Ajilanic 15:24 - Quiché Bible

²⁴ We ri sachinakil man xnabex ta are' c'u banowinak ronojel ri tinimit, ronojel ri tinimit cuchi'j na jun c'ojol ama' wacax chwe jacha' tabal tok'ob ri cachajirisaxic ri cac'oc'at ruxlab, cärachilaj ri rach tak sipanic que c'äj xukuje' ri re u wa'l uva, jacha' ri takanic ri u yo'm ri Dios; qui chi'j chi c'u na jun ama' quisic' chwe jacha' che tabal tok'ob che u josk'ixic ri macaj.

Ajilanic 15:24 Referans Kwoze

Aj Levitib 4:23

Aretak c'u cuch'obo chi macuninak cuc'am na bic jacha' che sipanic jun ama' q'uisic' ri man c'o ta jun u yab.

Ajilanic 28:15

C'o chi c'u wi na ri' ri tabal tok'ob ri cächajirisaxic k'ij chk'ij, rajawaxic qui chi'j che ri Ajawaxel jun q'uisic' jacha' che tabal tok'ob u mac ri macaj, cärachilaj ri rach sipanic re u wa'l uva.”

Aj Levitib 5:15

“Ri winak ri camacunic ri man ruc' taj ri u rayibal cux c'u ajchak'mac re ri quit'orixic ri tastalic tak jastak rech ri Ajawaxel, rajawaxic cäresaj chquixo'l ri u tzobaj jun ama' chij ri man c'o ta jun u yab, jacha' tabal tok'ob u mac rech ri macaj, cuc'am c'u bic che ri Ajawaxel. Ri rajil ri ama' chij rajawaxic u chomaxic joropa' sak puak cäreklej je jacha' ri pajbal ri c'o chupam ri k'ijilabal.

Ri Esdras 8:35

E are' tak c'ut ri xquiya' can ri Babilon ri xetzelej ulok, xequijach che tabal tok'ob ri quechajirisaxic ri cäya' che ri u Dios ri Israel, pa qui bi' c'ut conojel ri aj israelib, cablajuj (12) alaj tak ama'ib wacax, jumuch' waklajuj (96) ama'ib tak chij, oxc'al wuklajuj (77) alaj ama'ib tak chij xukuje' cablajuj (12) ama'ib tak q'uisic' che sipanic rumal ri mac. Conojel xeporox che u ya'ic u k'ij ri Ajawaxel.

Ri Esdras 6:17

Pa ri k'ijol ri' xquichi'j che tabal tok'ob jun sient (100) alaj tak ama'ib tak wacax, quieb sient (200) ama'ib tak chij xukuje' quiejeb sient (400) alaj ama'ib tak chij, e c'o chi c'u na cablajuj (12) ama'ib tak q'uisic', jun che u q'uexwäch jun ramak' ri Israel, jacha' chque sipanic che ri u mac ronojel ri Israel.

Aj Levitib 4:2

“Chabij chque ri aj israelib chi, aretak c'o jachin jun camacun chrij jun chque ri e u takomal ri Ajawaxel ri man ruc' ta ri u rayibal cuban ta c'u jun jasach ri man ya'tal ta u banic, are wa' ri cäban na:

Aj Levitib 4:22

We cämacun jun c'amal be cuban c'u jun jasach ri quebuc'ulelaj ri e u takomal ri Ajawaxel, cux na ajchak'mac pune' man xuban ruc' ri u rayibal.

Aj Levitib 5:18

Rumal ri' rajawaxic cäresaj na ulok jun ama' chij chquixo'l ri u chij ri man c'o ta u yab, at c'u catk'atow jas ri kas rajil, cuc'am c'u na bic che ri cojol tabal tok'ob jacha' che tabal tok'ob u mac rech ri macunic, rech cärik ri sachbal u mac we winak ri' ri man ruc' ta ri u rayibal xubano, cäsachtaj c'ut ri u mac.

Ajilanic 15:23

Kas pa ri nabe k'ij ri cächaptaj bic, rech ri ix xukuje' ri e iwija'lil quebitz'akatisaj, rajawaxic quiban ri cätakex u bixic:

Ajilanic 15:26

In quinsach na u mac ronojel ri tinimit Israel xukuje' ri man e i winakil ta ri e jekel chixo'l, we ri u mac ri tinimit man xunabej taj.

Aj Levitib 23:19

Quichi'j c'u na xukuje' jun ama' q'uisic' che u josk'ixic ri macaj, xukuje' quieb alaj tak chij ama'ib jujun qui junab che tabal tok'ob re utzirisan ib.