Ajilanic 15:4 - Quiché Bible

⁴ ri cäc'amow ulok ri sipanic rajawaxic cutik quiejeb libra ruc' niq'uiaj coc'alaj c'äj ri cäyok' jun litro aseit ruc'.

Ajilanic 15:4 Referans Kwoze

Elem 29:40

Ruc' ri nabe alaj ama' chij, cachi'j quiejeb libra ruc' quiejeb onz coc'alaj c'äj ri cäyok' jun litro aseit re aseitun ruc', xukuje' jun litro u wal uva ri cajamixic.

Aj Levitib 23:13

Quic'am na ulok xukuje' lajuj libra c'oc'alaj c'äj, yok'om aseit ruc', sipanic wa' ri cäc'oc'atic ri cäporox chuwäch ri Ajawaxel, cärachilaj jun litro u wa'l uva ri cäjamix puwi'.

Aj Levitib 6:14

“Are wa' ri pixab che qui ya'ic ri sipanic quech c'äj: ri e cojol tabal tok'ob caquichi'j chuwäch ri porobal chuwäch ri Ajawaxel.

Aj Levitib 2:1

“Aretak c'o jachin cuc'am ulok jun sipanic re c'äj chuwäch ri Ajawaxel, rajawaxic re coc'alaj c'äj ri u sipanic, cuya' aseit puwi' xukuje' c'oc'alaj k'ol;

Aj Levitib 14:10

Aretak catz'akat wajxakib k'ij quebuc'am ulok quieb ama'ib tak chij ri man c'o ta qui yab, xukuje' jun ati't chij re jun u junab ri man c'o ta u yab; cajlajuj (14) libra utzalaj c'äj che sipanic re c'äj ri yok'om aseit ruc', carachilaj jun u roxil jun litro aseit.

Hebreos 13:16

Chibana' utzil. Chijachala' ri jastak iwech chbil iwib. Mäsach wa' pa i jolom. Je tak sipanic wa' quekaj chuwäch ri Dios.

Romanos 15:16

chi quinux pataninel re ri Jesucrist chquixo'l ri man aj judeyib taj. Quinpatanin che u tzijoxic ri utzalaj tak u tzij ri Dios, rech ri man aj judeyib taj cäquijach quib che ri Dios che jun sipanic ri cäkaj chuwäch ri Dios, ri cäc'am rumal, e tasom rumal ri Ruxlabal ri Dios.

Ri Malaquiy 1:11

Pa conojel ri nimak tak tinimit re ri uwächulew nim quinil wi; pa ronojel c'olbal caporox c'oc' tak k'ol che u ya'ic nu k'ij queya' c'u tak sipanic chwe ri e takalic.

Ri Ezequiel 46:14

Junam, xukuje' ak'abibal chi ak'abibal caban na jun sipanic chuwäch ri Ajawaxel re oxlajuj (13) libra qui wächinic tak ri ulew xukuje' jun litro aseit, ri cäk'ij na puwi' ri c'äj. We nak'atisabal ri' takchital u banic amak'el.

Ri Isaiy 66:20

Caquiban na chi quepe conojel ri nimak tak tinimit, conojel tak ri e i winakil, quepe c'u na chquij tak quiej, pa tak carwaj, pa tak caret, chquij cowilaj tak quiej, xukuje' chquij tak camey. E jun sipanic c'u wa' chwe in pa Jerusalen, ri tastalicalaj nu juyub, jacha' ri sipanic ri cäquic'am ulok ri aj israelib pa ch'ajch'ojalaj tak lak pa ri wachoch. In, ri Ajawaxel, nu bim wa'.”

K'atal tak Tzij 9:9

‘Jayi',’ xcha' ri u che'al aseitun chque, ‘we c'u quinoc che cajawinel ri che', quintanaba' ri' ri u ya'ic aseit ri cajwataj che u ya'ic u k'ij ri winak xukuje' ri Dios.’

Aj Levitib 2:15

Rajawaxic caya' aseit xukuje' ri c'oc'alaj k'ol puwi' ri a sipanic, sipanic c'u wa' re c'äj.

Aj Levitib 1:13

Are' c'ut ri cäjachow ri tabal tok'ob pa cachajirisaxic quebuch'aj ri ixco'l xukuje' ri e ra' ri awaj ruc' ja', ronojel c'ut cuchi'j ri cojol tabal tok'ob, cuporoj ronojel puwi' ri porobal; jacha' sipanic ri caporoxic ri cäc'oc'atic ri cäkaj chuwäch ri Ajawaxel.

Aj Levitib 3:7

We cuchi'j jun alaj ama' chij, aretak cuya' chuwäch ri Ajawaxel

Ajilanic 28:4

Jun capil ak'abibal ri jun chic cäbe k'ij.

Ajilanic 28:12

Che jujun c'ojol wacax quechi'x na oxlajuj (13) libra utzalaj c'äj ri cäyok' aseit ruc'; che jujun nimak tak chij, belejeb (9) libra c'äj ri yo'm aseit ruc';

Ri Esdras 7:17

Ruc' we puak ri' rajawaxic quebalok' na alaj tak ama'ib wacax, ama'ib tak chij, junam cuc' tak ri sipanic que c'äj xukuje' u wa'l uva, che qui chi'xic puwi' ri porobal re ri Rachoch ri i Dios ix, pa Jerusalen.

Ajilanic 7:13

Ri u sipanic are jun liq'uilic lak re sak puak ri cäpajan oxib (3) libra ruc' wajxakib (8) onz xukuje' jun nimalaj lak re sak puak ri cäpajan cajlajuj (14) onz (je' jas ri pajbalil aj k'atbal tzij rech ri k'ijilabal), qui cabichal e nojinak che utzalaj c'äj, ri yok'om aseit ruc', che ri sipanic quech tak c'äj;

Ajilanic 29:6

c'o chi c'u wi na ri' ri tabal tok'ob ri cächajirisaxic re chi ic' xukuje' ri tabal tok'ob ri cächajirisax k'ij chk'ij, querachilaj ri e rach tak sipanic quech c'äj xukuje' ri rech ri u wa'l uva, jacha' ri takanic ri u yo'm ri Dios. Wa' cux na jun sipanic ri cäc'oc'at ruxlab porom che u ya'ic u k'ij ri Ajawaxel.”