Ajilanic 14:33 - Quiché Bible

³³ ri chupam quejeki' wi na ri e calc'ual jacha' aj yuk'ab cawinak junab. Jewa' caquiban na ri e are' che u tojic ri man i jiquil taj, c'ä quixcäm na ri ix iwonojel waral chupam ri chaki'j uwo sak.

Ajilanic 14:33 Referans Kwoze

Ri Ezequiel 23:35

Rumal ri', in, ri Ajawaxel quinbij: “Rumal c'u rech chi in a sachom pa a jolom are c'u a yo'm can ri awij chnuwäch, cakajbej na ri c'äjisabal wächaj rech ri a tzokopitajic xukuje' ri rech ri a macunic quech nim ch'utin.”

Ajilanic 32:13

Ri Ajawaxel xpe royowal chque ri aj israelib xuban c'u chque chi xebinicat chi na cawinak junab chupam ri chaki'j uwo sak, c'ä man c'o ta jun xc'asi' ta can chque ri xquiyac royowal cumal ri itzel tak qui banoj.

Salmib 107:40

Ri Dios cäretzelaj qui wäch ri e banal tak c'ax, quebusachisaj chquipam tak ri chaki'j tak uwo sak jawije' man c'o ta wi be.

U Camulixic ri Pixab 2:14

Kas c'u aretak xujel ulok pa Cades-barney c'ä pa ri k'ij ri xojoc'ow chupam ri nima' Zered, xoc'ow juwinak wajxaklajuj (38) junab, pa tak ri k'ij ri' e cäminak chi conojel ri achijab ajch'ojab ri e c'o pa ri kajebal, jacha' ri xubij ri Ajawaxel aretak xuban ri chinic ri kas cäban na.

Ri Osey 9:1

Mat quicotic Israel; mat ch'oplinic chi utz at c'olic jacha' ri jule' tak tinimit chic, at uxinak c'u junam cuc' ri quech ri nim ch'utin aretak xaxutuj can ri a Dios. Pa tak ri era ri cayak' wi ri trico, cäkaj c'u chawäch quebac'am tak ri tojbal re ri e a mac jacha ri cuban ri quech ri nim ch'utin.

Salmib 107:4

Quebinicatic e sachinak chupam ri chaki'j uwo sak ri nojinak che sanyeb, man cäquirik ta ri be ri cäbe ta pa jun tinimit ri quejeki' ta wi;

Ri Josue 14:10

E oc'owinak chic cawinak job (45) junab ri u bim ulok ri Ajawaxel wa' che ri Moises, chi' aretak c'ä quewacatilob ri aj israelib pa ri chaki'j uwo sak, c'ä in u c'asbam c'ut jas ri xuchi'j. C'o chi c'u jumuch' ruc' job (85) ri nu junab camic,

U Camulixic ri Pixab 1:3

Pa ri nabe k'ij rech ri ujulajuj ic' pa ri junab cawinak; aretak ri Moises u ch'äcom chic ri Sehon ri cajawinel ri aj amoreyib ri jekel pa Hesbon, xukuje' ri Og ajawinel re Basan, ri jekel pa Astarot, pa ri ulew Edrey, ri Moises xuya' u bixic chque ri aj israelib conojel ri jastak ri u bim ri Ajawaxel chi quebanic.

Ajilanic 33:38

Rumal ri u takanic ri Ajawaxel, ri Aaron ri cojol tabal tok'ob xpaki' puwi' ri juyub Hor, chila' c'u xecäm wi chupam ri nabe k'ij rech ri ro' ic' re ri junab cawinak, chapom ulok rajilaxic pa ri k'ij ri xebel bic ri aj israelib pa Ejipt.

Ajilanic 5:31

Ri achajilaxel man c'o ta cutaklebej, we c'u c'o u mac ri ixok are' cäkajben na ri' ri c'äjisabal wächaj.”

Hechos 7:36

Are Moises wa' ri xebesan ulok ri ka mam. Xebuban mayibal xukuje' etal pa ri ulew Ejipt. Je xuban pa ri Quiäk Plo. Cawinak junab je xuban pa tak ri chaki'j uwo sak.

Elem 20:5

Mamej awib chquiwäch mawi mebaya' k'ijilanic chque, rumal rech chi in ri' ri Ajawaxel ri a Dios, Dios achixomanel ri cuc'äjisaj qui wäch ri etzelal ri caquiban ri tataxelab, pa ri qui wi' ri calc'ual, ri qui' tak qui mam xukuje' xiquin tak qui mam ri caquetzelaj nu wäch;

U Camulixic ri Pixab 2:7

Ri Ajawaxel ri i Dios ix u tewichi'm pa ronojel ri i banom, cawinak junab c'ut c'olinak iwuc'. Ix u chajin pa ronojel ri i binem pa we nimalaj chaki'j uwo sak ri', man c'o ta c'u xajwataj chiwe.

U Camulixic ri Pixab 8:2

Chnataj chiwe ronojel ri be ri xixuc'am wi ulok ri Ajawaxel ri i Dios pa ri chaki'j uwo sak ronojel ri cawinak junab, che i mach'irisaxic, xukuje' che i c'ambejexic, rech caretamaj tak ri e i chomanic, cäretamaj c'ut we quebitz'akatisaj, o we man quitz'akatisaj ta ri e u takomal.

U Camulixic ri Pixab 8:4

Pa ri cawinak junab ri' man xejar ta ri e iwatz'iak chiwij, mawi xesipoj ta ri iwakan.

U Camulixic ri Pixab 29:5

Cawinak junab nu c'amom i be pa ri chaki'j uwo sak, pa conojel c'u we junab ri' man jarinak ta ri iwatz'iak mawi ri i xajäb.

Ri Josue 5:6

Rumal c'u rech chi cawinak junab xebin ri aj israelib pa ri chaki'j uwo sak, e cäminak chi c'u conojel ri achijab ri xebel ulok pa Ejipt ri c'o chi qui junab che u banic ch'o'j. We achijab ri' man xeniman ta che ri Ajawaxel rumal ri' ri are' xcha' chque ruc' chi'nic ri kas cäban na chi man caquil ta na ri ulew ri xuchi'j u ya'ic chque ri e qui mam, ulew ri cabelel wi ri leche xukuje' ri juyubal räx cab jacha' ri ja'.

Salmib 78:33

Rumal ri' ri Dios xuq'uis tzij puwi' ri qui c'aslemal e je ta ne xa jun uxlabic, pa u niq'uiajil jun xibin ib xibibal.