Ajilanic 16:2 - Quiché Bible

² xquiwalijisaj quib chrij Moises. Chque wa' xequitik chi quib quieb sient cawinak lajuj (250) aj israelib, achijab ri e c'o qui tij pa ri tinimit, ri e are' juch'ob cuc' ri e ya'l tak no'j ri utz qui tzijol.

Ajilanic 16:2 Referans Kwoze

Ajilanic 26:9

che c'u ri Eliab xebalax wi ri Nemuel, ri Datan xukuje' ri Abiram. Ri Datan rachil ri Abiram e qui tz'akatil ri jumulaj ya'l tak no'j ri', junam ruc' ri Core, xquiwalijisaj quib che u c'ulelaxic ri Ajawaxel xukuje' je xquiban che ri Moises rachil ri Aaron,

Ri Ezequiel 23:10

e are c'u xech'anabanic; xequitokij c'ut tak ri ral, chi achijab chi ixokib, ch'ich' re ch'o'j c'ut xquicämisabej rech, je c'u u c'äjisaxic u wäch wa' xquibano. Xak xuwi chi c'u caq'uiekbex qui xiquin ri ixokib.

Nabe Tzijobelil 5:24

Ri c'amal tak qui be ri calaxic e are' ri Eper, Isi, Eliel, Asriel, Jeremiy, Hodabiy xukuje' ri Jadiel, conojel e are' e cowilaj tak ajch'ojab, achijab ri nimak qui k'ij xukuje' e c'amal tak qui be ri cachalaxic.

Chapletajic 6:4

Ri nimak tak achijab xec'utun cho ri uwächulew aretak ri e ralc'ual ri Dios xcuc'aj quib cuc' tak ri e qui mia'l ri achijab rech quec'oji' calc'ual cuc', chumatam chi c'ut. E are tak wa' ri xebux nimak tak qui k'ij pa tak ri ojer tak k'ijol.

Ri Ezequiel 16:14

Xnimar c'u a k'ij chquixo'l ri nimak tak tinimit rumal ri a je'lical, ri xux tz'akat rumal ri mayibalalaj a wikic wumal. In, ri Ajawaxel, quinjiquiba' u bixic.

Nabe Tzijobelil 12:30

Che ri ramak' ri Eprain, juwinak mil wajxakib sient (20,800) cowilaj tak ajch'ojab, nimak qui k'ij chquixo'l ri cachalaxic.

Ajilanic 1:16

E are' c'amal tak be wa' quech amak' ri xecha' chquixo'l conojel ri aj israelib ri quequiq'uexwächij ri kas quija'lil.

Ajilanic 16:35

Xutak c'u ne bic xukuje' ri Ajawaxel jun k'ak' ri xebucämisaj ri quieb sient cawinak lajuj achijab ri qui chi'm c'oc' k'ol.

Ajilanic 12:1

Ri Mariy xukuje' ri Aaron xquichaplej u yok'ic ri Moises, rumal rech chi xc'uli' wa' ruc' jun ixok k'ek'.

Ajilanic 27:3

“Ri ka tat xcäm chupam ri chaki'j uwo sak ri are' man are ta jun cuc' ri xquimulij quib ruc' ri Core ri xuwalijisaj rib che u c'ulelaxic ri Ajawaxel. Xcäm rumal ri kas u mac man c'o ta c'u e u c'ojol ri xebuya' ta canok.