Ajilanic 16:15 - Quiché Bible

¹⁵ Sibalaj c'u xoyowar ri Moises xubij c'u che ri Ajawaxel: “¡Mec'amowaj la ri qui sipanic! Ri in man nu tokim ta chque mawi ta ne xa jun bur, mawi c'u ne nu banom ta jun lawaloyil che jun chque.”

Ajilanic 16:15 Referans Kwoze

2 Corintios 7:2

¡Chujic'ama' ba' pa iwanima'! Man c'o ta etzelal ka banom che jachin jun; man c'o ta c'ax ka banom che jachin jun; man ka subum ta jachin jun.

1 Tesalonicenses 2:10

Ix xiwilo, xukuje' ri Dios xrilo, chi uj tastalic tak winak chixo'l ix cojonelab. Xkaban ri suc', man c'o ta etzelal xriktaj chkij.

Efesios 4:26

We cäpe iwoyowal, chiwila' mixmacunic. Mabeytaj jun k'ij ri iwoyowal.

2 Corintios 1:12

Sibalaj cujquicot rumal wa', chi cäkana' pa ri canima' chi uj tastalic tak winak che u patanixic ri Dios xukuje' man xa ta quieb kanima' pa ronojel ri ka banom cuc' conojel ri winak kas c'u are na chixo'l ix. Are ri Dios yowinak wa' chke rumal ri u tok'ob, man are ta rumal quetamabal winak.

1 Corintios 9:15

Are c'u ri in mawi c'o wechben che wa'. Mawi ta ne quintz'ibaj ta ba' wa' chiwe camic che u tz'onoxic chiwe chi c'o chiya' chwe. ¡Chwe in are utz na chi quincämic chi, je quinban wa'! Man c'o ta jun quesan chwe chi nu rikom ri u banic nimal wumal cumal we jastak ri'.

Marcos 3:5

Xpe royowal ri Jesus chque, xebuca'yej ri winak ri e c'o pa tak u xcut. Xk'oxow ri ranima', rumal rech chi sibalaj co ri canima'. Xubij che ri achi: “Chayuku' ri a k'ab.” Ri achi xuyuku, ri u k'ab c'ut xcunatajic.

Ri Matey 5:22

Ri in c'ut quinbij chiwe, chi ronojel jachin ri cäpe royowal che ri rachalal, takal che chi cäc'äjisax na u wäch. Apachin ri cuyok' ri rachalal, takal che chi cäc'äjisax na u wäch cumal ri tatayib ri cäquik'at tzij pa ri comon qui nimakil ri aj judeyib. Apachin ri cubij con che ri rachalal, takal che ri are' cäbe pa ri u k'ak'al ri xibalba.

Ajilanic 12:3

Kas c'u ne kastzij, ri Moises are' ri achi ri sibalaj mach'al na cho ri uwächulew.

Elem 32:19

Aretak c'u xopan ri Moises cuc' ri aj israelib, xril ri alaj ama' wacax ri qui banom, xukuje' ri xojowem ri cätajin cäquibano, xk'ak'ar ri royowal, xebuq'uiak ri tz'alam tak abaj ri e ruc'am ulok, xebuc'äjij chuxe' ri juyub;

Ajilanic 16:16

Xubij c'u ri Moises che ri Core: “Chixpe ta chwek at xukuje' tak ri e awachil, chuwäch ri Ajawaxel. Ri Aaron xukuje' cac'oji' na chi'.

Ucab Samuel 22:22

Ri in are nu takem ri u be ri Ajawaxel; ¡mawi jumul nu xutum ta can ri nu Dios!

E C'ambal tak Tzij 21:27

Ri Ajawaxel cäretzelaj qui wäch ri qui sipanic ri e banal tak etzelal, rumal rech chi quequichi'j cuc' itzel tak chomanic.