Ajilanic 20:17 - Quiché Bible

¹⁷ Cäkatz'onoj chawe chi chaya' c'olbal chke chi cujoc'ow chupam ri awulew. Man cujoc'ow ta paquiwi' tak ri e a tico'n mawi paquiwi' tak ri e a uva, mawi quekakumuj ri ja' ri c'o chquipam tak ri e a c'ua'. Are' cäkatakej na ri nim be, man c'u cujel ta na chupam c'ä cujoc'ow na chupam ri awulew.’ ”

Ajilanic 20:17 Referans Kwoze

U Camulixic ri Pixab 2:27

‘Nu chomam oc'owem pa ri awulew, xuwi c'u quintakej ri nim be, man quinnak ta chi c'u jun c'olbal ri c'o pa ri awulew.

U Camulixic ri Pixab 2:29

Je jas ri xquiban ri e rija'lil ri Esau chke ri e c'o pa Seir, xukuje' ri aj moabib ri e c'o pa Ar, c'ä cujk'ax na chupam ri nima' Jordan, cujopan c'u pa ri ulew ri cuya' ri Ajawaxel chke.’

Ajilanic 21:1

Aretak ri ajawinel aj cananey re ri tinimit Arad ri jekel pa ri Negueb, xoc pa u jolom chi ri aj israelib e petinak pa ri be re Atarim, xel bic che u banic ch'o'j cuc' xcuin c'u che qui chapic jujun chque.

Ucab Tzijobelil 20:10

Camic c'ut, e c'o ri aj amonib waral, ri aj moabib xukuje' ri e aj c'ache'laj re Seir, chquipam c'u tak we culew ri' man xaj ta la chi xeboc ta ri aj israelib chupam ri ebelinak ulok pa Ejipt. Xane' xquitasquib chquij man xquisachisaj ta c'u qui wäch.

U Camulixic ri Pixab 2:28

Ri jastak ri quekatijo ri quebajwataj chke quekatoj na pa a k'ab xukuje' ri ja' ri cakuq'uiaj na. Xuwi cäkatz'onoj chawe chi caya' c'olbal cojoc'owic.