Ajilanic 18:15 - Quiché Bible

¹⁵ Conojel ri nabeal tak qui c'ojol ri aj israelib o ri nabe tak cal ri awaj, ri chiquichi'j chwe, quebux awech. E are' tak c'ut ri e qui nabeal ri winak xukuje' ri nabe tak cal ri awaj ri e tz'il, catz'onoj jun torobal che qui q'uexwäch.

Ajilanic 18:15 Referans Kwoze

Elem 34:20

Are c'u ri quiban che ri nabe ral ri ati't bur we ama' ri cäralaj, rajawaxic quiya' jun alaj chij o jun alaj q'uisic' che u q'uexwäch ri alaj bur; we c'u man quiya', qui k'ajisaj na ri rij u wi' ri alaj bur. Xukuje' rajawaxic quiya' jun sipanic che qui q'uexwäch ri e nabeal tak i c'ojol chquijujunal. C'o c'u jun mape che wilic we man c'o jas cuc'am ulok.

Elem 13:2

“Chebijacha' conojel ri nabeal tak alabom chwe, rumal rech chi conojel ri alabom ri qui nabeal ri aj israelib e wech xukuje' conojel ri nabe tak cal ri cawaj.”

Ajilanic 3:46

Are' tak c'ut ri e qui c'ojol ri aj israelib ri e nabeal are e q'ui na chquiwäch ri aj levitib; jeri', chi che ri qui toric ri quieb sient oxc'al oxlajuj (273) nabeal tak c'ojolaxelab ri e to'tajinak.

Ajilanic 3:13

rumal rech chi chwe in ya'tal wi ronojel ala nabeal. Aretak xinban chque ri nabeal tak qui c'ojol ri aj ejiptib, chi xecämic xeben to'tajisaj can chwe ri e nabeal tak qui c'ojol ri aj israelib xukuje' ri nabe tak cal ri cawaj. Rumal ri', e wech. In ri' ri Ajawaxel.”

Elem 22:29

Mabey awib che qui c'amic ulok ri a sipanic re ronojel ri a tico'n xukuje' re ronojel ri a uva. Ri a c'ojol ri nabeal caya' na chwe,

Elem 13:15

Aretak ri ajawinel co xutac'aba' rib man xraj taj xujutzokopij ulok, ri Ajawaxel xebucämisaj conojel ri nabeal tak qui c'ojol ri aj ejiptib chquijujunal xukuje' ri nabe tak cal ri cawaj: rumal ri' quekatas che ri Ajawaxel ri nabe ama'ib tak awaj ri quebalaxic xukuje' cäkaya' jun chij che qui q'uexwäch ri nabeal tak ka c'ojol.

Ajilanic 18:16

Ri torobal rajawaxic cätojic jun ic' bantajinak chic ri alanic, job rakan sak puak cätojic je jas ri puak ri cäcoj chupam ri k'ijilabal, ri capajan niq'uiaj onz.

U Camulixic ri Pixab 15:19

“Ronojel ama' ri cäralaj ri a wacax o ri a chij, rajawaxic catas che ri Ajawaxel ri a Dios. Macoj pa chac, ri alaj ama' wacax, ri nabe ral ri a wacax, mawi masocaj rij ri alaj ama' chij ri ral ri a chij.

Ri Nehemiy 10:37

Xukuje' xkaya' ka tzij che qui c'amic bic chupam ri quec'ol wi tak ri jastak, ri c'o chupam ri rachoch ri ka Dios, che cuchuj chque tak ri e cojol tabal tok'ob ri e nabe tak ka c'äj, xukuje' ri nabe tak qui wächinic ronojel che', xukuje' ri nabe u wa'l ka uva xukuje' ri nabe kaseit, xukuje' cakac'am bic chque ri aj levitib ri qui lajujil tak ri e qui wächinic tak ri kulew, e are' c'u quemulin tak ri e qui lajujil conojel tak ri kulew.