Ajilanic 20:8 - Quiché Bible

⁸ “Chac'ama' ri ch'amiy, ruc' c'ut ri u to'banic ri Aaron ri awachalal, chebamulij ri winak. Aninak, chquiwäch conojel, chataka' ri nimalaj abaj chi chuya' i ja', cawil c'u na chi che ri nimalaj abaj capichc'on wi na ulok ri ja', rech cacuq'uiaj ri winak xukuje' tak ri cawaj.”

Ajilanic 20:8 Referans Kwoze

Elem 4:17

Chawuc'aj bic we ch'ämiy ri', are wa' cacoj na che qui banic ri mayibal.”

Apocalipsis 22:17

Ri Uxlabaxel xukuje' ri rixokil ri Alaj Chij je cäquibij wa': “¡Tasaj!” Apachin ri cätatabenic xukuje' chubij: “¡Tasaj!” Apachin ri cächaki'j u chi', chpetok. Apachin ri cäraj, chuc'ama' re ri ja' rech c'aslemal ri xak cäsipaxic.

Ri Isaiy 43:20

Cäquiya' na nu k'ij ri juyubal tak awaj, ri e ch'ich'alaj tak chicop xukuje' ri abestrus, rumal rech chi quenq'uiyisaj na ja' chupam ri chaki'j uwo sak, nima' tak chupam ri ulew ri man cäwächin taj, che u ya'ic ruq'uia' ri nu tinimit ri cha'om,

Apocalipsis 22:1

Ri tako'n aj caj xuc'utuxtaj jun nima' re c'aslemal chnuwäch cächuplinic jacha' ri cha'. Quel c'u ulok che ri u tem ri Dios re ajawibal, xukuje' ri re ri Alaj Chij.

Hechos 1:14

Conojel c'u wa' xa' jun qui chomanic, amak'el cäquiban ch'awem ruc' Dios, cäquibochi'j. E cachil ri ixokib ruc' ri Mariy u nan ri Jesus xukuje' ri e rachalal.

Ri Xuan 16:24

C'ä camic man c'o ta jas i tz'onom che pa ri nu bi'. Chixtz'ononok, quic'am c'u na rech cätz'akatisax ri i quicotemal.”

Ri Lucax 11:13

We ri ix c'ut ix itzel tak winak, iweta'm quiya' utzalaj tak sipanic chque ri iwalc'ual, ¡e ta c'u lo ri i Tat aj chicaj cuya' na ri Ruxlabal ri Dios chque ri winak ri cäquita' che!”

Ri Matey 21:21

Ri Jesus xubij chque: “Kastzij quinbij chiwe, we ta c'o i cojonic, we ta ma ta cuban quieb i c'u'x, man xuwi ta wa' quiban na jas ri xinban in che ri u che'al higo, xane' we quibij che we juyub ri': ‘Chatwalijok, chaq'uiaka' awib pa ri cho’, cäbantaj na.

Ri Isaiy 48:21

Pune' xuban chque chi xeboc'ow chquipam tak c'olbal ri e chaki'j tak uwo sak man xquina' ta chaki'j chi'; xupaxij ri nim abaj xubano chi xel ulok jun nimalaj ja' chupam.

Salmib 114:8

¡Ri are' xebujalwächij ri tac'atak tak abaj pa tak c'ua'! ¡Xebujalwächij ri nimalaj tak abaj pa qui q'uiyibal tak ja'!

Salmib 105:41

Xupaxij ri abaj, xel ulok ja' chupam, ri xlemem pa ri chaki'j uwo sak jacha' jun nima'.

Salmib 33:9

Aretak c'u xch'awic, ronojel xbantajic; xtakanic, ronojel c'ut co xjeki'.

Ri Nehemiy 9:15

Xya' c'u la wa chque ri petinak chicaj che resaxic ri qui wi'jal xukuje' qui ja' ri xel chupam ri nimalaj abaj che u cämisaxic ri qui chaki'j chi'. Xbij c'u la chque chi cheboc che jekelem chupam ri ulew ri chi'm la chque.

Ri Josue 6:20

Ri winak xquirak qui chi' xukuje' ri trompet xebok'ic. Aretak ri aj israelib xquita' ri cok'ebal tak ri trompet, xquichaplej u rakic qui chi' ruc' ronojel ri qui chuk'ab, xtzak c'ut ri u tapia ri tinimit. Xekaj c'u puwi' ri tinimit, xquimajij c'ut.

Ri Josue 6:5

Aretak c'u i tom chic ri trompet cuban jun rok'ibal ri jalanic, chiraka' i chi' ruc' ronojel ri i chuk'ab, ri nimalaj u tapia ri tinimit cätzak na. Rajawaxic c'ut chi chijujunal quixoc chupam ri tinimit.”

Ajilanic 21:18

¡Ri e c'amal tak be xquicoj ri qui che' re takanic che u c'otic, ri nimak qui k'ij pa ri tinimit xquicoj ri qui ch'amiy che u c'otic!” Xebel bic chupam ri chaki'j uwo sak xetaken ri aj israelib c'ä pa Matana;

Ajilanic 21:15

xukuje' chquichi' ri alaj tak nima' ri caquilic' quib c'ä pa ri ulew re Ar copan c'u c'ä ruc' ri u c'ulbatil ri Moab.”

Ajilanic 20:11

Cätajin cubij wa', ri Moises xuwalijisaj ri u k'ab camul c'ut xuk'osij ri ch'amiy che ri nimalaj abaj xtixtob c'u ulok ri ja'. Jeri' ri winak xukuje' tak ri awaj xeboc che uq'uianic.

Elem 17:9

Xubij c'u ri Moises che ri Josue: “Chebacha' bic jujun achijab, jät jatech'ojin cuc' ri aj amalesib. Are c'u ri in quinetac'al ulok c'ä puwi' ri juyub, quinwuc'aj ri ch'ämiy aj Dios pa nu k'ab.”

Elem 14:16

Ri at chayaca' ri a ch'ämiy chicaj, chayuku' ri a k'ab chabana' quieb che ri plo rech queboc'ow ri aj israelib chupam pa chaki'jal.

Elem 7:20

Ri Moises, ri Aaron xquibano jas ri xetak wi rumal ri Ajawaxel. Ri Aaron xuyac ri u ch'ämiy xupuk'ij ri nima' Nil chuwäch ri ajawinel xukuje' chquiwäch ri e rach k'atal tzij, ronojel c'u ri ja' xjalwächitaj pa quic'.

Elem 4:20

Ri Moises xuc'am ri rixokil xukuje' ri e u c'ojol, xebuya' chrij jun bur, xtzelej c'u pa Ejipt. Xuc'am bic ri ch'ämiy aj Dios pa u k'ab.

Elem 4:2

“¿Jas ri c'o pa ri a k'ab?” xcha' ri Ajawaxel. “Jun ch'ämiy,” xcha' ri Moises.

Chapletajic 18:14

¿La c'o ta c'u lo jun jasach ri ma ta cäcuin ri Ajawaxel che u banic? Che ri jun junab chic junab ak'anok quinpe na che a solixic, pa ri k'ij ri' ri Sara c'o chic jun ral ala.”

Ajilanic 20:7

xubij c'ut ri Ajawaxel che ri Moises: