje' tak ri cawaj.”

Ri Isaiy 12:3

Xukuje' ri ix cuya' quixbec qui wuq'uiaj iwe ruc' quicotemal che ri u q'uiyibal ri colobal ib,

Apocalipsis 22:17

Ri Uxlabaxel xukuje' ri rixokil ri Alaj Chij je cäquibij wa': “¡Tasaj!” Apachin ri cätatabenic xukuje' chubij: “¡Tasaj!” Apachin ri cächaki'j u chi', chpetok. Apachin ri cäraj, chuc'ama' re ri ja' rech c'aslemal ri xak cäsipaxic.

Apocalipsis 22:1

Ri tako'n aj caj xuc'utuxtaj jun nima' re c'aslemal chnuwäch cächuplinic jacha' ri cha'. Quel c'u ulok che ri u tem ri Dios re ajawibal, xukuje' ri re ri Alaj Chij.

Apocalipsis 21:6

Te c'u ri' xubij chwe: “Xbantajic. In ri' ri nabe xukuje' ri q'uisbal, ri tiquiritajic xukuje' ri q'uistajic. Apachin ri cächaki'j u chi', quinya' na re ri q'uiyibal ja' re c'aslemal, ri xa' cäcochi'xic.

Ri Isaiy 43:20

Cäquiya' na nu k'ij ri juyubal tak awaj, ri e ch'ich'alaj tak chicop xukuje' ri abestrus, rumal rech chi quenq'uiyisaj na ja' chupam ri chaki'j uwo sak, nima' tak chupam ri ulew ri man cäwächin taj, che u ya'ic ruq'uia' ri nu tinimit ri cha'om,

K'atal tak Tzij 9:21

Aretak xbitaj wa', ri Jotam xanimajic xejekel pa Beer, cuxe'j c'u rib chuwäch ri Abimelec ri ratz'.

Elem 17:6

Quinc'oji' c'u che aweyexic chila' pa ri juyub Horeb, puwi' ri nimalaj abaj, aretak c'ut cac'ojij ri nimalaj abaj, quel na ulok ja' chupam rech cäquitij ri winak.” Je c'u xuban ri Moises chquiwäch ri nimak tak tatayib aj israelib,

Ri Xuan 4:14

Apachin c'u ri cäruq'uiaj re ri joron ri quinya' che, mawi jumul chbe k'ij sak cächaki'j ta chi na u chi'. Xane' ri joron ri quinya' che, cux na jun u q'uiyibal ja' che, ri cäpixc'on che junalic c'aslemal.”

Ri Xuan 4:10

Ri Jesus xubij che: “We ta aweta'm ri cusipaj ri Dios, we ta aweta'm jachin ri' ri cubij chawe: ‘Chaya' nu joron’, at ta ri' cata' awe che, ri in c'ut quinya' ta awe ri' ri c'aslic joron.”

Ri Isaiy 49:10

Man quina' ta na numic mawi chaki'j chi', mawi cubana' la c'ax ri k'ij chiwe mawi ri k'ak', quixinlok'ok'ej c'ut quinc'am c'u i be, quixinc'am bic jawije' queq'uiy wi tak ja'.

Chapletajic 21:19

Ri Dios xubano chi ri Agar xril jun c'ua' nojinak che ja' ri c'o apanok. Xbec, xunojisaj ri tz'um che ja', xuya' c'ut re ri Ismael.

Ajilanic 33:46

Xebel bic pa Dibon-gad xebekaj c'u pa Almon-diblataim.

Ri Isaiy 15:8

Pa ronojel ri ulew re Moab cätataj wi rakoj chi'aj ri ok'ej cätataj pa Eglaim xukuje' c'ä pa Beer-elim.