Ajilanic 20:11 - Quiché Bible

¹¹ Cätajin cubij wa', ri Moises xuwalijisaj ri u k'ab camul c'ut xuk'osij ri ch'amiy che ri nimalaj abaj xtixtob c'u ulok ri ja'. Jeri' ri winak xukuje' tak ri awaj xeboc che uq'uianic.

Ajilanic 20:11 Referans Kwoze

1 Corintios 10:4

Conojel xcuq'uiaj que ri xa junam uq'uia' aj uxlabal. Rumal rech chi xcuq'uiaj que ri ja' ri xpe pa ri abaj aj uxlabal ri junam benak cuc'. Ri abaj ri' are ri Crist.

Elem 17:6

Quinc'oji' c'u che aweyexic chila' pa ri juyub Horeb, puwi' ri nimalaj abaj, aretak c'ut cac'ojij ri nimalaj abaj, quel na ulok ja' chupam rech cäquitij ri winak.” Je c'u xuban ri Moises chquiwäch ri nimak tak tatayib aj israelib,

U Camulixic ri Pixab 8:15

ri xixubinisaj pa ri nim xukuje' xibibalajaj chaki'j uwo sak, ri nojinak chque cumätz ri quecämisanic xukuje' sina'j, ri man cäriktaj ta wi ja'. Are c'ut ri are' xresaj ja' che jun cowilaj abaj, xuya' c'ut ri cacuq'uiaj.

Ajilanic 20:8

“Chac'ama' ri ch'amiy, ruc' c'ut ri u to'banic ri Aaron ri awachalal, chebamulij ri winak. Aninak, chquiwäch conojel, chataka' ri nimalaj abaj chi chuya' i ja', cawil c'u na chi che ri nimalaj abaj capichc'on wi na ulok ri ja', rech cacuq'uiaj ri winak xukuje' tak ri cawaj.”

Santiago 1:20

are' c'u ri winak ri coyowaric man are' ta cuban ri cäkaj chuwäch ri Dios.

Ri Matey 28:20

Chebitijoj che u nimaxic ronojel jas ri xixintak wi. Chiwilampe', in c'o iwuc' ronojel k'ij c'ä pa ri u q'uistajic ri uwächulew.”

Ri Osey 13:5

In xatinchajij pa tak ri ulew ri quenicowic chupam ri chaki'j uwo sak.

Salmib 78:16

¡Ri Dios xubano chi xel ulok ja' cätixixic chupam jun tac'atic abaj!

Nabe Tzijobelil 15:13

rumal c'u rech chi man ix ta xixbanow nabe mul, ri Ajawaxel xeresaj ri qui c'aslemal jujun chke, man xkatz'onoj ta c'u na jas ri rajawaxic u banic.”

Nabe Samuel 15:24

Xubij c'u ri Saul che ri Samuel: “Je' in macuninak, man xinban taj ri u takanic ri Ajawaxel xukuje' tak ri u pixbenic ri xbij la chwe, xinxe'j wib chquiwäch ri winak, are xinnimaj ri xquibij chwe.

Nabe Tzijobelil 15:2

Xuya' c'u takanic: “Mawi jun, we man aj Levi, catelen ta bic ri u caxa ri Ajawaxel, are c'ut ri Ajawaxel e chowinak rech e are' quetelen ri u caxa ri Ajawaxel xukuje' rech amak'el e c'o chuwäch che ri u patanixic.”

Nabe Samuel 15:19

¿Jasche man xebanimaj taj ri e u takanic, xbe c'u awanima' ruc' ri xtokix che ri c'ulel, xaban c'u ri etzelal chuwäch ri Ajawaxel?”

Aj Levitib 10:1

Ri e u c'ojol ri Aaron are' ri Nadab xukuje' ri Abiu, chquijujunal xquic'am ri qui bukibal, xequiya' k'ak' xukuje' c'oc'alaj k'ol chquipam, xquichi'j c'u chuwäch ri Ajawaxel jun k'ak' ri jun chi wi ri man are ta ri u bim ri Ajawaxel chque.

Salmib 74:15

Xban la chi xepok'isaj tak la ulok ja' xukuje' tak nima', xetzajisaj c'u la tak nima' ri man c'o ta qui tzajic.

Salmib 78:15

Chupam ri chaki'j uwo sak xuban cacab chque ri tac'atak tak abaj, xuya' q'ui ja' ri xcuq'uiaj.

Salmib 78:20

Kastzij chi ri Dios xuban quieb che ri nimalaj abaj; ri xel wi ulok ja' chupam jacha' jun nima', ri xuch'akaba' ri ulew; ¿la cäcuin ta c'u lo xukuje' cuya' wa? ¿la cäcuinic lo cuya' ti'j che ri u tinimit?”

Salmib 105:41

Xupaxij ri abaj, xel ulok ja' chupam, ri xlemem pa ri chaki'j uwo sak jacha' jun nima'.

Salmib 114:8

¡Ri are' xebujalwächij ri tac'atak tak abaj pa tak c'ua'! ¡Xebujalwächij ri nimalaj tak abaj pa qui q'uiyibal tak ja'!

Ri Isaiy 43:19

Ri in quenbana' na jun c'ac' banoj, cawil c'u na chi camic cäc'utunic. Quinjak jun be pa ri chaki'j uwo sak, xukuje' tak nima' pa ri ulew ri man cäwächin taj.

Ri Isaiy 48:21

Pune' xuban chque chi xeboc'ow chquipam tak c'olbal ri e chaki'j tak uwo sak man xquina' ta chaki'j chi'; xupaxij ri nim abaj xubano chi xel ulok jun nimalaj ja' chupam.

K'atal tak Tzij 15:19

Xujak c'ut ri Dios ri jul ri c'o pa Lehi, xutij c'u ri Sanson ri ja' ri xel ulok pa ri jul, xuna' c'ut chi c'o chic u chuk'ab. Rumal ri', ri u q'uiyibal ja' ri c'ä c'o camic pa Lehi, xcoj “En-acor” che u bi'.