Ajilanic 18:20 - Quiché Bible

²⁰ Ri Ajawaxel xubij che ri Aaron: “At man cac'oji' ta awulew mawi tak e wechbal pa Israel, jacha' ri niq'uiaj aj israelib chic. In ri in awechbal xukuje' quinux awech pa Israel.

Ajilanic 18:20 Referans Kwoze

Ri Ezequiel 44:28

Xuwi c'u ri in in echbal ri caquic'am na ri e cojol tabal tok'ob jacha' echbal. Man c'o ta jun jasach caya' ta chque pa Israel rech cux ta quech. In ri in quechbal.

U Camulixic ri Pixab 10:9

Rumal ri' ri aj Levi man xebajilax ta ri e are' junam cuc' ri aj israelib ri e cachalal, mawi yo'm quechbal, are c'u quechbal ri Ajawaxel, jacha' ri xuya' u bixic ri Ajawaxel.)

Ri Josue 13:33

E are' c'ut ri aj ramak' ri Levi man xuya' ta culew che quechbal, xa ne xubij chque: “Ri Ajawaxel xukuje' u Dios ri Israel are' iwechbal.”

Juyuwem 3:24

Quinbij c'u chwe chbil wib: ¡Ri Ajawaxel are' ronojel chwe in; rumal ri' chrij are' quinjiquiba' wi nu c'u'x!

Ri Josue 14:3

Ri Moises u jachom chi can ulew ch'käp che ri Jordan chque ri amak' Ruben ri Gad xukuje' che ri pa niq'uiaj che ri ramak' ri Manases; are' c'u ri chque ri aj levitib man xuya' ta culew.

U Camulixic ri Pixab 14:27

Mawi jumul mebiwonoba' ri aj levitib ri jekel pa tak ri i tinimit, man c'o ta c'u culew xya'ic, jacha' ri ix yo'm iwulew.

U Camulixic ri Pixab 12:12

Quiban c'u na nimak'ij chuwäch ri Ajawaxel ri i Dios, quebiwachilaj tak ri e i c'ojol, ri pataninel tak iwech, xukuje' ri aj levitib ri e jekel chixo'l, man c'o ta c'u ch'akap culew quechben che ri iwulew.

Apocalipsis 21:3

Xinta' jun cowilaj ch'abal ri xel ulok pa ri tem re ajawibal, ri xubij: “Chiwilampe', ri u kajebal ri Dios c'o chquixo'l ri winak. Cajeki' c'u na cuc'. Ri e are' quebux na u tinimit, kas are' ri Dios cac'oji' na cuc' cux c'u na qui Dios.

Salmib 142:5

Che la Ajawaxel quintz'onoj wi tok'ob, quinbij c'u che la: “Lal ri' ri nu panibal; lal ronojel ri c'o wuc' pa we c'aslemal ri'.”

Salmib 16:5

Lal Ajawaxel, lal ri lal ronojel chwe; quinnojisaj la che tewichibal, ri nu c'aslemal pa k'ab la c'o wi.

Ri Josue 18:7

Chque ri aj levitib man c'o ta jun ch'akap caya' ta chque, ri ya'tajinak chque are', are' ri u chac ri cojol tabal tok'ob chuwäch ri Ajawaxel. E are' c'ut ri ramak' ri Gad ri ramak' ri Ruben xukuje' ri pa niq'uiaj ramak' ri Manases, c'o chic ri quechbal pa ri ulew ri c'o pa ri elebal k'ij che ri nima' Jordan ri xuya' ri Moises chque, ri pataninel rech ri Ajawaxel.”

Salmib 73:26

Ronojel ri nu cuerp cämem cubano, ri Dios c'ut are' junalic wechbal are' cäyo'w u chuk'ab ri wanima'.

U Camulixic ri Pixab 14:29

rech aretak quepe ri aj levitib ri man c'o ta ri xya' ta culew, o ri man e i winakil ta ri e jekel chixo'l, o ri minorib xukuje' ri malca'nib, utz qui tzukic quiban bic. We je quiban wa' ri Ajawaxel ri i Dios quixutewichi'j na pa ronojel ri quibano.”

Ajilanic 26:62

Ri achijab chnimalaj conojel ri e rija'lil ri Levi, ri jujun tak qui q'uil cäpakic, e juwinak oxib mil (23,000). Ri e are' man e ajilam ta cuc' ri niq'uiaj aj israelib chic, rumal rech chi ri e are' man yo'm ta jun quechbal.

Ri Josue 13:14

Che ri ramak' ri Levi man e c'o ta echbal xuya' ri Moises chque, ri quechbal e are' ri tabal tak tok'ob ri queporox che u ya'ic u k'ij ri Ajawaxel xukuje' u Dios ri Israel, kas are' c'u ne bininak canok.

Chapletajic 15:1

E bantajinak chi we jastak ri', ri Ajawaxel xuch'abej ri Abram pa jun ichic', xubij che: “Abram, maxe'j awib, in ri' ri in to'l awech. Ri tojbal awech sibalaj nim na.”

Ajilanic 18:7

xak xuwi c'u ri at xukuje' tak ri e a c'ojol cuya' cäquiban ri chac re ri u cojic ri tabal tok'ob jas ri rajawaxic u banic puwi' ri porobal o ri queban chrij ri ch'ukubal. We patanijic ri' rajawaxic are wa' ri rajawaxic u banic iwumal, in c'ut in jachowinak ri chac pa i k'ab re ri u cojic ri tabal tok'ob we c'o jachin jun capatanijic jacha' cojol tabal tok'ob, ri man cojol tabal tok'ob taj, cac'okox na che cämical.”