Ajilanic 18:19 - Quiché Bible

¹⁹ Ronojel ri cuchuj ri quequitas ri aj israelib chwe, quebenya' chawe, xukuje' chque ri e a c'ojol ri e a mia'l ri c'ä e c'o pa ri awachoch. Jun pixab wa' ri cäjeki' canok amak'el. Jun c'ulwächinic ri man c'o ta u q'uextajic, junalic, ri quinban awuc' xukuje' cuc' tak ri e awija'lil.”

Ajilanic 18:19 Referans Kwoze

Ucab Tzijobelil 13:5

¿La ma ta iweta'm ix chi ri Ajawaxel, ri u Dios ri Israel, xujach ri ajawinic pa u k'ab ri David xukuje' chque tak ri rija'lil che jun k'ijol ri man q'uistajeltaj rumal jun c'ulwächinic ri man q'uextajel taj?

Ajilanic 18:11

Quebenya' c'u chawe xukuje' chque tak ri a c'ojol ri a mia'l ri c'ä e c'o pa ri awachoch, ri sipanic tak ri nimak qui k'ij ri quequic'am ulok ri aj israelib chwe. Jun pixab wa' ri cäjeki' canok amak'el. Apachique winak re ri aj u pa wachoch ri u ch'ajch'ojirisam rib, cuya' quebutijo.

Aj Levitib 2:13

Chque c'u conojel tak ri e a sipanic quech c'äj rajawaxic quebatzayij, maya' c'olbal chi pa ri a sipanic que c'äj ma ta c'o ri atz'am ruc' rech ri u c'ulwächinic ri Ajawaxel. Pa conojel tak ri a sipanic rajawaxic cachi'j ri atz'am.

Ucab Tzijobelil 31:4

Xukuje' xuya' takanic chque ri winak ri e jekel pa Jerusalen chi chquiya' ri cuchuj ri takal u ya'ic cumal chque ri e cojol tabal tok'ob xukuje' chque ri aj levitib, rech quecuinic caquijach quib ruc' ronojel canima' che u tz'akatisaxic ri u pixab ri Ajawaxel.

U Camulixic ri Pixab 12:6

Chila' quebipil wi na awaj, quebiporoj c'u na che u ya'ic u k'ij, chila' quebic'am c'u na bic ri e i lajujil, ri i cuchuj, ri i chi'm u ya'ic, xukuje' ri i sipanic ri cäpe pa iwanima', ri nabe tak cal ri e i wacax xukuje' ri nabe tak cal ri e i chij.

Ajilanic 31:41

Ri Moises xujach ri cuchuj che ri Ajawaxel che ri Eleazar, ri cojol tabal tok'ob, jacha' ri takanic ri u yo'm ri Ajawaxel che.

Ajilanic 31:29

quebaya' c'u che ri Eleazar ri cojol tabal tok'ob che cuchuj chwe in.

Ajilanic 18:8

Ri Ajawaxel xubij che ri Aaron: “Ri sipanic ri queban tak chwe in e nu jachom pa a k'ab. Conojel ri tastalic tak sipanic ri quequiban ri aj israelib chwe, quebenya' chawe xukuje' chque tak ri a c'ojol e are tak c'u wa' ri e ya'tal chiwe; jun nak'atisabal wa' re amak'el.

Aj Levitib 7:14

Cätas c'u na jun u tz'akatil che jujun u wäch sipanic ri tasom che ri Ajawaxel cäyataj c'u che ri cojol tabal tok'ob ri cajamin ri u quiq'uel ri tabal tok'ob re utzirisan ib.

U Camulixic ri Pixab 12:26

Ri jastak ri i tasom che u ya'ic che sipanic, xukuje' ri jastak ri i bim chi quiya' che ri Ajawaxel, quic'am bic pa ri c'olbal ri cucha' na ri Ajawaxel,

Ucab Ajawinelab 12:16

Are' c'u ri puak ri quech tak ri sipanic u mac ri chak'maquil xukuje' u mac ri macaj man quec'am ta bic chupam ri rachoch Dios, xane' quech ri e cojol tabal tok'ob.

Ri Ezequiel 43:24

quebachi'j c'u chwe. Ri e cojol tabal tok'ob e are che chicom ri atz'am chrij, que qui poroj c'ut jacha' che tabal tok'ob ri cachajirisaxic che u ya'ic nu k'ij,

Elem 29:27

Chatasa' ri uwo c'uxaj ri oc'owisam ri yo'm che sipanic ri nim u banic jas ri nak'atisabal xukuje' ri ra' ri ama' chij, ri cächi'x che cuchuj, u tz'akatil c'ut ri chij re ri tastajic ri cätas can che ri Aaron xukuje' chque ri e u c'ojol.

Aj Levitib 21:22

Cuya' cutij rech we wa ri' xukuje' ri jastak ri e tastalic xukuje' ri sibalaj e tastalic.