Ajilanic 16:26 - Quiché Bible

²⁶ Xubij c'u che ri tinimit: “Chitasa' iwib chque tak ri qui cäbal ri lic'om we itzel tak winak ri', c'o jun jasach minak chque ri jastak quech, mac'ulmataj c'u ne chi xukuje' ri ix quixecäm qui mac ri qui mac e are'.”

Ajilanic 16:26 Referans Kwoze

Ri Isaiy 52:11

Chixel ulok, chixel ulok pa Babilon, mebinak chi tz'il tak jastak, chixel ulok pa Babilon. Chebux ch'ajch'oj ri quec'amow ulok ri e u chaconisan ri Ajawaxel.

Apocalipsis 18:4

Xinta' jun ch'abal chic chicaj, ri xubij: “Chixel bic pa ri Babilon, ix ri ix nu tinimit rech man quebikajbej taj ri e u mac mawi quebirik tak iwech ri c'ax ri queburiko.

2 Corintios 6:17

Rumal ri' xukuje' cubij ri Ajawaxel: “Chixel chquixo'l, chitasa' iwib chquij, minak jun jasach tz'il. Ri in c'ut quixinc'am na,

1 Timoteo 5:22

Aretak caya' ri a k'ab puwi' jun ri coc che c'amal qui be ri cojonelab, maban wa' xak ruc' aninakil. Maban awe ri mac ri cuban jun chic. Chabana' ronojel rech ch'ajch'oj ri a c'aslemal.

Hechos 13:51

Ri e are' c'ut xquitota' can ri ulew ri c'o che ri cakan chquij, che u c'utic chi man e utz taj ri winak ri e c'o chila', xebe c'u pa ri tinimit Icon.

Hechos 8:20

Are c'u ri Lu' xutzelej u bixic che: “¡Ri a puak chsach u wäch awuc', u mac rech chi cachomaj cuya' cälok' ri u sipanic ri Dios ruc' puak!

U Camulixic ri Pixab 13:17

C'o jun jasach mic'am canok chque ri jastak ri ya'tal u sachisaxic u wäch mawi c'u jumul cäpe ta na royowal ri Ajawaxel chiwij, cutok'obisaj c'u na i wäch, quixupok'isaj na, jas ri xubij chque ri e i mam;

Ri Matey 10:14

Apachin ta ne ri man quixuc'ulaj taj, mawi cutatabej ri i tzij, chixel bic pa ri ja o ri tinimit ri'. Chitota' can ri ulew ri e c'o chque ri iwakan.

Chapletajic 19:17

Aretak e c'o chrij ri tinimit, jun chque ri tako'nib xubij: “¡Chatxiq'uinok, chato' awib! Matca'y chawij, mawi jubik' mak'il awib pa ri beya'. Chatpakal cho tak ri juyub, we cawaj catc'asi'c.”

Ajilanic 16:25

Ri Moises xwalijic, terenetal cumal ri nimak tak tatayib re Israel, xbe c'ut jawije' ri e c'o wi ri Datan xukuje' ri Abiram.

Ri Jeremiy 51:6

¡Chixanimajok chixel bic pa Babilon! ¡Cato'tajisaj rib jachin ri cäcuinic! ¡Mixcäm rumal ri u mac ri are'! Are k'ijol wa' rech ri nu yo'w q'uexelal, quintoj c'u na che jacha' ri takal che.