Ajilanic 19:17 - Quiché Bible

¹⁷ Aretak e c'o we tz'ilol ri', cac'am jubik' ri u chajil ri ati't wacax ri cäpil u mac rech ri macaj, cäya' c'u chupam jun lak rech cäya' sakalaj ja' puwi'.

Ajilanic 19:17 Referans Kwoze

Apocalipsis 7:17

Are' c'ut ri Alaj Chij ri c'o pa u niq'uiajil ri tem re ajawibal quebuyuk'uj na, cuc'am na qui be pa tak qui q'uiyibal ja' re c'aslemal. Ri Dios cusu' na ri u wa'l qui wäch.”

Ri Xuan 7:38

Ri cäcojon chwe in, jas ri cubij ri Tz'ibatalic: ‘nima' re c'aslic ja' quebel na ulok pa ri ranima'.’ ”

Bixonic Tak 4:15

Ri u q'uiyibal ja' pa ri ticbal cotz'i'j are jun c'ua' ri caq'uiy wi ulok ri ja' ri cakaj ulok kas pa ri Libano.

Ajilanic 19:9

Jun achi chic, ri ch'ajch'oj jas ri nak'atisabal, cujoc ri u chajil ri ati't wacax cuya' c'u pa jun c'olbal ch'ajch'oj chrij ri kajebal. We chaj ri' cajwataj na che ri tinimit Israel che u suc'umaxic ri ja' re ri ch'ajch'ojirisanic. Ronojel wa' jun tabal tok'ob u mac rech ri macaj.

Chapletajic 26:19

Pa jun k'ij, ri pataninel tak rech ri Isaac cätajin cäquic'ot jun c'ua' pa ri beya', xquirik c'u jun bulbux.

Hebreos 9:13

Kastzij chi ri qui quiq'uel ri ama'ib tak wacax xukuje' tak q'uisic, xukuje' ri e u chajil ri ati't wacax ri canicowisax puwi' ri porobal, ri e chicom paquiwi' ri e tz'ilobitajinak, e c'o qui cuinem che qui tasic xukuje' che qui ch'ajch'ojisaxic chquij,

Ajilanic 19:18

Jun achi c'ut ri ch'ajch'oj, cuc'am na jun alaj u k'ab k'ayes re hisop, curub na chupam ri ja' cuchicoj c'u na puwi' ri cäbal ri lic'om paquiwi' ri jastak xukuje' paquiwi' ri winak ri e c'o chila', xukuje' ri xebuchap ri bak o ri winak ri xcämisaxic o xak xcämic, o ri mukutal wi cäminak.

Ajilanic 31:23

(ronojel ri cuch'ij ri k'ak'), rajawaxic quebich'ajch'ojirisaj quebiya' chupam ri k'ak' quebich'aj c'ut ruc' ja' re ch'ajch'ojirisabal. Ri jastak ri man quequich'ij ta ri k'ak', quebich'ajch'ojirisaj xak xuwi ruc' ja'.

Ri Ezequiel 36:25

Quixinch'aj na ruc' josok'alaj ja', quixinjosk'ij na che ronojel ri i tz'ilol, quixinch'ajch'ojirisaj na chque tak ri e u rikic iwib cuc' tak ri e diosib;

Ri Zacariy 13:1

“Chupam c'ut ri k'ijol ri' cäjakataj na jun bulbuxalaj ja', rech chupam quecuin wi quequich'aj tak ri qui mac ri e rija'lil ri David xukuje' ri aj Jerusalen.