Ajilanic 16:16 - Quiché Bible

¹⁶ Xubij c'u ri Moises che ri Core: “Chixpe ta chwek at xukuje' tak ri e awachil, chuwäch ri Ajawaxel. Ri Aaron xukuje' cac'oji' na chi'.

Ajilanic 16:16 Referans Kwoze

Nabe Samuel 12:7

Rumal c'u ri' chi suc'umaj iwib, chuwäch ri Ajawaxel quinya' na qui bixic conojel ri utzil ri e u banom chiwe xukuje' chque ri e i mam.

Nabe Samuel 12:3

in c'o c'u chiwäch camic: we nu c'amom ri u wacax o ri u bur jachin jun chiwe, o nu banom c'ax o nu yok'om jachin jun chiwe, o we xak ja'e chwe banom u pa nu k'ab iwumal, quixcuinic quinitzujuj chuwäch ri Ajawaxel xukuje' chuwäch ri ajawinel ri cha'om rumal ri Dios, quintoj c'u na ri nu c'as ri c'olic.”

2 Timoteo 2:14

Chanataj wa chque. Pa ri u bi' ri Dios chata' chque chquitanaba' u yajic quib puwi' jujun tak tzij. Ri c'ulelam ib man c'o ta u patan; xane' quequiyojtajisaj ri quetatabenic.

Elem 16:9

Ri Moises xubij che ri Aaron: “Chabij chque conojel ri aj israelib chi chekeb chuwäch ri Ajawaxel, u tom c'ut chi c'ax quech'awic.”

Ajilanic 16:15

Sibalaj c'u xoyowar ri Moises xubij c'u che ri Ajawaxel: “¡Mec'amowaj la ri qui sipanic! Ri in man nu tokim ta chque mawi ta ne xa jun bur, mawi c'u ne nu banom ta jun lawaloyil che jun chque.”

Ajilanic 16:17

Chi chquijujunal c'ut chicuc'aj ri qui bukibal chuya' c'u ulok c'oc' k'ol chupam. Ri at xukuje' ri Aaron chiwuc'aj ri i bukibal quebiya' c'u na cuc' ri quieb sient cawinak lajuj, bukibal chuwäch ri Ajawaxel.”

Ajilanic 12:4

Rumal ri' ri Ajawaxel xubij che ri Moises, ri Aaron xukuje' ri Mariy: “Jix ix iwoxichal chupam ri Lic'om Rachoch Dios re rikoj ib.” Coxichal xebe chla'.