Ajilanic 15:20 - Quiché Bible

²⁰ Je c'ut jacha' ri u chi'xic ri nabe jubik' re ri trico ri yak'tajinak, jeri' xukuje' quiban ruc' ri nabe k'or ri qui suc'umaj quiban na jun sipanic chwe re wa.

Ajilanic 15:20 Referans Kwoze

Aj Levitib 2:14

We caya' jun sipanic che ri Ajawaxel quech c'äj quech ri nabe tak u wächinic ri awulew, rajawaxic e u jolom tak trico ri e chaki'j chic q'uilim puwi' ri k'ak' ri xukuje' e c'ac' u jolom tak trico k'ichom ri awesam che ri nabe tak u wächinic ri awulew.

Elem 34:26

Rajawaxic quebic'am bic ri nabe utzalaj tak qui wächinic ri e iwulew pa ri rachoch ri Ajawaxel. Mebitzac ri alaj tak q'uisic' chupam ri u leche ri qui nan.”

Ri Ezequiel 44:30

Ri e cojol tabal tok'ob caquic'am na xukuje' ri nabe utzalaj tak qui wächinic tak ri ulew xukuje' conojel tak ri sipanic ri quebelyokok. Aretak c'u ri ix quisuc'umaj ri k'or che ri wa, ri sibalaj utz na are cäya' chque. Jeri' ri nu tewichibal cajeki' na paquiwi' tak ri iwachoch.

Ri Nehemiy 10:37

Xukuje' xkaya' ka tzij che qui c'amic bic chupam ri quec'ol wi tak ri jastak, ri c'o chupam ri rachoch ri ka Dios, che cuchuj chque tak ri e cojol tabal tok'ob ri e nabe tak ka c'äj, xukuje' ri nabe tak qui wächinic ronojel che', xukuje' ri nabe u wa'l ka uva xukuje' ri nabe kaseit, xukuje' cakac'am bic chque ri aj levitib ri qui lajujil tak ri e qui wächinic tak ri kulew, e are' c'u quemulin tak ri e qui lajujil conojel tak ri kulew.

Aj Levitib 23:10

“Chabij chque ri aj israelib ri quinbij chawe: Aretak ix oquinak chic pa ri ulew ri quenya' chiwe, i k'atom chi c'ut ri trico, quic'am ulok chuwäch ri cojol tabal tok'ob ri nabe ya'taj re ri u wächinic ri iwulew.

Elem 23:19

E are' ri nabe tak u wächinic ri awulew ri e je'l na, chebac'ama' bic pa ri rachoch ri Ajawaxel. Mebatzac alaj tak q'uisic' chupam ri u tu' ri u nan.”

Apocalipsis 14:4

E are wa' ri man xquitz'iloj ta quib cuc' ixokib, mawi xec'uli'c. Are wa' ri queterenem ri Alaj Chij apawije' ta ne ri cäbe wi. Ri xelok' chquixo'l ri winak che ri Dios xukuje' che ri Alaj Chij, je ta ne ri e nabe tak u wächinic ri tico'n.

Santiago 1:18

Ri are' xuchomaj jas cuban na, xuya' ka c'aslemal rumal ri tzij re kastzij, rech cujux jujun nabe tak qui wächinic ri jastak ri e banom rumal.

1 Corintios 15:20

Are' c'u ri Crist c'astajinak chic chquixo'l ri cäminakib. Ri are' are' nabe wächinic chquixo'l ri cäminakib ri quec'astaj na.

Romanos 11:16

We tastal che ri Dios ri nabe wa ri quel che ri k'or, jeri' conojel ri wa e tastalic. We ri u xe' ri che' tastalic, jeri' conojel ri e u k'ab e tastalic.

Ri Matey 6:33

Rumal c'u ri' are chicojo' i chuk'ab che u rikic ri rajawibal ri Dios chibana' c'ut ri cutok'ij ri Dios, quebic'am c'u na xukuje' conojel tak we jastak ri'.

U Camulixic ri Pixab 14:22

“Chi junab, mel i k'ij, ri ix rajawaxic quitas ri u lajujil ri u wächinic ronojel ri i tico'n.

Ajilanic 18:12

Xukuje' quebenya' ri nabe tak wächinic ri quequic'am ulok ri aj israelib chwe chujunab: ri aseit ri utz na ri u wa'l uva, xukuje' ri re ri trico.

Aj Levitib 23:20

Ri cojol tabal tok'ob quebuchi'j ri awaj jacha' che sipanic ri nim u banic chuwäch ri Ajawaxel, cärachilaj ri caxlanwa que ri nabe tak wächinic xukuje' ri quieb alaj ama'ib tak chij. Quetas che u k'ijilaxic ri Ajawaxel, quecanaj c'u che ri cojol tabal tok'ob.

Ajilanic 15:21

We sipanic ri' rajawaxic qui ban amak'el.

U Camulixic ri Pixab 14:23

Che ri lajujil ri' rech ri trico, ri u wa'l uva, rech ri aseit, xukuje' chque ri nabe tak cal ri e i wacax xukuje' tak chij, are quitij wa' chuwäch ri Ajawaxel ri i Dios, pa ri c'olbal ri cucha' na che u jekelibal ri u bi', rech quiwetamaj u ya'ic u k'ij ri Ajawaxel.

U Camulixic ri Pixab 16:13

Aretak i q'uisom chic u k'atic ri i trico xukuje' u pitz'ic ri i uva, wukub k'ij quiwoc'owisaj ri nimak'ij que tak ri Cäbal.

Aj Levitib 2:12

Cuya' quic'am ulok ri ch'am ri juyubal räx cab che ri Ajawaxel jacha' che sipanic che ri nabe tak wächinic, man c'u quebichi'j ta puwi' ri porobal jacha' che c'oc'al ri cac'oc'atic.