Ajilanic 18:21 - Quiché Bible

²¹ Chque ri aj levitib quinya' wi jacha' che quechbal ri lajujil ri rajawaxic caquic'am ulok ri aj israelib ri caquesaj che ri qui ch'äcoj, che u tojic ri patanijic ri caquiban pa ri Lic'om Rachoch Dios re rikoj ib.

Ajilanic 18:21 Referans Kwoze

Ri Nehemiy 12:44

Pa ri k'ijol ri' xecoj tak winak ri quechajin tak ri c'olbal ri quec'ol wi tak ri k'inomal, ri sipanic tak, ri nabe tak wächinic xukuje' tak ri lajujil, rech quec'ol chquipam jas ri cubij ri pixab ri quec'am ulok pa tak ri qui juyub ri tinimit ri quebejach chque tak ri e cojol tabal tok'ob xukuje' ri aj levitib; rumal rech chi ri aj Juda quequicot cuc' tak ri e cojol tabal tok'ob xukuje' cuc' tak ri aj levitib ri e c'o pa ri patanijic.

Ri Nehemiy 10:37

Xukuje' xkaya' ka tzij che qui c'amic bic chupam ri quec'ol wi tak ri jastak, ri c'o chupam ri rachoch ri ka Dios, che cuchuj chque tak ri e cojol tabal tok'ob ri e nabe tak ka c'äj, xukuje' ri nabe tak qui wächinic ronojel che', xukuje' ri nabe u wa'l ka uva xukuje' ri nabe kaseit, xukuje' cakac'am bic chque ri aj levitib ri qui lajujil tak ri e qui wächinic tak ri kulew, e are' c'u quemulin tak ri e qui lajujil conojel tak ri kulew.

Hebreos 7:5

Kastzij ri e rija'l ri Levi ri queboc che cojol tabal tok'ob, yo'm takanic chque chi cäquic'am ri u lajujil ronojel pa qui k'ab ri winak, jas cubij ri pixab. Ya'tal wa' chque pune' e cachalal xukuje' e cach rija'l ri Abraham.

Gálatas 6:6

Ri jun ri cätijox che ri u tzij ri Dios, rajawaxic cuya' re ri cätijonic re ri e jastak re ri e utz.

Ri Nehemiy 13:12

ronojel ri Juda xuc'am ulok chupam ri quec'ol wi ri jastak ri u lajujil ri trico, ri u lajujil ri u wa'l uva xukuje' ri u lajujil ri aseit.

Ri Nehemiy 10:29

xquijunamaj quib cuc' tak ri cachalaxic xukuje' cuc' tak ri e c'amal tak qui be, xeban chi'nic ri kas cäban na, xecha' chi quequibana' je jas ri cubij ri u pixab ri Dios ri yo'm che ri Moises ri pataninel rech, xukuje' quebequitz'akatisaj tak ruc' jicomal conojel tak ri takomal, xukuje' ri pixab tak ri e tz'ibam, xukuje' tak ri e u pixab ri Ajawaxel.

Ucab Tzijobelil 31:12

chila' xec'ol wi ruc' jicomal ri cuchuj ri lajujil ri e qui jachom xukuje' ri jastak ri kas e tasom che ri Ajawaxel. Are' c'u xquicoj ri Conaniy ri aj levi che nabe chajinel che ronojel wa', are c'u ri rachalal ri Simeiy u bi' xquicoj che ucab.

Ajilanic 18:6

In xebentas ri e awachalal ri aj levitib chquixo'l ri niq'uiaj chi aj israelib che qui ya'ic chiwe, rech quepatanij che qui banic tak ri patan ri queban chupam ri Lic'om Rachoch Dios re rikoj ib;

Chapletajic 14:20

chyo'k ba' u k'ij ri Dios aj chicaj, ri xatuto' che qui ch'äquic ri a c'ulel.” Ri Abram xuya' che ri Melquisedec ri lajujil re ronojel ri u tok'im ulok.

Ajilanic 31:28

Chac'ama' can jubik' chwe in: chque ri cäya' chque ri ajch'ojab, ri winak xukuje' tak ri wacax, ri e bur tak xukuje' tak ri chij, camajij na jun chque jujun jo' tak sient (500)

U Camulixic ri Pixab 18:8

junam ri tzukbal rech cuc'amo jas ri caquic'am ri e are', c'o chi c'u wi na ri' ri cäya' che rumal ri u tat.”

Ri Nehemiy 12:47

Je c'u ri', pa ri u k'ijol ri Zorobabel xukuje' ri e re ri Nehemiy, ronojel Israel cujach k'ij chi k'ij ri jastak ri quequitij ri bixonelab xukuje' ri e chajil tak oquibal; xukuje' quequiya' chque ri aj levitib ri ya'tal u ya'ic chque, xukuje' wa' je caquiban chque ri e rija'lil ri Aaron.

Ri Nehemiy 13:5

u yo'm jun nimalaj ja che ri quec'ol wi tak can ri sipanic nabe, ri c'oc' k'ol, ri e chaconisan tak xukuje' ri u lajujil rech ri trico, ri u lajujil ri u wa'l uva xukuje' ri u lajujil ri aseit ri cätak u ya'ic chque ri aj levitib, ri aj bixab xukuje' ri e chajil tak oquibal, c'o chi c'u wi na ri' ri cuchuj ri cäya' chque ri e cojol tabal tok'ob.

Ri Malaquiy 2:4

Jeri' quiwetamaj na chi in in yowinak we takomal ri' chiwe rech co cäc'oji' ri nu c'ulwächinic ruc' ri Levi.” Are cabin ri Ajawaxel ri c'o ronojel u cuinem.

Ri Malaquiy 3:10

Chebic'ama' ulok ri i lajujil chiliya' chupam ri u k'inomal ri wachoch, je c'u ri' c'o na ri cätij chupam ri wachoch. Chinitijtobej c'ut rumal wa', quiwil c'u na we ta ma ta quebenjak tak na chiwe ri wenta'n re ri caj che u k'ijic piwi' tewichibal ri ri man c'o ta c'o wi.

Chapletajic 47:24

che ri jo' tak arob trico ri quiyaco rajawaxic quiya' jun arob che ri ajawinel; are c'u ri quiejeb arob chic quicoj che ija' xukuje' che tzukbal iwib, xukuje' che tzukbal que ri iwalc'ual pa tak ri iwachoch,” xcha' ri Jose chque ri winak.

Chapletajic 47:26

Jeri' ri Jose xucoj wa' che pixab chupam ri rulewal ri Ejipt chi chyok che ri ajawinel ri u ro'il ri qui wächinic tak ri ulew we pixab ri' c'ä are jekelic e are' tak c'ut ri e cojol tabal tok'ob man c'o ta jas cäquitojo, rumal rech chi ri culew mawi jubik' xebux ta rech ri ajawinel.

Ajilanic 3:6

“Chebasiq'uij ri e aj ramak' ri Levi, chquijacha' c'u quib chuxe' ri u takanic ri cojol tabal tok'ob ri Aaron chepatanin c'u che.

Ri Nehemiy 10:38

Aretak c'u chbe ri aj levitib che u c'amic ulok ri lajujil, quebachilax na bic rumal jun cojol tabal tok'ob rija'lil ri Aaron. Rajawaxic quequic'am bic ri aj levitib quequiya' chupam ri quec'ol wi tak ri jastak, ri c'o chupam ri rachoch ri ka Dios ri lajujil che ri u lajujil ri caquimulij,