Ajilanic 16:9 - Quiché Bible

⁹ ¿La xa man nim ta qui wilo chi ri u Dios ri Israel ix u cha'om ix chuxo'l ri tinimit Israel, chi quixc'oji' c'u chunakaj quixpatanij c'u che qui cojic ri tabal tak tok'ob chupam ri u k'ijilabal ri Ajawaxel chibana' c'ut we patanijic ri' che ri tinimit?

Ajilanic 16:9 Referans Kwoze

Ri Isaiy 7:13

Xubij c'u ri Isaiy: “Chitatabej, ix ri ix aj ajawinelab ri ix aj uwo rachoch ri David. ¿La man nim ta quiwil wi chi quiya' latz' chque ri winak chi xukuje' quiwaj quiya' latz' che ri nu Dios?

U Camulixic ri Pixab 10:8

Chi' aretak ri Ajawaxel xebucha' ri ramak' ri Levi che u c'amic bic ri caxa re ri u c'ulwächinic, rech quec'oji' chuwäch ri Ajawaxel che u ya'ic k'ijilanic, cäquiya' c'u ri tewichibal pa ri u bi', jacha' ri qui takem u banic camic.

Ri Nehemiy 12:44

Pa ri k'ijol ri' xecoj tak winak ri quechajin tak ri c'olbal ri quec'ol wi tak ri k'inomal, ri sipanic tak, ri nabe tak wächinic xukuje' tak ri lajujil, rech quec'ol chquipam jas ri cubij ri pixab ri quec'am ulok pa tak ri qui juyub ri tinimit ri quebejach chque tak ri e cojol tabal tok'ob xukuje' ri aj levitib; rumal rech chi ri aj Juda quequicot cuc' tak ri e cojol tabal tok'ob xukuje' cuc' tak ri aj levitib ri e c'o pa ri patanijic.

Nabe Samuel 18:23

Ri pataninel tak rech ri Saul xequibij ronojel wa' che ri David, xutzelej c'u u bixic ri David chque: “¿La are pa i c'u'x ix chi cux u ji' ri ajawinel mat c'ax che jun ri meba' xukuje' man c'o ta cac'am che, jacha' ri in?”

Ajilanic 16:13

¿La xa man nim ta cawilo chi xujawesaj ulok chupam jun ulew ri cabelel wi ri leche xukuje' ri juyubal räx cab jacha' ta ne ri ja', rech caban chke chi cujcäm chupam ri chaki'j uwo sak, ri are c'u cawaj catux nimalaj c'amal ka be?

Ajilanic 3:6

“Chebasiq'uij ri e aj ramak' ri Levi, chquijacha' c'u quib chuxe' ri u takanic ri cojol tabal tok'ob ri Aaron chepatanin c'u che.

Ajilanic 1:53

E are' c'u tak ri aj levitib, chrij ri k'ijilabal re ri c'ulwächinic quekaj wi, e are' c'u quechajinic, rech man cäpe ta royowal ri Ajawaxel chquij ri aj israelib.”

Ri Ezequiel 34:18

¿Man cacu'bi' ta qui c'u'x che u tijic ri utzalaj echa', xane' caquixak'alej canok ri cäcanajic? Cacuq'uiaj ri sakalaj ja', caquixok'olij c'u can ruc' ri cakan,

Ucab Tzijobelil 35:3

Xubij c'u xukuje' chque ri aj levitib, ri e ajtijab che ronojel Israel, ri qui tasom quib che u patanixic ri Ajawaxel, xebuya' tak ri pixbenic ri' chque: “Chicojo' ri tastalicalaj caxa chupam ri rachoch Dios ri xuyac ri Salomon, u c'ojol ri David ri ajawinel re Israel. Man rajawaxic ta chi c'ut qui quitelela' bic puwi' tak i teleb. Camic chi jacha' iwib che u patanixic ri Ajawaxel ri i Dios, xukuje' ri Israel u tinimit ri Ajawaxel.

Ucab Samuel 7:19

¡Man nim ta c'u wa' chwäch la, Ajawaxel, c'a yo'm c'u ne la u bixic ri cäpe na puwi' ri rija'lil ri pataninel ech la! ¡Man c'o ta jun achi je cubano jas ri cäban la Ajawaxel!

Chapletajic 30:15

Ri Lea xubij che ri Raquel: “¿La cachomaj chi man nim ta ri c'ax a banom chwe chi a majom ri wachajil? Are c'u ri camic are cawaj xukuje' quebamaj chwe ri e u mandragor ri wal.” “Che ba' qui q'uexwäch ri u mandragor ri awal, chak'ab camic cäwar ri Jacob awuc',” xcha' ri Raquel che ri Lea.

1 Corintios 4:3

Ri in man quinxe'j ta wib we quik'at tzij panuwi', pune' ta ne quinc'am bic cho jun k'atal tzij. Mawi ne ri in quink'at tzij panuwi' chbil wib.

Hechos 13:2

Pa jun k'ij cätajin cäquik'ijilaj ri Ajawaxel, man cätajin quewa' taj, xubij c'u ri Ruxlabal ri Dios chque: “Chebitasa' chwe ri Bernabe xukuje' ri Sawl che ri chac ri e nu siq'uim wi.”

Ajilanic 3:9

Chebatasa' ri aj levitib chquixo'l ri niq'uiaj aj israelib chic, rech kas quecanaj che u patanixic ri Aaron xukuje' tak ri e rija'lil,

Ajilanic 16:8

Xubij c'u ri Moises che ri Core: “Chinitatabej aj levitib:

Ri Ezequiel 44:16

Xukuje' cuya' queboc pa ri wachoch quekeb c'u che ri nu porobal che nu patanixic, pa qui k'ab c'u cäcanaj wi ri patanijic ri cäban chwe.