Ajilanic 19:13 - Quiché Bible

¹³ We c'o jachin jun cuchap jun winak cäminak man c'u cuch'ajch'ojirisaj ta rib, cärawasij ri u k'ijilabal ri Ajawaxel, rumal c'u ri', rajawaxic quesax chquixo'l ri aj israelib. Man c'u chicom ta ruc' ri ja' re ch'ajch'ojirisanic, cäriktajic chi c'o pa ri tz'ilol.

Ajilanic 19:13 Referans Kwoze

Aj Levitib 15:31

Jewa' caquiban ri aj israelib che u josk'ixic quib che ri qui tz'ilol, rech man quecäm taj aretak caquitz'iloj ri c'olbal ri in jekel wi chquixo'l rumal ri qui tz'ilol.”

Aj Levitib 22:3

Chabij chque chi, camic xukuje' ri k'ij ri quepe na, apachin ta ne chque ri quija'lil we tz'il chuban ta ri quicojic ri tastalicalaj tak jastak ri quequitas ri aj israelib che ri Ajawaxel, quesax na bic chnuwäch. In ri' ri Ajawaxel.

Aj Levitib 7:20

Ri winak ri tz'ilobinak ri cutij ri ti'j re ri tabal tok'ob re utzirisan ib, ri jachom che ri Ajawaxel, we winak ri' quesax na chquixo'l ri u winakil.

Apocalipsis 22:15

Chquij c'u ri u chi' quec'oji' wi can ri winak ri cäquiban tz'ilalaj tak jastak ri quequiban ri itzinic, ri xak cäcuc'aj quib cuc' achijab ixokib che qui banic macunic, ri cämisanelab, ri quequik'ijilaj tak diosib, xukuje' conojel ri cäkaj ri banoj tzij chquiwäch, ri cäquiban subunic.

Apocalipsis 22:11

Ri cäbanow etzelal, caya' che chi chubana' na ri etzelal. Ri cäbanow tz'ilalaj tak jastak, caya' che chi chutz'iloj na rib. Are c'u ri suc'alaj winak chubana' na ri suq'uil, ri tastalic winak chutakej ri u tasic rib che u nimaxic ri Dios.

Apocalipsis 21:8

Are c'u ri cäquixe'j quib, ri man quecojon taj, ri e tz'ilobinak cumal itzelalaj tak jastak, ri cämisanelab, ri xak cäcuc'aj quib cuc' achijab ixokib che qui banic ri macunic, ri cäquiban itzinic, ri cäquik'ijilaj tak diosib, ri e banal tak tzij, quebe ri e are' pa ri cho ri cänicow wi ri k'ak' xukuje' asubre, are wa' ri ucab cämical.”

Hebreos 10:29

¡E ta c'u lo ri jun ri cäretzelaj u wäch ri u C'ojol ri Dios, man nim ta cäril wi ri quic' ri xbanow tastalic winak che are', are ri quic' re ri u c'ulwächinic ri Dios cuc' ri winak, o cuyok' ri Uxlabaxel ri cäbanow tok'ob chke, sibalaj c'ax na ri c'äjisabal u wäch ri jun ri jewa' cubano!

Ri Xuan 8:24

Rumal ri' xinbij chiwe chi quixcäm na pa ri i mac. We c'u man quicojo chi in ri', quixcäm na pa ri i mac.”

E C'ambal tak Tzij 14:32

Ri banal etzelal quetzeletaj rumal ri retzelal; ri winak ri tz'akatisanel pa ronojel pa ronojel cäto' rumal ri tz'akatil ri c'o ruc'.

Ajilanic 19:20

We jun winak ri kas tz'ilobinak ri man cujosk'ij ta rib rajawaxic quesax chuxo'l ri u tinimit, cärawasij c'ut ri u k'ijilabal ri Ajawaxel. Man chicom ta c'ut ruc' ri ja' re josk'ibal ib, u takem jekelem chupam ri tz'ilol.

Ajilanic 19:18

Jun achi c'ut ri ch'ajch'oj, cuc'am na jun alaj u k'ab k'ayes re hisop, curub na chupam ri ja' cuchicoj c'u na puwi' ri cäbal ri lic'om paquiwi' ri jastak xukuje' paquiwi' ri winak ri e c'o chila', xukuje' ri xebuchap ri bak o ri winak ri xcämisaxic o xak xcämic, o ri mukutal wi cäminak.

Ajilanic 19:9

Jun achi chic, ri ch'ajch'oj jas ri nak'atisabal, cujoc ri u chajil ri ati't wacax cuya' c'u pa jun c'olbal ch'ajch'oj chrij ri kajebal. We chaj ri' cajwataj na che ri tinimit Israel che u suc'umaxic ri ja' re ri ch'ajch'ojirisanic. Ronojel wa' jun tabal tok'ob u mac rech ri macaj.

Ajilanic 15:30

We c'u ne c'o jun winak cunabej aretak camacunic, we aj israel o man aj israel taj, cuyac woyowal. Rumal ri', we winak ri' quesax na chquixo'l ri u winakil.

Ajilanic 8:7

Ri nak'atisabal che ri tastajem are' ri quintakej u bixic: At quebachicoj ruc' ri ja' re ch'ajch'obenic chuwi' chi c'u wa' ri e are' caquisocaj na ronojel ri qui ti'jal, cäquich'aj c'u na ri catz'iak; jeri' quecanaj ch'ajch'oj.

Aj Levitib 20:3

Quinkasaj ri woyowal puwi' ri achi ri', quinwesaj ri u bi' chquixo'l ri u winakil u tz'ilom ri quink'ijilax wi rawasim ri tastalicalaj nu bi'. Rumal ri u ya'ic ri u c'ojol che ri Moloc.

Aj Levitib 5:17

We c'o jun winak cämacunic, cuc'ulelaj c'u ri u takanic ri Ajawaxel, pune' man xuch'obo aretak xubano, cäcanaj ajchak'mac, cuch'ob c'ut chi macuninak.

Aj Levitib 5:6

cujach na jun ati't awaj chuwäch ri Ajawaxel ri cresaj ulok chquixo'l ri u chij che tabal tok'ob u mac rech ri macaj ri bantajinak; cuya' cuc'am ulok jun ati't chij jun ati't q'uisic' rumal c'ut we tabal tok'ob ri', ri cojol tabal tok'ob curik ri sachbal u mac we winak ri'.

Aj Levitib 5:3

We c'o jun cuchap u tz'ilol jun winak, apachique jasach ri catz'ilobisax rumal man xuch'ob ta c'ut, we c'u c'äte cuch'obo cux ajchak'mac.

Hebreos 9:10

rumal rech chi xak takanic wa' chquij jastak ri quebilitajic, chrij ri wa, ja' xukuje' q'ui qui wäch ch'ajanic. Ri xuwi c'o qui patan aretak c'ämajok chuban ri Dios ri q'uextajem.

Aj Levitib 7:21

Ri winak ri cuchap apachique jasach ri tz'il we u tz'ilol winak, o u tz'ilol awaj o apachique tz'il ri cuya' muluwibal c'u'x, cutij c'u re ri ti'j re ri tabal tok'ob re ri utzirisan ib ri jachom che ri Ajawaxel, we winak ri' quesax na chquixo'l ri u winakil.”

Ajilanic 19:14

Ri cac'ulmatajic aretak c'o jachin cäcäm chupam jun cäbal ri lic'om, e are tak wa': conojel ri queriktaj chupam ri cäbal xukuje' conojel ri queboc chupam, quecanaj tz'il wukub k'ij.

Ajilanic 19:19

Ri achi ri josk'im jas ri nak'atisabal are' chchicom ri tz'ilotajinak pa tak ri urox k'ij xukuje' pa ri uwuk. Pa ri uwuk k'ij u ch'ajch'ojisam chic. Are c'u ri winak ri tz'il canok cuch'aj ri ratz'iak xukuje' cuch'aj na rib ruc' ja', cäcanaj c'u na can tz'il c'ä benak k'ij.

Ri Ezequiel 44:26

We quequibano, rajawaxic caquich'ajch'ojirisaj quib, caqueyej chi c'u na wukub k'ij.

Elem 30:33

We c'o jachin cusuc'umaj jun aseit ri junam ruc' wa' o cujamij puwi' apachique winak, quesax ri u bi' chquixo'l ri u winakil.’ ”

Aj Levitib 22:4

Man c'o ta jun chque ri e rija'lil ri Aaron ri c'o ta ch'a'c che o puj ri cabelelic, cutij ta rech chque ri jastak ri e tastalic c'ä cäjosk'itaj na. Ri cuchap jun jasach tz'il u mac rech jun cäminak, o cuchap jun ri cabelel ri u pam ri achi wi,

Ajilanic 9:13

Jachin c'ut ri cutanaba' u banic ri nimak'ij re ri Oc'owem ri ch'ajch'oj c'u ne man naj ta c'u benak wi, rajawaxic quesax chquixo'l ri e u winakil. Man xpe ta c'u che u ya'ic ri sipanic chuwäch ri Ajawaxel pa ri k'ijol ri k'atom, cuc'am na ri c'äjisabal wächaj u mac rech ri u mac.